ದಾವಣಗೆರೆ: ಏರಿಳಿತದಲ್ಲೇ ಸಾಗಿದ ಟೊಮೆಟೊ ದರ

ದಾವಣಗೆರೆ : ಮಾರುಕಟ್ಟೆಯಲ್ಲಿ ಟೊಮೆಟೊ ದರ ಏರಿಳಿತದಲ್ಲೇ ಸಾಗಿದೆ. ಒಮ್ಮೊಮ್ಮೆ ಪ್ರತಿ ಕೆ.ಜಿ.ಗೆ ₹ 50ರಿಂದ ₹ 60ರವರೆಗೆ ದರ ಹೆಚ್ಚಿಸಿಕೊಳ್ಳುವ ಟೊಮೆಟೊ, ಕೆಲವೊಮ್ಮೆ ₹ 10ರಿಂದ ₹ 15ಕ್ಕೆ ಕುಸಿಯುತ್ತಿದೆ.

. ವಾರದ ಹಿಂದೆಯಷ್ಟೇ ಇಲ್ಲಿನ ಕೆ.ಆರ್. ಮಾರುಕಟ್ಟೆಯಲ್ಲಿ ಟೊಮೆಟೊ ₹ 15ರಂತೆ ಮಾರಾಟವಾಗಿತ್ತು. ಶನಿವಾರ ₹ 25ಕ್ಕೆ ಕೆ.ಜಿ.ಯಂತೆ ಮಾರಾಟವಾಯಿತು.

. 25 ಕೆ.ಜಿ.ಯ ಟೊಮೆಟೊ ಬಾಕ್ಸ್ ವಾರದ ಹಿಂದೆ ₹ 200ರಿಂದ ₹ 250ಕ್ಕೆ ಬಿಕರಿಯಾಗಿತ್ತು. ಶುಕ್ರವಾರ ಹಾಗೂ ಶನಿವಾರ ಅದರ ದರ ₹ 400ಕ್ಕೆ ಮಾರಾಟವಾಗಿದೆ. ದರ ಏರಿಳಿತದ ನಡುವೆಯೂ ಈ ವಾರ ಟೊಮೆಟೊ ಬೆಳೆಗಾರರ ಕೈಹಿಡಿದಿದೆ.

. ಬಾಗಿದ ನುಗ್ಗೆಕಾಯಿ:

. ಕೆ.ಜಿ.ಗೆ ₹ 200ರ ಗಡಿ ದಾಟಿದ್ದ ನುಗ್ಗೆಕಾಯಿ ದರವು ವಾರದಿಂದ ಅಲ್ಪ ತಗ್ಗಿದ್ದು, ಇದೀಗ ₹ 150ರಂತೆ ಮಾರಾಟವಾಗುತ್ತಿದೆ. ಇನ್ನು ₹ 40 ಇದ್ದ ಹೀರೇಕಾಯಿ ₹ 20 ಹೆಚ್ಚಿಸಿಕೊಂಡು ₹ 60ರಂತೆ ಬಿಕರಿಯಾಗುತ್ತದೆ.

. ಬೀನ್ಸ್ ದರವೂ ₹ 20 ಹೆಚ್ಚಿದ್ದು, ₹ 60ರಂತೆ ಮಾರಾಟವಾಗುತ್ತಿದೆ. ₹ 60ರಿಂದ ₹ 80ರ ಆಸುಪಾಸಿನಲ್ಲಿದ್ದ ಹಾಗಲಕಾಯಿ ದರ ₹ 40ಕ್ಕೆ ಕುಸಿದಿದ್ದು, ಗ್ರಾಹಕರಿಗೆ ‘ಸಿಹಿ’ ನೀಡಿದೆ.

. ಹುಣಸೆಹಣ್ಣು ಕೆ.ಜಿ.ಗೆ ₹ 120, ಬೆಳ್ಳುಳ್ಳಿ ₹ 80ರಿಂದ ₹ 100, ಹಸಿಶುಂಠಿ ₹ 60, ನಿಂಬೆಹಣ್ಣು ₹ 10ಕ್ಕೆ 4ರಿಂದ 5ರಂತೆ ಮಾರಾಟವಾಗುತ್ತಿವೆ.

. ‘ಚಳಿಯ ವಾತಾವರಣದ ಕಾರಣಕ್ಕೆ ನಿಂಬೆಹಣ್ಣಿಗೆ ಹೇಳಿಕೊಳ್ಳುವಂತಹ ಬೇಡಿಕೆ ಇಲ್ಲ. ಬಿಸಿಲು ಹೆಚ್ಚಾದಂತೆ ನಿಂಬೆಹಣ್ಣಿಗೆ ಬೇಡಿಕೆ ಹೆಚ್ಚಾಗಲಿದೆ. ಇನ್ನು ಕೆಲವೇ ದಿನಗಳಲ್ಲಿ ಉತ್ತಮ ದರ ದೊರೆಯುವ ನಿರೀಕ್ಷೆ ಇದೆ’ ಎಂದು ವ್ಯಾಪಾರಿ ಇಸ್ಮಾಯಿಲ್ ಹೇಳಿದರು.

. ಕೊತ್ತಂಬರಿ ₹ 10ಕ್ಕೆ 4 ಸಿವುಡು, ಮೆಂತ್ಯೆ ₹ 10ಕ್ಕೆ 3, ಪುದೀನ ₹ 5ಕ್ಕೆ 1, ಸಬ್ಬಸಗಿ ₹ 10ಕ್ಕೆ 2, ಪಾಲಕ್ ₹ 5ಕ್ಕೆ 1, ರಾಜಗಿರಿ ₹ 5ಕ್ಕೆ 1 ಹಾಗೂ ಕರಿಬೇವು ಕೆ.ಜಿ.ಗೆ ₹ 150ರಿಂದ ₹ 160ಕ್ಕೆ ಮಾರಾಟವಾಗುತ್ತಿವೆ.

. ವ್ಯಾಪಾರ ಜೋರು:

. ಜನವರಿ 25ರಂದು (ಭಾನುವಾರ) ಮದುವೆ, ಗೃಹಪ್ರವೇಶ ಹಾಗೂ ಇನ್ನಿತರ ಶುಭ ಸಮಾರಂಭಗಳಿಗೆ ಸೂಕ್ತ ಎಂಬ ಕಾರಣ ಮಾರುಕಟ್ಟೆಯಲ್ಲಿ ಶನಿವಾರ ಗ್ರಾಹಕರ ದಂಡು ಕಂಡುಬಂತು. ಹಣ್ಣು– ತರಕಾರಿ ಹಾಗೂ ದಿನಸಿ ಸಾಮಗ್ರಿಗಳ ಖರೀದಿ ಜೋರಾಗಿತ್ತು.

. ‘ಜನವರಿ ಆರಂಭದಿಂದಲೂ ಹೇಳಿಕೊಳ್ಳುವಂತಹ ವ್ಯಾಪಾರ ನಡೆದಿರಲಿಲ್ಲ. ಆದರೆ, ಶನಿವಾರ ನಿರೀಕ್ಷೆಗೂ ಮೀರಿ ಗ್ರಾಹಕರು ಮಾರುಕಟ್ಟೆಗೆ ಆಗಮಿಸಿ ತರಕಾರಿ ಖರೀದಿಸಿದರು. ಉತ್ತಮ ವ್ಯಾಪಾರ ನಡೆಯಿತು’ ಎಂದು ವ್ಯಾಪಾರಿ ಎಸ್ಟಿಜಿ ರುದ್ರೇಶ್ ಸಂತಸ ಹಂಚಿಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಾವಣಗೆರೆ: ಏರಿಳಿತದಲ್ಲೇ ಸಾಗಿದ ಟೊಮೆಟೊ ದರ

ತುಂಬಾ ಕಷ್ಟಗಳು, ಹೂ ಮಾರಲು ಹೋಗಿದ್ದೆ: ವೇದಿಕೆ ಮೇಲೆಯೇ ಕಣ್ಣೀರಿಟ್ಟ ರಾಧಾ ಭಗವತಿ

ಚಿನಕುರುಳಿ: ಶನಿವಾರ, 24 ಜನವರಿ 2026

ಬೈರತಿಗೆ ಅವಹೇಳನ ಮಾಡಿದ ಆರೋಪ: BJP ಶಾಸಕ ಸುರೇಶ್ ಕುಮಾರ್ ಮನೆ ಮುಂದೆ ಪ್ರತಿಭಟನೆ

ಹುಬ್ಬಳ್ಳಿ: ಕಟೌಟ್‌ ಬಿದ್ದು ಗಾಯಗೊಂಡವರ ಆರೋಗ್ಯ ವಿಚಾರಿಸಿದ ಸಿಎಂ

T20 World Cup: ವಂದತಿಗಳ ನಡುವೆಯೇ ವಿಶ್ವಕಪ್‌ಗೆ ತಂಡ ಘೋಷಿಸಿದ ಪಾಕಿಸ್ತಾನ

ಯುವತಿ ಜೊತೆ ಸಿಕ್ಕಿಬಿದ್ದ ಪಲಾಶ್‌ಗೆ ಥಳಿತ: ವಿದ್ಯಾನ್ ಮಾನೆ ಗಂಭೀರ ಆರೋಪ

ಆರೋಪ ಮಾಡಿದ ನಟನ ವಿರುದ್ಧ ₹ 10 ಕೋಟಿ ಮಾನನಷ್ಟ ಮೊಕದ್ದಮೆ ಹೂಡಿದ ಪಲಾಶ್ ಮುಚ್ಛಲ್

ಬಾಂಗ್ಲಾ ಬೆನ್ನಲ್ಲೇ ಪಾಕಿಸ್ತಾನವೂ ವಿಶ್ವಕಪ್‌ನಿಂದ ಹೊರಕ್ಕೆ! PCB ಹೇಳಿದ್ದೇನು?

ಒಳನೋಟ: ಪ್ರತಿಜೀವಕಗಳೇ ಜೀವಕ್ಕೆ ಕುತ್ತು?

ಒಳನೋಟ: ಕಾಡು ಕಾಯುವವರ ವ್ಯಥೆ

ಒಳನೋಟ: ಪಶ್ಚಿಮಘಟ್ಟಕ್ಕೆ ಅಭಿವೃದ್ಧಿಯ ಕುತ್ತು

ಒಳನೋಟ | ಎಐ ಕಲಿತರಷ್ಟೇ ಕೆಲಸ: ಸೃಜನಶೀಲತೆ ಮತ್ತು ಸಹಜೀವನ ಅಗತ್ಯ

ತುಂಬಾ ಕಷ್ಟಗಳು, ಹೂ ಮಾರಲು ಹೋಗಿದ್ದೆ: ವೇದಿಕೆ ಮೇಲೆಯೇ ಕಣ್ಣೀರಿಟ್ಟ ರಾಧಾ ಭಗವತಿ

ಚಿನಕುರುಳಿ: ಶನಿವಾರ, 24 ಜನವರಿ 2026

ಬೈರತಿಗೆ ಅವಹೇಳನ ಮಾಡಿದ ಆರೋಪ: BJP ಶಾಸಕ ಸುರೇಶ್ ಕುಮಾರ್ ಮನೆ ಮುಂದೆ ಪ್ರತಿಭಟನೆ

ಹುಬ್ಬಳ್ಳಿ: ಕಟೌಟ್‌ ಬಿದ್ದು ಗಾಯಗೊಂಡವರ ಆರೋಗ್ಯ ವಿಚಾರಿಸಿದ ಸಿಎಂ