ಹಾಸನ: ಜಿಲ್ಲೆಯಲ್ಲಿ ಶುಕ್ರವಾರ 241 ಕೊರೊನಾ ಪ್ರಕರಣ ಪತ್ತೆಯಾಗಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 31,379ಕ್ಕೆ ಏರಿಕೆಯಾಗಿದೆ.
29,524 ಜನರ ಆರೋಗ್ಯದಲ್ಲಿ ಚೇತರಿಕೆಯಾಗಿದ್ದು, 1368 ಸಕ್ರಿಯ ಪ್ರಕರಣಗಳ ಪೈಕಿ 25 ಜನರು ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆಗೆ ದಾಖಲಾಗಿದ್ದಾರೆ. ಕೋವಿಡ್‌ ಕಾಯಿಲೆಗೆ ಇಬ್ಬರು ಮೃತಪಟ್ಟಿದ್ದು, ಈವರೆಗೆ ಸಾವಿಗೀಡಾದವರ ಸಂಖ್ಯೆ 487 ತಲುಪಿದೆ.
ಹೊಸದಾಗಿ ಆಲೂರು 11, ಅರಕಲಗೂಡು 8, ಅರಸೀಕೆರೆ 29, ಬೇಲೂರು 10, ಚನ್ನರಾಯಪಟ್ಟಣ 41, ಹಾಸನ 82, ಹೊಳೆನರಸೀಪುರ 29, ಸಕಲೇಶಪುರ 27, ಇತರೆ ಜಿಲ್ಲೆ 4 ಮಂದಿಗೆ ಕೊರನಾ ಸೋಂಕು ತಗುಲಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ಕೆ.ಎಂ.ಸತೀಶ್‌ ಕುಮಾರ್ ತಿಳಿಸಿದ್ದಾರೆ.
