₹1 ಕೋಟಿ ಕಾಮಗಾರಿ ನನೆಗುದಿಗೆ: ಬಸನಕಟ್ಟೆ ಒಡಲು ಸೇರುತ್ತಿದೆ ಕಲುಷಿತ ನೀರು

ಬಸನಕಟ್ಟೆ ಕೆರೆಯು ಗಾಂಧಿನಗರ ಸ್ವಾಮಿ ವಿವೇಕಾನಂದ ನಗರ ಇಸ್ಲಾಂಪುರ ಓಣಿ ಶಿವಪುರ ಬಡಾವಣೆ ಇವುಗಳ ಮಧ್ಯದಲ್ಲಿದ್ದು ಅಲ್ಲಿಯ ಜನತೆ ಸೊಳ್ಳೆ ಹಾಗೂ ವಿಷಜಂತುಗಳಿಂದ ರೋಸಿ ಹೋಗಿದ್ದಾರೆ. ಕೆರೆಯ ಒಡಲು ಸೂಕ್ತ ನಿರ್ವಹಣೆಯಿಲ್ಲದೆ ಕೊಳಚೆ ನೀರಿನಿಂದ ತುಂಬಿ ಹೋಗಿದ್ದು ಗಬ್ಬು ವಾಸನೆ ಬೀರುತ್ತಿದೆ. ಈ ಹಿನ್ನೆಲೆಯಲ್ಲಿ ಕೆರೆಯನ್ನು ಅಭಿವೃದ್ಧಿಪಡಿಸಿ ಕುಡಿಯುವ ನೀರು ಸಂಗ್ರಹಕ್ಕೆ ಮುಂದಾಬೇಕು ಎಂದು ನಿವಾಸಿಗಳು ಆಗ್ರಹಿಸಿದ್ದಾರೆ.