ವಿದ್ಯಾಭ್ಯಾಸಕ್ಕೆ ಮಗಳ ನಿರಾಸಕ್ತಿ: ತಾಯಿ ಆತ್ಮಹತ್ಯೆ

ಪಟ್ಟಣದ ನೆಹರೂ ರಸ್ತೆ ನಿವಾಸಿ ಸತೀಶ ಅವರ ಪತ್ನಿ ಭಾವನಾ (35) ಆತ್ಮಹತ್ಯೆ ಮಾಡಿಕೊಂಡವರು.

ಭಾವನಾ ಅವರ ಮಗಳು ಶಿವಮೊಗ್ಗದ ಅಕ್ಷರ ಶಾಲೆಯಲ್ಲಿ 8ನೇ ತರಗತಿಯಲ್ಲಿ ಓದುತ್ತಿದ್ದು, ಮಗಳ ವಿದ್ಯಾಭ್ಯಾಸದ ಪ್ರಗತಿ ಕುರಿತು ಶಿಕ್ಷಕೆನ್ನು ವಿಚಾರಿಸಿದಾಗ ಶಿಕ್ಷಕರು, ಸಾಧಾರಣವಾಗಿ ಓದುತ್ತಿದ್ದಾಳೆ ಎಂದು ತಿಳಿಸಿದ್ದರು. ಇದರಿಂದ ಬೇಸರಗೊಂಡಿದ್ದ ಭಾವನಾ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಅವರ ತಂದೆ, ರಾಣೆಬೆನ್ನೂರು ತಾಲ್ಲೂಕಿನ ಗುಡ್ಡದ ಆನವೇರಿ ಗ್ರಾಮದ ನಿವಾಸಿ ಬಸವರಾಜಪ್ಪ ನ್ಯಾಮತಿ ಪೊಲೀಸ್ ಠಾಣೆಯಲ್ಲಿ ಶನಿವಾರ ಪ್ರಕರಣ ದಾಖಲಿಸಿದ್ದಾರೆ.

ನ್ಯಾಮತಿ ಪಿಎಸ್‌ಐ ಪಿ.ಎಸ್.ರಮೇಶ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.