ಬಂಟ್ವಾಳ: ಮಾನಸಿಕ ಅಸ್ವಸ್ಥರಾದಇಬ್ಬರು ಸಹೋದರಿಯೊಂದಿಗೆ ಜೀವಿಸುತ್ತಿದ್ದ ಮಾಜಿ ಸೈನಿಕರೊಬ್ಬರು ಮನೆಯಲ್ಲೇ ಮೃತಪಟ್ಟ ಐದು ದಿನಗಳ ಬಳಿಕ ಬೆಳಕಿಗೆ ಬಂದಿದೆ.
ಇಲ್ಲಿನ ಘಟನೆ ಪಂಜಿಕಲ್ಲು ಗ್ರಾಮದ ಪಲ್ಲೊಟ್ಟು ನಿವಾಸಿ ರಿಚಾರ್ಡ್ ಫೆರ್ನಾಂಡೀಸ್(55) ಮೃತಪಟ್ಟ ಮಾಜಿ ಸೈನಿಕ. ಇವರು ಶುಕ್ರವಾರ ರಾತ್ರಿ ಮಲಗಿದಲ್ಲೇ ಮೃತಪಟ್ಟಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ.
ಅವಿವಾಹಿತ ರಿಚಾರ್ಡ್ ಫೆರ್ನಾಂಡೀಸ್ ತನ್ನ ಇಬ್ಬರು ಅವಿವಾಹಿತೆ ಮಾನಸಿಕ ಅಸ್ವಸ್ಥ ಸಹೋದರಿಯೊಂದಿಗೆವಾಸವಾಗಿದ್ದರು.
ರಿಚಾರ್ಡ್ ಪ್ರತಿನಿತ್ಯ ಡೈರಿಗೆ ಹಾಲು ತರುತ್ತಿದ್ದು, ಕೆಲವು ದಿನಗಳಿಂದ ಹೋಗಿಲ್ಲ. ಈ ಬಗ್ಗೆ ಸ್ಥಳೀಯರು ಹೋಗಿ ವಿಚಾರಿಸಿದಾಗ ಮನೆಯಲ್ಲಿ ಕೊಳೆತ ಶವ ಕಂಡು ಬಂದಿದೆ ಎಂದು ಗ್ರಾಮಾಂತರ ಠಾಣೆ ಪೊಲೀಸರು ತಿಳಿಸಿದ್ದಾರೆ.
