ಯೋಗಾಸನ: 200 ಆಸನಗಳಲ್ಲಿ ಪ್ರಾವೀಣ್ಯ ಪಡೆದ ರುಥ್ವಿ

2023ರಲ್ಲಿ ಅಂತರ ರಾಷ್ಟ್ರೀಯ ಯೋಗ ದಿನಾಚರಣೆಯಂದು ಆನ್‍ಲೈನ್‍ನಲ್ಲಿ ಕೇವಲ ಒಂದು ನಿಮಿಷದಲ್ಲಿ 10 ಯೋಗಾಸನದ ಪ್ರಕಾರವನ್ನು ಪ್ರದರ್ಶಿಸುವ ಮೂಲಕ ವರ್ಲ್ಡ್‌ ಬುಕ್ ಆಫ್ ರೆಕಾರ್ಡ್‌ಗೆ ಸೇರ್ಪಡೆಯಾಗಿರುವುದು ರುಥ್ವಿ ಸಾಧನೆಯ ಮತ್ತೊಂದು ಗರಿ. ಯೋಗಾಸನ ಮಾತ್ರವಲ್ಲದೇ ನೃತ್ಯದಲ್ಲಿಯೂ ಹೆಸರು ಮಾಡಿರುವ ಈಕೆ ರಾಜ್ಯಮಟ್ಟದ ಸ್ಪರ್ಧೆಯಲ್ಲಿ ಉತ್ತಮ ಸಾಧನೆ ಮಾಡಿದ್ದಾಳೆ. ಸೋಲೋ ನೃತ್ಯ ಹಾಗೂ ಖಾಸಗಿ ಚಾನೆಲ್‌ನಲ್ಲಿ ಪ್ರಸಾರವಾಗುವ ಡಿಕೆಡಿಯಲ್ಲಿ ಪ್ರದರ್ಶನ ನೀಡಿರುವ ಹೆಗ್ಗಳಿಕೆ ಇದೆ. 100 200 ಮೀಟರ್ ಓಟದ ಸ್ಪರ್ಧೆ ಉದ್ದ ಜಿಗಿತ ಸ್ಪರ್ಧೆಯಲ್ಲಿ ಪ್ರಶಸ್ತಿ ಪಡೆದಿದ್ದಾಳೆ. ಚಿಕ್ಕಂದಿನಿಂದಲೇ ಕ್ರೀಡೆಯಲ್ಲಿ ಸಾಧನೆಯ ಮೈಲಿಗಲ್ಲು ಸಾಧಿಸುತ್ತಿರುವ ಈಕೆಯನ್ನು ಹಲವು ಸಂಘ–ಸಂಸ್ಥೆಗಳು ಸನ್ಮಾನಿಸಿವೆ.