ತಾಲ್ಲೂಕಿನ ಮಾದನ ಹಿಪ್ಪರಗಾ, ಖಜೂರಿ, ಮಾಡಿಯಾಳ, ಕಡಗಂಚಿ, ಲಾಡ ಚಿಂಚೋಳಿ, ಕೊರಳ್ಳಿ, ತಡಕಲ, ಹಳ್ಳಿ ಸಲಗರ, ಗುಂಜ ಬಬಲಾದ, ಮೋಘಾ(ಬಿ), ನರೋಣಾ, ಹೊದಲೂರು, ಮುನ್ನೋಳ್ಳಿ, ದರ್ಗಾ ಶಿರೂರು ಗ್ರಾಮದ ಪ್ರಾಥಮಿಕ ಶಾಲೆಗಳಲ್ಲಿ ಮಕ್ಕಳ ಸಂಖ್ಯೆ ಅಧಿಕವಾಗಿ ಕಂಡು ಬಂತು. ಆಳಂದ ಪಟ್ಟಣದ ಸರ್ಕಾರಿ ಶಾಲೆಗಳಲ್ಲಿ ಮಾತ್ರ ಬೆರಳೆಣಿಕೆ ಸಂಖ್ಯೆಯಲ್ಲಿ ಮಕ್ಕಳ ಹಾಜರಾತಿ ಇತ್ತು. ಆದರೆ ಖಾಸಗಿ ಅನುದಾನಿತ ಶಾಲೆಗಳಲ್ಲಿ ಮಕ್ಕಳ ಸಂಖ್ಯೆ ಹೆಚ್ಚಾಗಿ ಕಂಡು ಬಂತು. ಅನುದಾನರಹಿತ ಶಾಲೆಗಳಲ್ಲಿ ಸಂಭ್ರಮ ಕಡಿಮೆಯಿತ್ತು.