ಸವಣೂರ: ಎರಡು ಬೈಕ್‌ಗಳು ಮುಖಾಮುಖಿ ಡಿಕ್ಕಿಯಾಗಿ ಬೈಕ್ ಸವಾರರಿಬ್ಬರು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ. ಹಿಂಬದಿಯಲ್ಲಿದ್ದ ಇಬ್ಬರು ಗಂಭೀರವಾಗಿ ಗಾಯಗೊಂಡ ಘಟನೆ ತಾಲ್ಲೂಕಿನ ಕಡಕೊಳ ಹಿರೇಮಳ್ಳಿಹಳ್ಳಿ ರಸ್ತೆ ಮಾರ್ಗ ಮಧ್ಯದಲ್ಲಿ ನಡೆದಿದೆ.
ಈಚಲಯಲ್ಲಾಪುರ ಗ್ರಾಮದ ಮಾಲತೇಶ ಫಕ್ಕೀರಪ್ಪ ಆಡಿನ (25), ಮತ್ತು ಮಂಜಪ್ಪ ಬಸವಂತಪ್ಪ ಓಲೇಕಾರ (27) ಮೃತಪಟ್ಟವರು.
ಈಚಲಯಲ್ಲಾಪುರ ಗ್ರಾಮದ ಮುತ್ತಪ್ಪ ಹನುಮಂತಪ್ಪ ಆಡಿನ, ಮತ್ತು ಹೊನ್ನವ್ವ ತಳವಾರ ಗಾಯಗೊಂಡವರು.
ಗಾಯಗೊಂಡ ಸವಾರರನ್ನು ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ.
