ಮಂಗಳೂರು: ಬೆಂಗಳೂರಿನಲ್ಲಿ ಇತ್ತೀಚೆಗೆ ನಡೆದ ಏಷ್ಯಾದ ಅತಿ ದೊಡ್ಡ ಎಥೆರಿಯಮ್ ಹ್ಯಾಕಥಾನ್‌ನಲ್ಲಿ ಸುರತ್ಕಲ್ ಎನ್‌ಐಟಿಕೆ ವಿದ್ಯಾರ್ಥಿಗಳು ಪ್ರದರ್ಶಿಸಿದ ಚಾರ್ಜ್ ಸ್ವಾಪ್ ಬ್ಯಾಟರಿ ವಿನಿಮಯ ತಂತ್ರಜ್ಞಾನಕ್ಕೆ ಅತ್ಯುತ್ತಮ ಹೊಸ ಮಾಡ್ಯೂಲ್ ಪ್ರಶಸ್ತಿ ದೊರೆತಿದೆ. ಜತೆಗೆ ₹ 5.35 ಲಕ್ಷ ($ 6500) ಬಹುಮಾನ ಲಭಿಸಿದೆ.
ಆಶಿಶ್ ಭರತ್, ಅಸಿಮ್ ಜವಾಹಿರ್, ಅಭಿರಾಜ್ ಮೆಂಗಡೆ ಮತ್ತು ಎನ್‌ಐಟಿಕೆಯ ಪಾರ್ಥ್ ಮಿತ್ತಲ್ ಮತ್ತು ಐಐಐಟಿ–ಡಿಯಿಂದ ರಾಹುಲ್ ಪೂಜಾರಿ ಒಳಗೊಂಡ ಐದು ವಿದ್ಯಾರ್ಥಿಗಳ ತಂಡವು 69 ದೇಶಗಳ 20,000ಕ್ಕೂ ಹೆಚ್ಚು ಹ್ಯಾಕರ್‌ಗಳಲ್ಲಿ ಒಬ್ಬರಾಗಿ ‘ಇಟಿಎಚ್‌ಇಂಡಿಯಾ–22’ಗೆ ಆಯ್ಕೆಯಾದರು.
ಎನ್‌ಐಟಿಕೆ ವಿದ್ಯಾರ್ಥಿಗಳು ತಯಾರಿಸಿದ ಚಾರ್ಜ್‌ಸ್ವಾಪ್ ಬ್ಯಾಟರಿ-ಸ್ವಾಪಿಂಗ್, ಪರಿಸರ ವ್ಯವಸ್ಥೆಯನ್ನು ವಿಕೇಂದ್ರೀಕರಿಸುವ ಗುರಿ ಹೊಂದಿದೆ. ಡೇಟಾದ ಅಸ್ಥಿರತೆಯನ್ನು ನೀಡಲು, ಪ್ರೋಗ್ರಾಮೆಬಲ್ ಹಣ ವರ್ಗಾವಣೆಯನ್ನು ಸಕ್ರಿಯಗೊಳಿಸುತ್ತದೆ ಮತ್ತು ಬೆಲೆಯನ್ನು ಹೆಚ್ಚಿಸಲು ಅಥವಾ ಬಳಕೆಯ ವೆಚ್ಚವನ್ನು ಕಡಿಮೆ ಮಾಡಲು ತಪ್ಪಾಗಿ ನಿರೂಪಿಸುವ ಸಾಧ್ಯತೆಯನ್ನು ತೆಗೆದುಹಾಕುತ್ತದೆ.
459 ತಂಡಗಳೊಂದಿಗೆ ಸ್ಪರ್ಧಿಸಿದವಿದ್ಯಾರ್ಥಿಗಳು, 36 ಗಂಟೆಗಳಲ್ಲಿ ಮಾದರಿ ತಯಾರಿಸಿ, ಟಾಪ್ 12 ವಿಜೇತರಾಗಿ ಹೊರಹೊಮ್ಮಿದರು.ಅತ್ಯುತ್ತಮ ಹೊಸ ಮಾಡ್ಯೂಲ್ ಪ್ರಶಸ್ತಿ ಪಡೆದಿರುವ ಈ ಯೋಜನೆಯನ್ನು ಮುಂದುವರಿಸಲು ಅನೇಕ ಸಂಸ್ಥೆಗಳು ವಿದ್ಯಾರ್ಥಿಗಳನ್ನು ಸಂಪರ್ಕಿಸಿದವು.
