ಪ್ರತಿ ಸಸಿಗೆ ₹ 35ರಂತೆ ಕೊಟ್ಟು ಖರೀದಿಸಿ, 4,500 ಡ್ರ್ಯಾಗನ್ ಫ್ರೂಟ್ ಸಸಿಗಳನ್ನು ನಾಟಿ ಮಾಡಿದ್ದ ಇವರು, ಸುದೀರ್ಘ ಅವಧಿಯ ಬೆಳೆಗಾಗಿ ₹ 13.50 ಲಕ್ಷ ವ್ಯಯಿಸಿದ್ದಾರೆ. 15 ದಿನಗಳಿಂದ ಫಲ ಆರಂಭವಾಗಿದ್ದು, ಇದುವರೆಗೆ 5 ಟನ್ ಇಳುವರಿ ಬಂದಿದೆ. ಪ್ರತಿ ಕೆ.ಜಿ. ಡ್ರ್ಯಾಗನ್ ಫ್ರೂಟ್ ಅನ್ನು ₹ 120ಕ್ಕೆ ಮಾರಾಟ ಮಾಡುತ್ತಿದ್ದು, ಈಗಾಗಲೇ ₹ 5.50 ಲಕ್ಷ ಆದಾಯ ಪಡೆದುಕೊಂಡಿದ್ದಾರೆ. ಫಲ ಆರಂಭವಾದ ನಂತರದ ನಾಲ್ಕು ತಿಂಗಳುಗಳ ಕಾಲ ಹಣ್ಣು ಲಭಿಸುವುದರಿಂದ ಇನ್ನೂ 6ರಿಂದ 7 ಟನ್ ಇಳುವರಿಯ ನೀರಿಕ್ಷೆ ಹೊಂದಿದ್ದಾರೆ.