ಗಿಡ, ಮರ ಬೆಳೆಸಿ, ಪರಿಸರ ಸಂರಕ್ಷಿಸಿ: ಕೃಷಿ ಅಧಿಕಾರಿ ಸತೀಶ್ ನಾಯಕ್

ಸಮೀಪದ ಹೊಸಕೆರೆಯಲ್ಲಿ ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯಡಿಯಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಪರಿಸರ ಜಾಗೃತಿ ಕಾರ್ಯಕ್ರಮದಲ್ಲಿ ಗಿಡ ನೆಡುವುದರ ಮೂಲಕ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಜನರ ದುರಾಸೆ ಮತ್ತು ನಗರೀಕರಣದಿಂದಾಗಿ ಗಿಡ ಮರಗಳನ್ನು ಬೆಳಸುವುದರ ಬದಲಾಗಿ ಕಡಿದು ಪರಿಸರವನ್ನು ಹಾಳು ಮಾಡುತ್ತಿದ್ದಾರೆ. ಅದಕ್ಕಾಗಿ ವಿದ್ಯಾರ್ಥಿಗಳು ತಮ್ಮ ತಮ್ಮ ಶಾಲೆಯ ಆವರಣ ಮತ್ತು ಗ್ರಾಮಗಳಲ್ಲಿ ಗಿಡ ಮರಗಳನ್ನು ಬೆಳಸಬೇಕು ಎಂದರು.

ಸರ್ಕಾರಿ ಹಿರಿಯ ಪ್ರಾಥಮಿಕ ಪಾಠಶಾಲೆಯ ಮುಖ್ಯಶಿಕ್ಷಕ ಪ್ರಕಾಶ್, ಗ್ರಾಮ ಪಂಚಾಯಿತಿ ಸದಸ್ಯ ಮಲ್ಲಿಕಾರ್ಜುನ, ದೇವರಾಜ್ ಮೇಲ್ವಿಚಾರಕ ಎಸ್.ಎಂ. ಪ್ರಕಾಶ್ ,ಅನಿಲ್ ,ಅನುಷಾ ಉಪಸ್ಥಿತರಿದ್ದರು.