<p><strong>ಹಾನಗಲ್: </strong>ಆಳದ ನದಿ ನೀರಿನಲ್ಲಿ ವಾಸಿಸುವ ನೀರು ನಾಯಿಗಳು ಹಾನಗಲ್ ಕಂಬಳಗೇರಿ ಕೆರೆಯಲ್ಲಿ ಕಾಣಿಸಿಕೊಂಡಿವೆ. ಸುಮಾರು 12 ನೀರು ನಾಯಿಗಳು ಇಲ್ಲಿವೆ ಎಂದು ಸ್ಥಳೀಯರು ಹೇಳುತ್ತಿದ್ದಾರೆ.</p>.<p>ಕುರುಬಗೇರಿ ಹಿಂಭಾಗದ ಕಂಬಳಗೇರಿ ಸುಮಾರು 7 ಕೆರೆ ವ್ಯಾಪ್ತಿಯ ಪುಟ್ಟ ಕೆರೆ. ಈ ಕೆರೆ ಇಷ್ಟೊಂದು ಸಂಖ್ಯೆಯ ನೀರು ನಾಯಿಗಳ ತಾಣವಾಗಿರುವುದು ಪರಿಸರ ಪ್ರೇಮಿಗಳಿಗೆ ಕುತೂಹಲ ಮೂಡಿಸಿದೆ.</p>.<p>ಈ ಕೆರೆಯಲ್ಲಿ ಮೀನು ಸಾಕಾಣಿಕೆ ನಡೆಯುತ್ತದೆ. ಎರಡು ದಿನಗಳ ಹಿಂದೆ ಸ್ಥಳೀಯ ಮೀನುಗಾರರು ನೀರು ನಾಯಿಗಳನ್ನು ಪತ್ತೆ ಹಚ್ಚಿದ್ದಾರೆ. ಸುದ್ದಿ ತಿಳಿದ ಮೀನುಗಾರಿಕೆ ಇಲಾಖೆ ಅಧಿಕಾರಿಗಳು ಬುಧವಾರ ಕೆರೆಗೆ ಭೇಟಿ ನೀಡಿದ್ದರು.</p>.<p>ನೀರು ನಾಯಿಗಳ ಇರುವಿಕೆಯನ್ನು ಮೀನುಗಾರಿಕೆ ಸಹಾಯಕ ನಿರ್ದೇಶಕ ಡಾ.ಪ್ರಕಾಶ ಪವಾಡಿ ದೃಢಪಡಿಸಿದ್ದಾರೆ. ಕಳೆದ ತಿಂಗಳ ಜೋರು ಮಳೆಯ ಪ್ರವಾಹದಲ್ಲಿ ನೀರು ನಾಯಿಗಳು ಕಂಬಳಗೇರಿ ಸೇರಿಕೊಂಡಿರಬಹುದು ಎಂದು ಅಂದಾಜಿಸಿದ್ದಾರೆ.</p>.<p>2019ರ ಪ್ರವಾಹ ಸಮಯದಲ್ಲಿ ಧರ್ಮಾ ನದಿಯಲ್ಲಿ ನೀರು ನಾಯಿಗಳ ಪ್ರವೇಶವಾಗಿದೆ. ಎರಡು ವರ್ಷಗಳಿಂದ ನದಿಯಲ್ಲಿ ನೀರು ನಾಯಿ ಕಾಣಿಸಿಕೊಂಡ ಉದಾಹರಣೆಗಳಿವೆ ಎಂದು ಮೀನುಗಾರಿಕೆ ಹಿರಿಯ ಮೇಲ್ವಿಚಾರಕ ಮಾರುತಿ ಕೊರಗರ ತಿಳಿಸಿದ್ದಾರೆ.</p>.<p>‘ನಾಡಿನ ನಾಯಿಮರಿ ಗಾತ್ರದಲ್ಲಿವೆ ಈ ನೀರು ನಾಯಿಗಳು. ಜನರು ಸಮೀಪಿಸಿದರೆ ‘ಗುರ್ರ್ ಗುರ್ರ್...’ ಎಂದು ಶಬ್ದ ಹೊರಡಿಸುತ್ತವೆ. ಕೆರೆಯಲ್ಲಿನ ಮೀನು ತಿಂದು ಖಾಲಿ ಮಾಡುವ ಮುನ್ನವೇ ನೀರು ನಾಯಿಗಳನ್ನು ಸಾಗ ಹಾಕಬೇಕು’ ಎಂದು ವಿಶಾಲ ಕರ್ನಾಟಕ ಮೀನುಗಾರರ ಸಂಘದ ಅಧ್ಯಕ್ಷ ಮುನೀರ್ ಅಹ್ಮದ್ ಪಾಳಾ ಒತ್ತಾಯಿಸಿದ್ದಾರೆ.</p>.<p><a href="https://www.prajavani.net/automobile/new-vehicle/new-tiago-nrg-tata-motors-drives-here-is-price-and-other-details-854741.html" itemprop="url">ಹೊಸ ಟಿಯಾಗೊ ಎನ್ಆರ್ಜಿ ಬಿಡುಗಡೆ, ಇದರ ಬೆಲೆಯೆಷ್ಟು ಗೊತ್ತೆ? </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾನಗಲ್: </strong>ಆಳದ ನದಿ ನೀರಿನಲ್ಲಿ ವಾಸಿಸುವ ನೀರು ನಾಯಿಗಳು ಹಾನಗಲ್ ಕಂಬಳಗೇರಿ ಕೆರೆಯಲ್ಲಿ ಕಾಣಿಸಿಕೊಂಡಿವೆ. ಸುಮಾರು 12 ನೀರು ನಾಯಿಗಳು ಇಲ್ಲಿವೆ ಎಂದು ಸ್ಥಳೀಯರು ಹೇಳುತ್ತಿದ್ದಾರೆ.</p>.<p>ಕುರುಬಗೇರಿ ಹಿಂಭಾಗದ ಕಂಬಳಗೇರಿ ಸುಮಾರು 7 ಕೆರೆ ವ್ಯಾಪ್ತಿಯ ಪುಟ್ಟ ಕೆರೆ. ಈ ಕೆರೆ ಇಷ್ಟೊಂದು ಸಂಖ್ಯೆಯ ನೀರು ನಾಯಿಗಳ ತಾಣವಾಗಿರುವುದು ಪರಿಸರ ಪ್ರೇಮಿಗಳಿಗೆ ಕುತೂಹಲ ಮೂಡಿಸಿದೆ.</p>.<p>ಈ ಕೆರೆಯಲ್ಲಿ ಮೀನು ಸಾಕಾಣಿಕೆ ನಡೆಯುತ್ತದೆ. ಎರಡು ದಿನಗಳ ಹಿಂದೆ ಸ್ಥಳೀಯ ಮೀನುಗಾರರು ನೀರು ನಾಯಿಗಳನ್ನು ಪತ್ತೆ ಹಚ್ಚಿದ್ದಾರೆ. ಸುದ್ದಿ ತಿಳಿದ ಮೀನುಗಾರಿಕೆ ಇಲಾಖೆ ಅಧಿಕಾರಿಗಳು ಬುಧವಾರ ಕೆರೆಗೆ ಭೇಟಿ ನೀಡಿದ್ದರು.</p>.<p>ನೀರು ನಾಯಿಗಳ ಇರುವಿಕೆಯನ್ನು ಮೀನುಗಾರಿಕೆ ಸಹಾಯಕ ನಿರ್ದೇಶಕ ಡಾ.ಪ್ರಕಾಶ ಪವಾಡಿ ದೃಢಪಡಿಸಿದ್ದಾರೆ. ಕಳೆದ ತಿಂಗಳ ಜೋರು ಮಳೆಯ ಪ್ರವಾಹದಲ್ಲಿ ನೀರು ನಾಯಿಗಳು ಕಂಬಳಗೇರಿ ಸೇರಿಕೊಂಡಿರಬಹುದು ಎಂದು ಅಂದಾಜಿಸಿದ್ದಾರೆ.</p>.<p>2019ರ ಪ್ರವಾಹ ಸಮಯದಲ್ಲಿ ಧರ್ಮಾ ನದಿಯಲ್ಲಿ ನೀರು ನಾಯಿಗಳ ಪ್ರವೇಶವಾಗಿದೆ. ಎರಡು ವರ್ಷಗಳಿಂದ ನದಿಯಲ್ಲಿ ನೀರು ನಾಯಿ ಕಾಣಿಸಿಕೊಂಡ ಉದಾಹರಣೆಗಳಿವೆ ಎಂದು ಮೀನುಗಾರಿಕೆ ಹಿರಿಯ ಮೇಲ್ವಿಚಾರಕ ಮಾರುತಿ ಕೊರಗರ ತಿಳಿಸಿದ್ದಾರೆ.</p>.<p>‘ನಾಡಿನ ನಾಯಿಮರಿ ಗಾತ್ರದಲ್ಲಿವೆ ಈ ನೀರು ನಾಯಿಗಳು. ಜನರು ಸಮೀಪಿಸಿದರೆ ‘ಗುರ್ರ್ ಗುರ್ರ್...’ ಎಂದು ಶಬ್ದ ಹೊರಡಿಸುತ್ತವೆ. ಕೆರೆಯಲ್ಲಿನ ಮೀನು ತಿಂದು ಖಾಲಿ ಮಾಡುವ ಮುನ್ನವೇ ನೀರು ನಾಯಿಗಳನ್ನು ಸಾಗ ಹಾಕಬೇಕು’ ಎಂದು ವಿಶಾಲ ಕರ್ನಾಟಕ ಮೀನುಗಾರರ ಸಂಘದ ಅಧ್ಯಕ್ಷ ಮುನೀರ್ ಅಹ್ಮದ್ ಪಾಳಾ ಒತ್ತಾಯಿಸಿದ್ದಾರೆ.</p>.<p><a href="https://www.prajavani.net/automobile/new-vehicle/new-tiago-nrg-tata-motors-drives-here-is-price-and-other-details-854741.html" itemprop="url">ಹೊಸ ಟಿಯಾಗೊ ಎನ್ಆರ್ಜಿ ಬಿಡುಗಡೆ, ಇದರ ಬೆಲೆಯೆಷ್ಟು ಗೊತ್ತೆ? </a></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
