<p><strong>ಸೋಮವಾರಪೇಟೆ</strong>: ಸಮೀಪದ ಅಬ್ಬಿಮಠ ಬಾಚಳ್ಳಿ ಗ್ರಾಮದಲ್ಲಿರುವ ಅಬ್ಬಿ ಜಲಪಾತ ಮಳೆಗಾಲ ಪ್ರಾರಂಭವಾದೊಡನೆ ಅತ್ಯಾಕರ್ಷಕವಾಗಿ ಮೇಲಿನಿಂದ ಧುಮ್ಮಿಕ್ಕಿ ಹರಿಯುವ ನೀರು ಪ್ರವಾಸಿಗರನ್ನು ತನ್ನತ್ತ ಸೆಳೆಯುತ್ತದೆ.</p>.<p>ಪಟ್ಟಣದಿಂದ ಯಡೂರು ಗ್ರಾಮದ ಮೂಲಕ ಈ ಜಲಪಾತಕ್ಕೆ ತೆರಳಬಹುದು. ಮಡಿಕೇರಿಯಿಂದ 39 ಕಿ.ಮೀ ದೂರದಲ್ಲಿರುವ ಅಬ್ಬಿಮಠ ಜಲಪಾತ, ಮಳೆಗಾಲದ ಒಂದು ಜಲಪಾತವಾಗಿದ್ದು, ಮುಂಗಾರು ಮಳೆ ಆರ್ಭಟಿಸಿದಷ್ಟು ತನ್ನ ಭೋರ್ಗರೆತವನ್ನು ಹೆಚ್ಚಿಸಿಕೊಳ್ಳುತ್ತದೆ.</p>.<p>ಬಾಚಳ್ಳಿ ಗ್ರಾಮದ ಎತ್ತರದ ಇಳಿಜಾರುಗಳಲ್ಲಿ ನೆಲೆಸಿರುವ ಈ ಜಲಪಾತ ಸುಮಾರು 100 ಮೀಟರ್ ಎತ್ತರದಿಂದ ಇಳಿಜಾರು ಕಲ್ಲುಬಂಡೆಯ ಮೇಲೆ ಜಾರುತ್ತಾ ಜಲಪಾತವನ್ನು ಸೃಷ್ಟಿಸಿದೆ. ಸುತ್ತಲೂ ದಟ್ಟವಾದ ಕಾಡು ಮತ್ತು ಭತ್ತದ ಗದ್ದೆ, ಕಾಫಿ ತೋಟಗಳಿಂದಾವೃತ್ತವಾಗಿದ್ದು, ಖಾಸಗಿ ಜಮೀನಿನ ಮೂಲಕ ತೆರಳಿ ಇದರ ಸೊಬಗನ್ನು ಸವಿಯಬೇಕಾಗಿದೆ.</p>.<p>ಜಲಪಾತದ ಮೇಲಿನ ನೋಟವು ಗಂಟೆಗಳ ಕಾಲ ನಿಮ್ಮನ್ನು ಮಂತ್ರಮುಗ್ಧಗೊಳಿಸುತ್ತದೆ. ರಸ್ತೆಯಿಂದ ಸ್ಥಳಕ್ಕೆ ತೆರಳಲು 100 ಮೀಟರ್ ಕಾಲ್ನಡಿಗೆಯಲ್ಲಿ ತೆರಳಬೇಕು. ಮತ್ತೊಂದು ಬದಿಯಿಂದ ಜಲಪಾತದ ತುದಿಯನ್ನು ತಲುಪಲು ರಸ್ತೆಯ ಮಾರ್ಗವಿದೆ. ಜಲಪಾತವನ್ನು ತಲುಪುವ ಮಾರ್ಗದಲ್ಲಿ ಒಂದು ಸಣ್ಣ ದೇವಾಲಯವೂ ಇದೆ. ಈ ಜಲಪಾತವನ್ನು ಕೆಳಭಾಗದಿಂದ ನೋಡಲು ಸರಿಯಾದ ವ್ಯವಸ್ಥೆ ಇಲ್ಲ.</p>.<p>ಇದು ಮಡಿಕೇರಿಯಿಂದ ಶಾಂತಳ್ಳಿಗೆ ತೆರಳುವ ಮಾರ್ಗದಲ್ಲಿದ್ದು, ಸುತ್ತಲೂ ಸುಂದರವಾದ ಪರಿಸರವನ್ನು ಹೊಂದಿದೆ. ಸರಿಯಾದ ಮಾಹಿತಿ ಮತ್ತು ವ್ಯವಸ್ಥೆ ಇಲ್ಲದ ಕಾರಣ ಇಂದಿಗೂ ಹೆಚ್ಚಿನ ಜನರಿಂದ ದೂರವಾಗಿದೆ ಎಂದೇ ಹೇಳಬಹುದು.</p>.<p>ಜೂನ್ ತಿಂಗಳಿನಲ್ಲಿ ಮುಂಗಾರು ಮಳೆ ಪ್ರಾರಂಭವಾದೊಡನೆ ಜಲಪಾತ ವೀಕ್ಷಣೆಗೆ ತೆರಳಬಹುದು. ಅಕ್ಟೋಬರ್ ತಿಂಗಳಿನವರೆಗೂ ಈ ಸ್ಥಳದಲ್ಲಿ ನೀರಿನ ಹರಿವನ್ನು ಕಾಣಬಹುದು. ಇದು ಮಾದಾಪುರ ಹೊಳೆಗೆ ಸೇರುವ ಮೂಲಕ, ಹಾರಂಗಿ ಅಣೆಕಟ್ಟಿನ ಜಲಮೂಲವೂ ಆಗಿದೆ.</p>.<blockquote>ಮಡಿಕೇರಿಯಿಂದ ಶಾಂತಳ್ಳಿಗೆ ತೆರಳುವ ಮಾರ್ಗದಲ್ಲಿದೆ ಜಲಪಾತ ರಸ್ತೆಯಿಂದ ತೆರಳಲು ನೂರು ಮೀಟರ್ ಕಾಲ್ನಡಿಗೆ ಹಾದಿ ಮನಸೂರೆಗೊಳ್ಳಲಿದೆ ಜಲಪಾತದ ಸೊಬಗು</blockquote>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸೋಮವಾರಪೇಟೆ</strong>: ಸಮೀಪದ ಅಬ್ಬಿಮಠ ಬಾಚಳ್ಳಿ ಗ್ರಾಮದಲ್ಲಿರುವ ಅಬ್ಬಿ ಜಲಪಾತ ಮಳೆಗಾಲ ಪ್ರಾರಂಭವಾದೊಡನೆ ಅತ್ಯಾಕರ್ಷಕವಾಗಿ ಮೇಲಿನಿಂದ ಧುಮ್ಮಿಕ್ಕಿ ಹರಿಯುವ ನೀರು ಪ್ರವಾಸಿಗರನ್ನು ತನ್ನತ್ತ ಸೆಳೆಯುತ್ತದೆ.</p>.<p>ಪಟ್ಟಣದಿಂದ ಯಡೂರು ಗ್ರಾಮದ ಮೂಲಕ ಈ ಜಲಪಾತಕ್ಕೆ ತೆರಳಬಹುದು. ಮಡಿಕೇರಿಯಿಂದ 39 ಕಿ.ಮೀ ದೂರದಲ್ಲಿರುವ ಅಬ್ಬಿಮಠ ಜಲಪಾತ, ಮಳೆಗಾಲದ ಒಂದು ಜಲಪಾತವಾಗಿದ್ದು, ಮುಂಗಾರು ಮಳೆ ಆರ್ಭಟಿಸಿದಷ್ಟು ತನ್ನ ಭೋರ್ಗರೆತವನ್ನು ಹೆಚ್ಚಿಸಿಕೊಳ್ಳುತ್ತದೆ.</p>.<p>ಬಾಚಳ್ಳಿ ಗ್ರಾಮದ ಎತ್ತರದ ಇಳಿಜಾರುಗಳಲ್ಲಿ ನೆಲೆಸಿರುವ ಈ ಜಲಪಾತ ಸುಮಾರು 100 ಮೀಟರ್ ಎತ್ತರದಿಂದ ಇಳಿಜಾರು ಕಲ್ಲುಬಂಡೆಯ ಮೇಲೆ ಜಾರುತ್ತಾ ಜಲಪಾತವನ್ನು ಸೃಷ್ಟಿಸಿದೆ. ಸುತ್ತಲೂ ದಟ್ಟವಾದ ಕಾಡು ಮತ್ತು ಭತ್ತದ ಗದ್ದೆ, ಕಾಫಿ ತೋಟಗಳಿಂದಾವೃತ್ತವಾಗಿದ್ದು, ಖಾಸಗಿ ಜಮೀನಿನ ಮೂಲಕ ತೆರಳಿ ಇದರ ಸೊಬಗನ್ನು ಸವಿಯಬೇಕಾಗಿದೆ.</p>.<p>ಜಲಪಾತದ ಮೇಲಿನ ನೋಟವು ಗಂಟೆಗಳ ಕಾಲ ನಿಮ್ಮನ್ನು ಮಂತ್ರಮುಗ್ಧಗೊಳಿಸುತ್ತದೆ. ರಸ್ತೆಯಿಂದ ಸ್ಥಳಕ್ಕೆ ತೆರಳಲು 100 ಮೀಟರ್ ಕಾಲ್ನಡಿಗೆಯಲ್ಲಿ ತೆರಳಬೇಕು. ಮತ್ತೊಂದು ಬದಿಯಿಂದ ಜಲಪಾತದ ತುದಿಯನ್ನು ತಲುಪಲು ರಸ್ತೆಯ ಮಾರ್ಗವಿದೆ. ಜಲಪಾತವನ್ನು ತಲುಪುವ ಮಾರ್ಗದಲ್ಲಿ ಒಂದು ಸಣ್ಣ ದೇವಾಲಯವೂ ಇದೆ. ಈ ಜಲಪಾತವನ್ನು ಕೆಳಭಾಗದಿಂದ ನೋಡಲು ಸರಿಯಾದ ವ್ಯವಸ್ಥೆ ಇಲ್ಲ.</p>.<p>ಇದು ಮಡಿಕೇರಿಯಿಂದ ಶಾಂತಳ್ಳಿಗೆ ತೆರಳುವ ಮಾರ್ಗದಲ್ಲಿದ್ದು, ಸುತ್ತಲೂ ಸುಂದರವಾದ ಪರಿಸರವನ್ನು ಹೊಂದಿದೆ. ಸರಿಯಾದ ಮಾಹಿತಿ ಮತ್ತು ವ್ಯವಸ್ಥೆ ಇಲ್ಲದ ಕಾರಣ ಇಂದಿಗೂ ಹೆಚ್ಚಿನ ಜನರಿಂದ ದೂರವಾಗಿದೆ ಎಂದೇ ಹೇಳಬಹುದು.</p>.<p>ಜೂನ್ ತಿಂಗಳಿನಲ್ಲಿ ಮುಂಗಾರು ಮಳೆ ಪ್ರಾರಂಭವಾದೊಡನೆ ಜಲಪಾತ ವೀಕ್ಷಣೆಗೆ ತೆರಳಬಹುದು. ಅಕ್ಟೋಬರ್ ತಿಂಗಳಿನವರೆಗೂ ಈ ಸ್ಥಳದಲ್ಲಿ ನೀರಿನ ಹರಿವನ್ನು ಕಾಣಬಹುದು. ಇದು ಮಾದಾಪುರ ಹೊಳೆಗೆ ಸೇರುವ ಮೂಲಕ, ಹಾರಂಗಿ ಅಣೆಕಟ್ಟಿನ ಜಲಮೂಲವೂ ಆಗಿದೆ.</p>.<blockquote>ಮಡಿಕೇರಿಯಿಂದ ಶಾಂತಳ್ಳಿಗೆ ತೆರಳುವ ಮಾರ್ಗದಲ್ಲಿದೆ ಜಲಪಾತ ರಸ್ತೆಯಿಂದ ತೆರಳಲು ನೂರು ಮೀಟರ್ ಕಾಲ್ನಡಿಗೆ ಹಾದಿ ಮನಸೂರೆಗೊಳ್ಳಲಿದೆ ಜಲಪಾತದ ಸೊಬಗು</blockquote>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>