‘ಕೋವಿಡ್ ವಾರ್ಡ್ನಲ್ಲಿ ಇಂಜೆಕ್ಷನ್ ತೆಗೆದುಕೊಂಡ ವ್ಯಕ್ತಿ ಹೆಸರು ಮೈಲಾರಪ್ಪ. ಅವರು ಎಕ್ಸ್ರೇ ತಂತ್ರಜ್ಞರಾಗಿದ್ದು, ಇಂಜೆಕ್ಷನ್ ತೆಗೆದುಕೊಳ್ಳುವ ಬಗ್ಗೆ ಅನುಭವ ಇರುವುದರಿಂದ ತೆಗೆದುಕೊಂಡಿದ್ದಾರೆ. ಸಿಬ್ಬಂದಿ ಚಿಕಿತ್ಸೆ ನೀಡದ ಕಾರಣಕ್ಕಾಗಿ ತೆಗೆದುಕೊಂಡಿಲ್ಲ. ಅವರು ಒಂದು ತಿಂಗಳು ಕೋವಿಡ್ ವಾರ್ಡ್ನಲ್ಲೇ ಕೆಲಸ ಮಾಡಿದ್ದರು. ಸೋಂಕು ತಗುಲಿದ ಪರಿಣಾಮ ಕೋವಿಡ್ ವಾರ್ಡ್ನಲ್ಲಿ ದಾಖಲಾಗಿ ಚಿಕಿತ್ಸೆ ಪಡೆದು ಗುಣಮುಖರಾದರು. ಈಗ ಅವರು ಆರೋಗ್ಯವಾಗಿ ಮನೆಯಲ್ಲಿದ್ದಾರೆ’ ಎಂದು ಪ್ರಭಾರ ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾ.ಪಿ.ಆರ್.ಹಾವನೂರ ‘ಪ್ರಜಾವಾಣಿ’ಗೆ ತಿಳಿಸಿದರು.