ಆಳಂದ ತಾಲ್ಲೂಕಿನ ಝಲಕಿ(ಕೆ) ಗ್ರಾಮದ ಗುರುಲಿಂಗಪ್ಪ ಮಚ್ಚೆಂದ್ರ ಮತ್ತು ಸೈಫನ್ಸಾಬ್ ಹುಸೇನ್ಸಾಬ್ ಬಂಧಿತರು. ಅವರಿಂದ ಒಂದು ನಾಡ ಪಿಸ್ತೂಲ್ ಹಾಗೂ ಮೂರು ಜೀವಂತ ಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಅಕ್ರಮ ನಾಡ ಪಿಸ್ತೂಲ್ ಪ್ರಕರಣ ಸಂಬಂಧ ಈಚೆಗೆ ನಾಲ್ವರು ಆರೋಪಿಗಳನ್ನು ಬಂಧಿಸಿ, ಅವರಿಂದ ನಾಲ್ಕು ಪಿಸ್ತೂಲ್ ಹಾಗೂ 18 ಜೀವಂತ ಗುಂಡುಗಳನ್ನು ವಶಕ್ಕೆ ಪಡೆಯಲಾಗಿತ್ತು. ಇದರ ಬೆನ್ನಲ್ಲೇ ಮತ್ತೆ ಇಬ್ಬರನ್ನು ಬಂಧಿಸಲಾಗಿದೆ. ಉಳಿದ ಆರೋಪಿಗಳ ಪತ್ತೆಗೆ ತನಿಖೆ ನಡೆಯುತ್ತಿದೆ.
ಪಿಎಸ್ಐ ಸುರೇಶ ಕುಮಾರ, ಎಎಸ್ಐ ಚಂದ್ರಕಾಂತ, ಕಾನ್ಸ್ಟೇಬಲ್ಗಳಾದ ರವಿ, ರುದ್ರಗೌಡ, ವಿಠ್ಠಲ, ಚಂದ್ರಶೇಖರ, ಶಿವಲಿಂಗ, ಅಣ್ಣಪ್ಪ, ಮಾಡಬೊಳ ಠಾಣೆಯ ಆನಂದ ಕಾರ್ಯಾಚರಣೆ ನಡೆಸಿದರು. ಯಡ್ರಾಮಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.