<p><strong>ಅಳ್ನಾವರ:</strong> ಸುಲಭ ಸಾರಿಗೆ ವ್ಯವಸ್ಥೆ ಕಲ್ಪಿಸಬೇಕಾದ ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯವರು ಪ್ರಯಾಣಿಕರಿಂದ ಹೆಚ್ಚಿನ ಹಣ ವಸೂಲಿ ಮಾಡಿ ಅನಗತ್ಯ ಗೊಂದಲ ಸೃಷ್ಟಿ ಮಾಡುತ್ತಿರುವ ಘಟನೆ ದಿನ ನಿತ್ಯ ಅಳ್ನಾವರ- ರಾಮನಗರ ಮಾರ್ಗದಲ್ಲಿ ನಡೆಯುತ್ತಿದೆ.<br /> <br /> ಅಳ್ನಾವರ-ರಾಮನಗರ ಮಧ್ಯ ಇರುವ ಅಂತರ ಕೇವಲ 32 ಕಿ.ಮೀ. ಆದರೆ ಇಲಾಖೆಯ ಟಿಕೆಟ್ನಲ್ಲಿ 74 ಕಿ.ಮೀ. ಎಂದು ನಮೂದಿಸಲಾಗಿದೆ. ಈ ಮಾರ್ಗಕ್ಕೆ ದರ ರೂ. 25 ಇದ್ದು, ಅನಗತ್ಯವಾಗಿ ರೂ. 56 ಪಡೆಯಲಾಗುತ್ತಿದ್ದು, ಪ್ರಯಾಣಿಕರಿಗೆ ಹೊರೆಯಾಗಿ ಪರಿಣಮಿಸಿದೆ. ಅನ್ಯ ಮಾರ್ಗ ತೋಚದೆ ಪ್ರಯಾಣಿಕರು ತಮ್ಮದಲ್ಲದ ತಪ್ಪಿನಿಂದ ದಂಡ ತೆರಬೇಕಾಗಿದೆ.<br /> <br /> ಇಲ್ಲಿನ ನಾಗರಿಕರು ದುಡಿಯಲು ಮತ್ತು ಇನ್ನಿತರ ಕೆಲಸಕ್ಕಾಗಿ ಗೋವಾಕ್ಕೆ ಹೋಗುವುದು ವಾಡಿಕೆ. ಆದರೆ ಖಾಸಗಿ ಬಸ್ಗಳ ಪೈಪೋಟಿ ನಡುವೆ ತಮ್ಮದಲ್ಲದ ತಪ್ಪಿಗೆ ಬಾರ ಹೊರಬೇಕಾಗಿದೆ. ಗೋವಾಕ್ಕೆ ತೆರಳಲು ಪರ್ಯಾಯ ಮಾರ್ಗವಿಲ್ಲದೆ ಇದೇ ಮಾರ್ಗದಲ್ಲಿ ಚಲಿಸುವುದು ಅನಿವಾರ್ಯವಾಗಿದೆ<br /> .<br /> ಈ ಭಾಗದ ರಸ್ತೆ ಕೆಟ್ಟು ಹೋಗಿದ್ದರಿಂದ ಬೀಡಿ, ಖಾನಾಪುರ ಮಾರ್ಗವಾಗಿ ರಾಮನಗರದಿಂದ ಗೋವಾಕ್ಕೆ ಚಲಿಸುವ ವ್ಯವಸ್ಥೆ ಕಳೆದ ಹಲವಾರು ತಿಂಗಳುಗಳಿಂದ ಜಾರಿಯಲ್ಲಿ ಇತ್ತು. ಈಗ ರಸ್ತೆ ಕೆಲಸ ನಡೆದಿದ್ದು, ಸಾರಿಗೆಗೆ ಯೋಗ್ಯವಾಗಿದ್ದರಿಂದ ಇಲಾಖೆಯ ಬಸ್ಗಳು ಈ ಮಾರ್ಗದಲ್ಲಿ ಚಲಿಸುತ್ತಿವೆ.<br /> <br /> ಹಿಂದೆ ಬೀಡಿ, ಖಾನಾಪುರ ಮಾರ್ಗವಾಗಿ ರಾಮನಗರಕ್ಕೆ ಬಸ್ ಸಂಚಾರ ನಡೆದಿತ್ತು, ಅದೇ ಮಾರ್ಗದ ಟಿಕೆಟ್ ಅನ್ನು ಬದಲಿಸದೇ ಇರುವುದು ಇದಕ್ಕೆ ಪ್ರಮುಖ ಕಾರಣವಾಗಿದೆ.<br /> <br /> ಗೋವಾಕ್ಕೆ ತೆರಳುವ ಬಸ್ಗಳು ಅಳ್ನಾವರ ಬಸ್ ನಿಲ್ದಾಣಕ್ಕೆ ಬಾರದೇ ದೂರದ ಅಳ್ನಾವರ ಕ್ರಾಸ್ ಹತ್ತಿರ ಪ್ರಯಾಣಿಕರನ್ನು ಇಳಿಸುತ್ತಿರುವುದರಿಂದ ತುಂಬ ತೊಂದರೆಯಾಗಿದೆ.<br /> <br /> ಇನ್ನಾದರೂ ಇಲಾಖೆ ಇಂತಹ ಸಣ್ಣ ಪುಟ್ಟ ವಿಚಾರಗಳನ್ನು ಕೂಲಂಕಷವಾಗಿ ಪರಿಶೀಲಿಸಿ ಪ್ರಯಾಣಿಕರಿಗೆ ಹೊರೆ ಆಗದ ಹಾಗೆ ಕ್ರಮ ಜರುಗಿಸಬೇಕು ಎಂದು ನಾಗರಿಕರು ಆಗ್ರಹಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಳ್ನಾವರ:</strong> ಸುಲಭ ಸಾರಿಗೆ ವ್ಯವಸ್ಥೆ ಕಲ್ಪಿಸಬೇಕಾದ ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯವರು ಪ್ರಯಾಣಿಕರಿಂದ ಹೆಚ್ಚಿನ ಹಣ ವಸೂಲಿ ಮಾಡಿ ಅನಗತ್ಯ ಗೊಂದಲ ಸೃಷ್ಟಿ ಮಾಡುತ್ತಿರುವ ಘಟನೆ ದಿನ ನಿತ್ಯ ಅಳ್ನಾವರ- ರಾಮನಗರ ಮಾರ್ಗದಲ್ಲಿ ನಡೆಯುತ್ತಿದೆ.<br /> <br /> ಅಳ್ನಾವರ-ರಾಮನಗರ ಮಧ್ಯ ಇರುವ ಅಂತರ ಕೇವಲ 32 ಕಿ.ಮೀ. ಆದರೆ ಇಲಾಖೆಯ ಟಿಕೆಟ್ನಲ್ಲಿ 74 ಕಿ.ಮೀ. ಎಂದು ನಮೂದಿಸಲಾಗಿದೆ. ಈ ಮಾರ್ಗಕ್ಕೆ ದರ ರೂ. 25 ಇದ್ದು, ಅನಗತ್ಯವಾಗಿ ರೂ. 56 ಪಡೆಯಲಾಗುತ್ತಿದ್ದು, ಪ್ರಯಾಣಿಕರಿಗೆ ಹೊರೆಯಾಗಿ ಪರಿಣಮಿಸಿದೆ. ಅನ್ಯ ಮಾರ್ಗ ತೋಚದೆ ಪ್ರಯಾಣಿಕರು ತಮ್ಮದಲ್ಲದ ತಪ್ಪಿನಿಂದ ದಂಡ ತೆರಬೇಕಾಗಿದೆ.<br /> <br /> ಇಲ್ಲಿನ ನಾಗರಿಕರು ದುಡಿಯಲು ಮತ್ತು ಇನ್ನಿತರ ಕೆಲಸಕ್ಕಾಗಿ ಗೋವಾಕ್ಕೆ ಹೋಗುವುದು ವಾಡಿಕೆ. ಆದರೆ ಖಾಸಗಿ ಬಸ್ಗಳ ಪೈಪೋಟಿ ನಡುವೆ ತಮ್ಮದಲ್ಲದ ತಪ್ಪಿಗೆ ಬಾರ ಹೊರಬೇಕಾಗಿದೆ. ಗೋವಾಕ್ಕೆ ತೆರಳಲು ಪರ್ಯಾಯ ಮಾರ್ಗವಿಲ್ಲದೆ ಇದೇ ಮಾರ್ಗದಲ್ಲಿ ಚಲಿಸುವುದು ಅನಿವಾರ್ಯವಾಗಿದೆ<br /> .<br /> ಈ ಭಾಗದ ರಸ್ತೆ ಕೆಟ್ಟು ಹೋಗಿದ್ದರಿಂದ ಬೀಡಿ, ಖಾನಾಪುರ ಮಾರ್ಗವಾಗಿ ರಾಮನಗರದಿಂದ ಗೋವಾಕ್ಕೆ ಚಲಿಸುವ ವ್ಯವಸ್ಥೆ ಕಳೆದ ಹಲವಾರು ತಿಂಗಳುಗಳಿಂದ ಜಾರಿಯಲ್ಲಿ ಇತ್ತು. ಈಗ ರಸ್ತೆ ಕೆಲಸ ನಡೆದಿದ್ದು, ಸಾರಿಗೆಗೆ ಯೋಗ್ಯವಾಗಿದ್ದರಿಂದ ಇಲಾಖೆಯ ಬಸ್ಗಳು ಈ ಮಾರ್ಗದಲ್ಲಿ ಚಲಿಸುತ್ತಿವೆ.<br /> <br /> ಹಿಂದೆ ಬೀಡಿ, ಖಾನಾಪುರ ಮಾರ್ಗವಾಗಿ ರಾಮನಗರಕ್ಕೆ ಬಸ್ ಸಂಚಾರ ನಡೆದಿತ್ತು, ಅದೇ ಮಾರ್ಗದ ಟಿಕೆಟ್ ಅನ್ನು ಬದಲಿಸದೇ ಇರುವುದು ಇದಕ್ಕೆ ಪ್ರಮುಖ ಕಾರಣವಾಗಿದೆ.<br /> <br /> ಗೋವಾಕ್ಕೆ ತೆರಳುವ ಬಸ್ಗಳು ಅಳ್ನಾವರ ಬಸ್ ನಿಲ್ದಾಣಕ್ಕೆ ಬಾರದೇ ದೂರದ ಅಳ್ನಾವರ ಕ್ರಾಸ್ ಹತ್ತಿರ ಪ್ರಯಾಣಿಕರನ್ನು ಇಳಿಸುತ್ತಿರುವುದರಿಂದ ತುಂಬ ತೊಂದರೆಯಾಗಿದೆ.<br /> <br /> ಇನ್ನಾದರೂ ಇಲಾಖೆ ಇಂತಹ ಸಣ್ಣ ಪುಟ್ಟ ವಿಚಾರಗಳನ್ನು ಕೂಲಂಕಷವಾಗಿ ಪರಿಶೀಲಿಸಿ ಪ್ರಯಾಣಿಕರಿಗೆ ಹೊರೆ ಆಗದ ಹಾಗೆ ಕ್ರಮ ಜರುಗಿಸಬೇಕು ಎಂದು ನಾಗರಿಕರು ಆಗ್ರಹಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
