ಕಲಬುರಗಿ: ಆಳಂದ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ, ಶಾಸಕ ಸುಭಾಷ ಗುತ್ತೇದಾರ ಅವರು ₹ 1.86 ಕೋಟಿ ಮೌಲ್ಯದ ಚರಾಸ್ತಿ ಹೊಂದಿದ್ದು, ಅವರ ಪತ್ನಿ ಬಳಿ ₹27.70 ಲಕ್ಷ ಮೌಲ್ಯದ ಚರಾಸ್ತಿ ಇದೆ.
250 ಗ್ರಾಂ ಚಿನ್ನ ಹೊಂದಿದ್ದು, ಪತ್ನಿ ಹೆಸರಲ್ಲಿ ₹ 18.35 ಲಕ್ಷ ಮೌಲ್ಯದ ಸ್ಕೋಡ ಕಾರು ಇದೆ. ₹ 66,403 ಹಣ ಕೈಯಲ್ಲಿ ಇರಿಸಿಕೊಂಡಿದ್ದಾಗಿ ಚುನಾವಣೆ ಅಧಿಕಾರಿಗೆ ಸಲ್ಲಿಸಿದ ಅಫಿಡವಿಟ್ನಲ್ಲಿ ತಿಳಿಸಿದ್ದಾರೆ.
ತಮ್ಮ ಹೆಸರಿನಲ್ಲಿ ₹ 8.44 ಲಕ್ಷ ಮೌಲ್ಯದ ಕೃಷಿ ಜಮೀನು, ಪತ್ನಿ ಹೆಸರಲ್ಲಿ ₹ 1.59 ಕೋಟಿ ಮೌಲ್ಯದ ಬೆಲೆ ಬಾಳುವ ಕೃಷಿ ಜಮೀನು ಇದೆ. ₹64 ಲಕ್ಷ ಮೌಲ್ಯದ ಕೃಷಿಯೇತರ ಜಮೀನು ಹಾಗೂ ₹ 1.94 ಕೋಟಿ ಮೌಲ್ಯದ ವಾಣಿಜ್ಯ ಕಟ್ಟಡ ಹೊಂದಿದ್ದಾರೆ.
₹ 36 ಲಕ್ಷ ಮೌಲ್ಯದ ವಸತಿ ಹೊಂದಿದ್ದು, ಒಟ್ಟಾರೆ ಸ್ಥಿರ ಆಸ್ತಿಯ ಮೌಲ್ಯ ₹ 3.79 ಕೋಟಿಯಷ್ಟಿದೆ. ಪತ್ನಿ ಹೆಸರಲ್ಲಿ ₹ 1.59 ಕೋಟಿಯಷ್ಟಿದೆ. ವಿವಿಧ ಬ್ಯಾಂಕ್ಗಳಿಗೆ ಸುಭಾಷ ಅವರು ₹ 3 ಕೋಟಿ ಹಾಗೂ ಅವರ ಪತ್ನಿ ₹ 9 ಲಕ್ಷ ಸಾಲ ಕಟ್ಟಬೇಕಿದೆ.