ಕಾಸರಗೋಡು: ನಾಲ್ವರಲ್ಲಿ ಸೋಂಕು

ಸೋಂಕಿತರು ಮೀಂಜ, ಉದುಮ ಮತ್ತು ಚೆಮ್ನಾಡ್‌ ಪಂಚಾಯಿತಿ ವ್ಯಾಪ್ತಿಯವರು. ಇಬ್ಬರು ವಿದೇಶದಿಂದ ಬಂದವರು ಮತ್ತು ಇಬ್ಬರು ಮಹಾರಾಷ್ಟ್ರದಿಂದ ಹಿಂದಿರುಗಿದ್ದವರು. ಎಲ್ಲರನ್ನೂ ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಕಾಸರಗೋಡು ಜಿಲ್ಲಾ ವೈದ್ಯಾಧಿಕಾರಿ ಡಾ.ಎ.ವಿ.ರಾಮದಾಸ್‌ ತಿಳಿಸಿದ್ದಾರೆ.

ವಲಿಯಪರಂಬ, ಮಂಗಲ್ಪಾಡಿ, ಪುಲ್ಲೂರು– ಪೆರಿಯ ಮತ್ತು ಕಾರಡ್ಕದ ತಲಾ ಒಬ್ಬರು ಗುಣಮುಖರಾಗಿದ್ದು, ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ. ಕಾಸರಗೋಡು ಜಿಲ್ಲೆಯ 108 ಸೋಂಕಿತರು ಇನ್ನೂ ಆಸ್ಪತ್ರೆಯಲ್ಲಿದ್ದಾರೆ. ಈ ಪೈಕಿ 93 ಮಂದಿ ಕಾಸರಗೋಡಿನಲ್ಲಿ ಮತ್ತು 15 ಮಂದಿ ಕಣ್ಣೂರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.