ಬಂಧಮುಕ್ತನಾದ ಬುದ್ಧಿಮಾಂದ್ಯ ಯುವಕ

7

ಬಂಧಮುಕ್ತನಾದ ಬುದ್ಧಿಮಾಂದ್ಯ ಯುವಕ

Published:
Updated:

ದಾವಣಗೆರೆ: ಇಲ್ಲಿನ ಚೌಡೇಶ್ವರಿ ನಗರದಲ್ಲಿ ಹೆತ್ತವರಿಂದಲೇ ಬಂಧನಕ್ಕೆ ಒಳಗಾಗಿದ್ದ ಬುದ್ಧಿಮಾಂದ್ಯ ಯುವಕನನ್ನು ಆರೋಗ್ಯ ಇಲಾಖೆ ಸಿಬ್ಬಂದಿ ರಕ್ಷಿಸಿ, ಬಂಧಮುಕ್ತಗೊಳಿಸಿದ್ದಾರೆ.

ಕೂಲಿ ಕಾರ್ಮಿಕರಾದ ಹುಚ್ಚೆಂಗೆಪ್ಪ ಮತ್ತು ರೇಣುಕಮ್ಮ ದಂಪತಿಯ ಪುತ್ರ ರಘು (18) ಹುಟ್ಟಿನಿಂದಲೂ ಮಾನಸಿಕ ಸಮಸ್ಯೆ ಅನುಭವಿಸುತ್ತಿದ್ದ. ಚಿಕಿತ್ಸೆ ಕೊಡಿಸಿದರೂ ರಘು ಗುಣಮುಖನಾಗಿರಲಿಲ್ಲ. ಪೋಷಕರು ಈತನನ್ನು ನಿಯಂತ್ರಿಸಲಾಗದೇ ಕೊರಳಿಗೆ ಸರಪಳಿಯನ್ನು ಬಿಗಿದು ಕಟ್ಟಿ ಹಾಕಿದ್ದರು.

ಈ ಸುದ್ದಿ ಮಾಧ್ಯಮಗಳಲ್ಲಿ ಪ್ರಕಟವಾಗುತ್ತಿದ್ದಂತೆ ಎಚ್ಚೆತ್ತುಕೊಂಡ ಆರೋಗ್ಯ ಇಲಾಖೆ ಅಧಿಕಾರಿಗಳು ರಘುವಿನ ಮನೆಗೆ ಭೇಟಿ ನೀಡಿ, ಆತನ ಪೋಷಕರ ಮನವೊಲಿಸಿ ಸರಪಳಿಯನ್ನು ಬಿಚ್ಚಿಸಿದ್ದಾರೆ.

‘ನಗರದ ಹೊರವಲಯದ ಯರಗುಂಟೆಯಲ್ಲಿರುವ ಸೇವಾನಿಕೇತನ ಡಿಸೇಬಲ್ಡ್‌ ಸ್ಕೂಲ್‌ನಲ್ಲಿ ರಘುಗೆ ಆಶ್ರಯ ಕೊಡಿಸಲಾಗಿದೆ. ಆತನಿಗೆ ಚಿಕಿತ್ಸೆ ಕೊಡಿಸಲೂ ಕ್ರಮ ಕೈಗೊಳ್ಳಲಾಗುವುದು’ ಎಂದು ಆರೋಗ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.

 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !