ಹುಬ್ಬಳ್ಳಿ: ಶ್ರೀಲಂಕಾದಲ್ಲಿ ಜ.19 ಮತ್ತು 20ರಂದು ನಡೆಯಲಿರುವ ಅಂತರರಾಷ್ಟ್ರೀಯ ಕರಾಟೆ ಟೂರ್ನಿಯಲ್ಲಿ ಹುಬ್ಬಳ್ಳಿಯ ಆಸ್ಪೈರ್‌ ಸ್ಪೋರ್ಟ್ಸ್‌ ಕರಾಟೆ ಅಕಾಡೆಮಿಯ 18 ಪಟುಗಳು ಭಾಗವಹಿಸಲಿದ್ದಾರೆ ಎಂದು ತರಬೇತುದಾರ ಪುಲಕೇಶ ಮಲ್ಯಾಳ ಹೇಳಿದರು.
ಮಂಗಳವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕಟಾ ಮತ್ತು ಕುಮಿಟೆ ವಿಭಾಗದಲ್ಲಿ ಸ್ಪರ್ಧೆಗಳು ನಡೆಯಲಿದ್ದು, 9ರಿಂದ 50 ವರ್ಷದ ಪಟುಗಳು ಭಾಗವಹಿಸಲಿದ್ದಾರೆ ಎಂದರು.
ಅಕಾಡೆಮಿಯ ಪಟುಗಳು ಈ ಹಿಂದೆ ಹೈದರಾಬಾದ್, ಪುಣೆ, ವಿಜಯಪುರ, ವಿಶಾಖಪಟ್ಟಣದಲ್ಲಿ ನಡೆದ ರಾಷ್ಟ್ರಮಟ್ಟದ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಅಂತರರಾಷ್ಟ್ರೀಯ ಟೂರ್ನಿಗೆ ಕಳೆದ ಒಂದು ವರ್ಷದಿಂದ ತರಬೇತಿ ನೀಡಲಾಗಿದೆ ಎಂದು ಹೇಳಿದರು.
ಶರಣಪ್ಪ ಬಮ್ಮಿಗಟ್ಟಿ, ಮುಸ್ತಾಕ್ ಊಟವಾಲೆ, ಆಕಾಶ ಮಲ್ಯಾಳ, ಕಿರಣ ಹಂಜಗಿ ಇದ್ದರು.
