ಹುಬ್ಬಳ್ಳಿಯಲ್ಲಿ ಮುಸ್ಲಿಂ ಧರ್ಮಗುರು ಜಿಲಾನಿ

‘ಹನ್ನೆರಡು ವರ್ಷಗಳ ಬಳಿಕ, ಜಿಲಾನಿ ಅವರು ತಮ್ಮ ಉತ್ತರಾಧಿಕಾರಿ ಹಜರತ್ ಸೈಯದ್ ಮೊಹಮ್ಮದ ಹಮ್ಝಾ ಅಶ್ರಫ್ ಅವರೊಂದಿಗೆ ಹುಬ್ಬಳ್ಳಿಗೆ ಬಂದಿದ್ದಾರೆ. ಸಹೋದರತೆ ಹಾಗೂ ಶೈಕ್ಷಣಿಕ ಕ್ರಾಂತಿಗಾಗಿ ಸ್ಥಾಪಿಸಿರುವ ಅಂತರರಾಷ್ಟ್ರೀಯ ಶೈಖುಲ್ ಇಸ್ಲಾಂ ಟ್ರಸ್ಟ್ ಹಾಗೂ ಮುಹದ್ದಿಸೇ ಆಝಮ್ ಮಿಷನ್ ಸಹಯೋಗದಲ್ಲಿ ಜಿಲಾನಿ ಅವರ ಪ್ರವಚನವನ್ನು ಜುಲೈ 31 ಹಾಗೂ ಆಗಸ್ಟ್ 1ರಂದು ಆಯೋಜಿಸಿ, ಸಾರ್ವನಿಕರಿಗೆ ಅವರ ಸಂದೇಶ ತಲುಪಿಸುವ ಕೆಲಸ ಮಾಡಿದೆ’ ಎಂದು ಗುರುವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.

‘ವಿಶ್ವದಾದ್ಯಂತ ಪ್ರವಾಸ ಕೈಗೊಂಡು ಪ್ರವಚನ ನೀಡುತ್ತಿರುವ ಜಿಲಾನಿ ಅವರಿಗೆ ಜಗತ್ತಿನಾದ್ಯಂತ ಕೋಟ್ಯಂತರ ಅನುಯಾಯಿಗಳಿದ್ದಾರೆ. ಇದೀಗ ಹುಬ್ಬಳ್ಳಿಗೆ ಬಂದಿರುವ ಅವರು ದೇಶದಾದ್ಯಂತ ಶೈಖುಲ್ ಇಸ್ಲಾಂ ಟ್ರಸ್ಟ್‌ ಸ್ಥಾಪಿಸಿ, ಅದರ ಶಾಖೆಗಳನ್ನು ವಿಸ್ತರಿಸಲು ಕರ್ನಾಟಕ ಹಾಗೂ ಹೈದರಾಬಾದ್ ಪ್ರವಾಸ ಕೈಗೊಂಡಿದ್ದಾರೆ. ಮುಂದೆ ಬೆಳಗಾವಿ, ಬೆಂಗಳೂರು ಹಾಗೂ ಮೈಸೂರಿನಲ್ಲಿ ಅವರ ಪ್ರವಚನ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ’ ಎಂದು ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ನಯೀಮುದ್ದೀನ ಶೇಕ್, ಸೈಯದ ಅಹ್ಮದ ರಜಾ ಸರಖಾಜಿ, ಸಮೀಯುಲ್ಲಾ ಬೆಳಗಾಂವ, ನಿಸಾರ ಅಹ್ಮದ ಛಗನ್ ಹಾಗೂ ಹಫೀಜ್ ಷಾರೀಕ್ ಪಟೇಲ್ ಇದ್ದರು.