‘ನಾವು ಹಲಸಿನ ಹಣ್ಣುಗಳನ್ನು ಮಾರಾಟ ಮಾಡುವುದಿಲ್ಲ. ನಾವು ತಿಂದು ಸಂಬಂಧಿಕರಿಗೆ, ನೆರೆಹೊರೆಯವರಿಗೆ, ಸ್ನೇಹಿತರಿಗೆ ಹಂಚುತ್ತೇವೆ. ಹಲಸಿನ ಮರ ಸುಮಾರು 50 ಅಡಿಗೂ ಹೆಚ್ಚು ಎತ್ತರ ಬೆಳೆದಿದ್ದು, ಮೇಲೆ ಬಿಟ್ಟಿರುವ ಹಣ್ಣುಗಳನ್ನು ಬಿದಿರು ಗಳದಿಂದ ಕೀಳಬಹುದು. ಆದರೆ, ಅವನ್ನು ಪಕ್ಷಿಗಳಿಗಾಗಿ ಕೀಳದೆ ಹಾಗೆಯೇ ಬಿಡುತ್ತೇವೆ. ಅವುಗಳನ್ನು ಪಕ್ಷಿಗಳು, ಕೋತಿಗಳು, ಅಳಿಲುಗಳು ತಿನ್ನುತ್ತವೆ. ಒಮ್ಮೊಮ್ಮೆ ಕರಡಿಗಳು ಕೆಳಗಿನ ಹಣ್ಣುಗಳನ್ನೂ ತಿನ್ನುತ್ತವೆ’ ಎನ್ನುತ್ತಾರೆ ಅವರು.