ಮನೆಗಳಿಗೆ ವಾರ್ಷಿಕ ₹ 100, ವಾಣಿಜ್ಯ ಕೇಂದ್ರಗಳಿಗೆ ₹ 200 ಮತ್ತು ಉದ್ದಿಮೆಗಳಿಗೆ ₹ 400 ನೀರಿನ ಕರ ಹೆಚ್ಚು ಮಾಡಲು ಸದಸ್ಯರು ಒಪ್ಪಿದರು. ಶ್ರೀ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸಂಸ್ಥೆಯ ಅಧಿಕಾರಿ ಯು.ನಾರಾಯಣ ಮಾತನಾಡಿ, ‘₹ 50ಸಾವಿರ ವೆಚ್ಚದಲ್ಲಿ ಪೌರ ಕಾರ್ಮಿಕರಿಗೆ ಬೇಕಾಗುವ ಸ್ವಚ್ಛತಾ ಪರಿಕರಗಳನ್ನು, ಸ್ಮಶಾನಗಳ ಅಭಿವೃದ್ಧಿಗೆ ₹ 1.50ಲಕ್ಷ ಅನುದಾನ ಮತ್ತು ಶುದ್ಧ ಕುಡಿಯುವ ನೀರಿನ ಘಟಕ ಸ್ಥಾಪನೆಗೆ ನಿವೇಶನ, ಶೇ 50ರಷ್ಟು ಅನುದಾನ ನೀಡಿದರೆ ಉಳಿದ ಅನುದಾನವನ್ನು ಸಂಸ್ಥೆ ಭರಿಸಿ ಘಟಕದ ನಿರ್ವಹಣೆ ಮಾಡಲಿದೆ’ ಎಂದರು.ಉಪಾಧ್ಯಕ್ಷ ಸತ್ಯನಾರಾಯಣ್, ಮುಖ್ಯಾಧಿಕಾರಿ ಐ.ಬಸವರಾಜ್ ಇದ್ದರು.