<p><strong>ನವಲಗುಂದ</strong>: ಜೂನ್ 17 ರಂದು ಬಕ್ರೀದ್ ಹಬ್ಬವಿದ್ದು ಮುಸ್ಲಿಂ ಸಮುದಾಯದವರಲ್ಲಿ ಭಾರೀ ಸಿದ್ಧತೆ ನಡೆದಿದೆ. ಈ ನಿಟ್ಟಿನಲ್ಲಿ ಕುರಿಗಳಿಗೆ ಬೇಡಿಕೆ ಬಂದಿದೆ. ಮಂಗಳವಾರ ಎಪಿಎಂಸಿ ಮಾರುಕಟ್ಟೆಯಲ್ಲಿ ಕುರಿ, ಆಡುಗಳ ಮಾರಾಟ ಜೋರಾಗಿದೆ.</p>.<p>ಹಳ್ಳಿಯಿಂದ ಪಟ್ಟಣಕ್ಕೆ ತರುವ ಆಡು, ಕುರಿಗಳನ್ನು ಸೂಕ್ತ ಬೆಲೆಗೆ ಮಾರಿ ಸಾಕಾಣೆದಾರರು ಜೇಬು ತುಂಬಿಸಿಕೊಳ್ಳುತ್ತಿದ್ದಾರೆ. ಈ ಬಾರಿಯಂತೂ ಮನೆಯಲ್ಲಿ ಸಾಕಿದ ಕುರಿ ಮಾರುಕಟ್ಟೆಯಲ್ಲಿ ಬೇಡಿಕೆ ಬಂದಿದೆ. ಕುರಿಗಳನ್ನು ಕೊಂಡೊಯ್ಯಲು ಬೇರೆ ಬೇರೆ ಜಿಲ್ಲೆಗಳಿಂದ ಗ್ರಾಹಕರು ಬರುತ್ತಿದ್ದಾರೆ. </p>.<p>ಕಳೆದು ತಿಂಗಳು ₹ 7 ಸಾವಿರದಿಂದ ₹ 8 ಸಾವಿರವರೆಗೆ ಮಾರಾಟವಾಗಿದ್ದ ಕುರಿಗಳು ಈ ವಾರ ₹ 40 ಸಾವಿರದಿಂದ ₹ 45 ಸಾವಿರವರೆಗೆ ಮಾರಾಟವಾಗಿವೆ. ಬೇರೆ ಬೇರೆ ಜಿಲ್ಲೆಗಳಿಂದಲೂ ರೈತರು ಆಗಮಿಸಿ ಇಲ್ಲಿನ ಮಾರುಕಟ್ಟೆಯಲ್ಲಿ ಹೆಚ್ಚಿನ ಲಾಭ ಗಿಟ್ಟಿಸಿಕೊಳ್ಳುತ್ತಿದ್ದಾರೆ. </p>.<p>ಕುರಿಗಳ ಸಂತೆಯಲ್ಲಿ ಎಷ್ಟೇ ದರವಿದ್ದರೂ ಖರೀದಿದಾರರು ಖರೀದಿಸುತ್ತಿದ್ದಾರೆ. ಒಟ್ಟಿನಲ್ಲಿ ತ್ಯಾಗ, ಬಲಿದಾನದ ಸಂಕೇತವಾಗಿ ನಡೆಸುವ ಬಕ್ರೀದ್ ಹಬ್ಬದ ಹಿನ್ನೆಲೆ ಆಡು-ಕುರಿ ವ್ಯಾಪಾರಿಗಳಿಗೆ ಲಾಭವನ್ನು ತಂದುಕೊಟ್ಟಿದೆ. </p>.<p><strong>ಗೋಹತ್ಯೆ ನಿಷೇಧ ಕಾನೂನು: </strong>ರಾಜ್ಯದಲ್ಲಿ ಜಾನುವಾರು ಹತ್ಯೆ ಪ್ರತಿಬಂಧಕ ಮತ್ತು ಸಾರ್ವತ್ರಿಕ ಅಧಿನಿಯಮ ಜಾರಿಯಾಗಿದೆ. ದನ, ಎತ್ತು, ಕೋಣಗಳ ಬಲಿ ಕೊಡುವುದಕ್ಕೆ ಜನ ಹಿಂದೇಟು ಹಾಕುತ್ತಿದ್ದಾರೆ. ಹಿಂದೆ ಬಕ್ರೀದ್ ಸಂದರ್ಭ ದನ, ಎತ್ತು ಖರೀದಿ ಮಾಡುತ್ತಿದ್ದ ಹೆಚ್ಚಿನವರು ಈ ಬಾರಿ ಆಡು, ಕುರಿ ಖರೀದಿಸುವುದರಿಂದ ಬೇಡಿಕೆ ಹೆಚ್ಚಾಗಿದೆ ಎನ್ನಲಾಗುತ್ತಿದೆ.</p>.<div><blockquote>ಒಂದೂವರೆ ತಿಂಗಳ ಹಿಂದೆ ಇದೆ ಕುರಿ ಮಾರಾಟ ಮಾಡಲು ಬಂದಿದ್ದೆ ₹ 7600 ಕೇಳಿದ್ದರು ನಾನು ಮಾರಾಟ ಮಾಡದೇ ವಾಪಾಸ್ ಹೋಗಿದ್ದೆ ಈ ವಾರ ನನ್ನ ಕುರಿ ₹34400 ರೂ ಮಾರಾಟವಾಗಿದೆ. </blockquote><span class="attribution">ಅರುಣ ಹಿರೇಗೌಡ್ರ, ಕುರಿ ಮಾರಲು ಬಂದ ರೈತ.</span></div>.<div><blockquote>ಕುರಿಗಳ ಬೆಲೆ ಗಗನಕ್ಕೆರಿದೆ ಆ ದರದಲ್ಲಿ ಖರೀದಿಸಿ ಮಾರಾಟ ಮಾಡಲು ಆಗುವುದಿಲ್ಲ. ಪ್ರತಿವಾರ 10–20 ಕುರಿ ಖರೀದಿಸುತ್ತಿದ್ದೆ ಈ ವಾರ ಒಂದು ಖರೀದಿಸದೆ ವಾಪಾಸ್ ಬಂದಿದ್ದೇನೆ. </blockquote><span class="attribution">ಕುಮಾರ ಕಲಾಲ್, ಮಟನ್ ವ್ಯಾಪಾರಿ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವಲಗುಂದ</strong>: ಜೂನ್ 17 ರಂದು ಬಕ್ರೀದ್ ಹಬ್ಬವಿದ್ದು ಮುಸ್ಲಿಂ ಸಮುದಾಯದವರಲ್ಲಿ ಭಾರೀ ಸಿದ್ಧತೆ ನಡೆದಿದೆ. ಈ ನಿಟ್ಟಿನಲ್ಲಿ ಕುರಿಗಳಿಗೆ ಬೇಡಿಕೆ ಬಂದಿದೆ. ಮಂಗಳವಾರ ಎಪಿಎಂಸಿ ಮಾರುಕಟ್ಟೆಯಲ್ಲಿ ಕುರಿ, ಆಡುಗಳ ಮಾರಾಟ ಜೋರಾಗಿದೆ.</p>.<p>ಹಳ್ಳಿಯಿಂದ ಪಟ್ಟಣಕ್ಕೆ ತರುವ ಆಡು, ಕುರಿಗಳನ್ನು ಸೂಕ್ತ ಬೆಲೆಗೆ ಮಾರಿ ಸಾಕಾಣೆದಾರರು ಜೇಬು ತುಂಬಿಸಿಕೊಳ್ಳುತ್ತಿದ್ದಾರೆ. ಈ ಬಾರಿಯಂತೂ ಮನೆಯಲ್ಲಿ ಸಾಕಿದ ಕುರಿ ಮಾರುಕಟ್ಟೆಯಲ್ಲಿ ಬೇಡಿಕೆ ಬಂದಿದೆ. ಕುರಿಗಳನ್ನು ಕೊಂಡೊಯ್ಯಲು ಬೇರೆ ಬೇರೆ ಜಿಲ್ಲೆಗಳಿಂದ ಗ್ರಾಹಕರು ಬರುತ್ತಿದ್ದಾರೆ. </p>.<p>ಕಳೆದು ತಿಂಗಳು ₹ 7 ಸಾವಿರದಿಂದ ₹ 8 ಸಾವಿರವರೆಗೆ ಮಾರಾಟವಾಗಿದ್ದ ಕುರಿಗಳು ಈ ವಾರ ₹ 40 ಸಾವಿರದಿಂದ ₹ 45 ಸಾವಿರವರೆಗೆ ಮಾರಾಟವಾಗಿವೆ. ಬೇರೆ ಬೇರೆ ಜಿಲ್ಲೆಗಳಿಂದಲೂ ರೈತರು ಆಗಮಿಸಿ ಇಲ್ಲಿನ ಮಾರುಕಟ್ಟೆಯಲ್ಲಿ ಹೆಚ್ಚಿನ ಲಾಭ ಗಿಟ್ಟಿಸಿಕೊಳ್ಳುತ್ತಿದ್ದಾರೆ. </p>.<p>ಕುರಿಗಳ ಸಂತೆಯಲ್ಲಿ ಎಷ್ಟೇ ದರವಿದ್ದರೂ ಖರೀದಿದಾರರು ಖರೀದಿಸುತ್ತಿದ್ದಾರೆ. ಒಟ್ಟಿನಲ್ಲಿ ತ್ಯಾಗ, ಬಲಿದಾನದ ಸಂಕೇತವಾಗಿ ನಡೆಸುವ ಬಕ್ರೀದ್ ಹಬ್ಬದ ಹಿನ್ನೆಲೆ ಆಡು-ಕುರಿ ವ್ಯಾಪಾರಿಗಳಿಗೆ ಲಾಭವನ್ನು ತಂದುಕೊಟ್ಟಿದೆ. </p>.<p><strong>ಗೋಹತ್ಯೆ ನಿಷೇಧ ಕಾನೂನು: </strong>ರಾಜ್ಯದಲ್ಲಿ ಜಾನುವಾರು ಹತ್ಯೆ ಪ್ರತಿಬಂಧಕ ಮತ್ತು ಸಾರ್ವತ್ರಿಕ ಅಧಿನಿಯಮ ಜಾರಿಯಾಗಿದೆ. ದನ, ಎತ್ತು, ಕೋಣಗಳ ಬಲಿ ಕೊಡುವುದಕ್ಕೆ ಜನ ಹಿಂದೇಟು ಹಾಕುತ್ತಿದ್ದಾರೆ. ಹಿಂದೆ ಬಕ್ರೀದ್ ಸಂದರ್ಭ ದನ, ಎತ್ತು ಖರೀದಿ ಮಾಡುತ್ತಿದ್ದ ಹೆಚ್ಚಿನವರು ಈ ಬಾರಿ ಆಡು, ಕುರಿ ಖರೀದಿಸುವುದರಿಂದ ಬೇಡಿಕೆ ಹೆಚ್ಚಾಗಿದೆ ಎನ್ನಲಾಗುತ್ತಿದೆ.</p>.<div><blockquote>ಒಂದೂವರೆ ತಿಂಗಳ ಹಿಂದೆ ಇದೆ ಕುರಿ ಮಾರಾಟ ಮಾಡಲು ಬಂದಿದ್ದೆ ₹ 7600 ಕೇಳಿದ್ದರು ನಾನು ಮಾರಾಟ ಮಾಡದೇ ವಾಪಾಸ್ ಹೋಗಿದ್ದೆ ಈ ವಾರ ನನ್ನ ಕುರಿ ₹34400 ರೂ ಮಾರಾಟವಾಗಿದೆ. </blockquote><span class="attribution">ಅರುಣ ಹಿರೇಗೌಡ್ರ, ಕುರಿ ಮಾರಲು ಬಂದ ರೈತ.</span></div>.<div><blockquote>ಕುರಿಗಳ ಬೆಲೆ ಗಗನಕ್ಕೆರಿದೆ ಆ ದರದಲ್ಲಿ ಖರೀದಿಸಿ ಮಾರಾಟ ಮಾಡಲು ಆಗುವುದಿಲ್ಲ. ಪ್ರತಿವಾರ 10–20 ಕುರಿ ಖರೀದಿಸುತ್ತಿದ್ದೆ ಈ ವಾರ ಒಂದು ಖರೀದಿಸದೆ ವಾಪಾಸ್ ಬಂದಿದ್ದೇನೆ. </blockquote><span class="attribution">ಕುಮಾರ ಕಲಾಲ್, ಮಟನ್ ವ್ಯಾಪಾರಿ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>