ಲಕ್ಷ್ಮೇಶ್ವರ: ಶಾಲೆಯಲ್ಲಿ ಶೌಚಾಲಯ ಸ್ವಚ್ಛತೆ ಕೊರತೆ

ಶಿಗ್ಲಿ ಕೆ.ಜಿ. ಬದಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಬಾಲಕಿಯರ ಶೌಚಾಲಯದ ಚಾವಣಿ ಶಿಥಿಲಗೊಂಡಿದ್ದು ಸ್ಲಾಬ್ ಅಲ್ಲಲ್ಲಿ ಕತ್ತರಿಸಿ ಬೀಳುತ್ತಿದೆ. ಬಾಲಕಿಯರು ಶೌಚಾಲಯಕ್ಕೆ ಹೋದಾಗ ಅಪಾಯ ಸಂಭವಿಸುವ ಭಯವಿದೆ. ಅಲ್ಲದೆ ಇಡೀ ಕಟ್ಟಡ ಹಳೆಯದಾಗಿದ್ದು ಶಿಥಿಲಗೊಂಡಿದೆ. ‘‌ಬಾಲಕಿಯರ ಶೌಚಾಲಯದ ಸ್ಲಾಬ್ ಶಿಥಿಲಗೊಂಡಿದ್ದು ನಿಜ. ಇಡೀ ಕಟ್ಟಡ ಹಳೆಯದಾಗಿದ್ದು ಈ ಬಗ್ಗೆ ಮೇಲಾಧಿಕಾರಿಗಳ ಗಮನಕ್ಕೆ ತರಲಾಗುವುದು’ ಎಂದು ಮುಖ್ಯ ಶಿಕ್ಷಕ ಬಿ.ಜಿ. ದೊಡ್ಡಮನಿ ತಿಳಿಸಿದ್ದಾರೆ.