ವಿಟ್ಲ: ಲಕ್ಷಾಂತರ ಮೌಲ್ಯದ ಆಭರಣ ಕಳವು

ಕಾನತ್ತಡ್ಕ ನಿವಾಸಿ ರಹೀಮ್ ಶಾನ್ ಕುಟುಂಬದವರು ಮದುವೆಗೆ ತೆರಳಿದ್ದ ವೇಳೆ, ಫೆಬ್ರುವರಿ 5ರಂದು ರಾತ್ರಿ ಕಳವು ನಡೆದಿದೆ. ಕಪಾಟಿನಲ್ಲಿದ್ದ ಚಿನ್ನದ 3 ಬ್ರೇಸ್‌ಲೆಟ್, 4 ಸೆಟ್ ಕಿವಿಯ ಬೆಂಡೋಲೆ, ವಜ್ರವಿರುವ ಬೆಂಡೋಲೆ, ಉಂಗುರ, ಸೊಂಟದ ಆಭರಣ, ಚೈನ್, ಬಳೆಗಳು, ಪೆಂಡೆಂಟ್ ಕಳವಾಗಿದೆ.

ಮಕ್ಕಳ ವಾಚ್ ಕೂಡ ಕಳ್ಳತನ ಮಾಡಲಾಗಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ‌ವಿಟ್ಲ ಪೊಲೀಸ್ ನಿರೀಕ್ಷಕ ನಾಗರಾಜ್ ತಂಡ ಸ್ಥಳಕ್ಕೆ ತೆರಳಿದೆ.