<p><strong>ಗೋಣಿಕೊಪ್ಪಲು</strong>: ಕಾಫಿ ತೋಟದ ನಡುವೆ ಸುಣ್ಣ ಬಣ್ಣಗಳಿಂದ ಅಲಂಕೃತ ಗೊಂಡು ಭಕ್ತರನ್ನು ಭಾವಪೂರ್ಣವಾಗಿ ಆಕರ್ಷಿಸುವ ಸುಂದರ ಆಲಯಗಳಲ್ಲಿ ಬೆಸಗೂರಿನ ಮಹದೇವರ ದೇವಸ್ಥಾನವೂ ಒಂದು.</p><p>ಸುತ್ತಲೂ ಇರುವ ಹಚ್ಚಹಸುರಿನ ವನಸಿರಿಯ ನಡುವೆ 700 ವರ್ಷಗಳ ಇತಿಹಾಸ ಹೊಂದಿರುವ ಮಹದೇವರ ದೇವಾಲಯ ಕಣ್ಮನ ಸೆಳೆಯುತ್ತಿದೆ. ಇಲ್ಲಿ ಮಹದೇವರ ಗುಡಿಯ ಜತೆಗೆ ಗಣತಿ, ದುರ್ಗಿ, ಭದ್ರಕಾಳಿ, ಬಾಲಕೃಷ್ಣನ ಗುಡಿಗಳಿವೆ. ಇವುಗಳೆಲ್ಲೆಲ್ಲ ಮಹದೇವರ ಗುಡಿಯೇ ಪ್ರಧಾನವಾದದು.</p><p>ಪ್ರತಿ ವರ್ಷ ಮೇ 8ರಂದು ಈ ದೇವಸ್ಥಾನದ ವಾರ್ಷಿಕೋತ್ಸವ ನಡೆಯುತ್ತದೆ. ದೀಪಾವಳಿ ಮುಗಿದ ಮೇಲೆ ಒಂದು ತಿಂಗಳ ಕಾಲ ಪ್ರತಿ ಸೋಮವಾರ ಕಾರ್ತಿಕ ಪೂಜೆಯೂ ನಡೆಯುತ್ತದೆ. ಈ ಸಂದರ್ಭದಲ್ಲಿ ಸುತ್ತಮುತ್ತಲಿನ ಊರುಗಳಾದ ನಲ್ಲೂರು, ಕಿರುಗೂರು, ಪೊನ್ನಪ್ಪಸಂತೆ, ಕಾನೂರು, ಬೆಕ್ಕೆಸೊಡ್ಲೂರು, ಬಾಳೆಲೆ, ಕೋಣನಕಟ್ಟೆ ಮತ್ತೂರು ಮೊದಲಾದ ಗ್ರಾಮಗಳ ಭಕ್ತರು ಪಾಲ್ಗೊಳ್ಳುತ್ತಾರೆ.</p><p>ಇಲ್ಲಿನ ಗುಡಿಗೋಪುರಗಳು ಸಾಮಾನ್ಯ ಕಟ್ಟಡದಿಂದ ಕೂಡಿದ್ದು ಸರಳವಾಗಿ, ಸುಂದರವಾಗಿವೆ. ದೇವಸ್ಥಾನದ ಆವರಣದೊಳಗೆ ಬೇವು, ನೆಲ್ಲಿ, ಸಂಪಿಗೆ, ಮಾವು ಬಿಲ್ವಪತ್ರೆ ಮೊದಲಾದ ಹಲವು ಜಾತಿಯ ಮರಗಳಿವೆ. ಗುಡಿಗಳ ಅಕ್ಕಪಕ್ಕ ವಿವಿಧ ಜಾತಿಯ ಹೂ ಗಿಡಗಳು ಮತ್ತು ಅಲಂಕಾರಿಕಾ ಸಸ್ಯಗಳನ್ನು ಅಚ್ಚುಕಟ್ಟಾಗಿ ಬೆಳೆಸಲಾಗಿದೆ.</p><p>ಆಯಾ ದೇವರಗುಡಿಗಳ ಮುಂಭಾಗದಲ್ಲಿ ಕಮಾನುಗಳನ್ನು ನಿರ್ಮಿಸಲಾಗಿದೆ. ನೀರಿಗಾಗಿ ತೆರೆದ ಬಾವಿ ನಿರ್ಮಿಸಲಾಗಿದೆ. ಈ ಬಾವಿ ಕಟ್ಟಡಕ್ಕೆ ಸುಣ್ಣ ಬಣ್ಣ ಹಚ್ಚಿ ಸುಂದರಗೊಳಿಸಲಾಗಿದೆ. ದೇವಸ್ಥಾನ ಕಟ್ಟಡ ಮತ್ತು ಕಾಂಪೌಂಡ್ಗೆ ಕೇವಲ ಬಿಳಿ ಬಣ್ಣ ಮತ್ತು ನೀಲಿ ಬಣ್ಣ ಬಳೆಯಲಾಗಿದೆ.</p><p>ಪ್ರತಿ ದಿನ ಬೆಳಿಗ್ಗೆ 6.30ರಿಂದಪೂಜೆ ನಡೆಯುತ್ತಿದೆ. ಈ ಸಂದರ್ಭದಲ್ಲಿ ಭಕ್ತರ ಸಂಖ್ಯೆ ಹೆಚ್ಚಿದ್ದರೆ ಈ ಸಮಯವನ್ನು ವಿಸ್ತರಿಸಲಾಗುತ್ತದೆ ಎನ್ನುತ್ತಾರೆ ದೇವಸ್ಥಾನದ ಪುರೋಹಿತರಾದ ಜಗನ್ನಾಥ್ ಭಟ್.</p><p>ಈ ದೇವಸ್ಥಾನಕ್ಕೆ ಸ್ಥಳೀಯಭಕ್ತರಿಗಿಂತ ಹೊರಗಿನವರೇ ಹೆಚ್ಚು. ದೇವಸ್ಥಾನದಲ್ಲಿ ಮೈಕ್ ಹಾಗೂ<br>ಗಂಟೆ ಜಾಗಟೆಗಳ ಗದ್ದಲವಿಲ್ಲ.ಪ್ರಶಾಂತವಾದ ವಾತಾವರಣದಲ್ಲಿ ಭಕ್ತರು ತಮ್ಮ ಕಷ್ಟ ಸುಖಗಳನ್ನು ನಿವೇದಿಸಿಕೊಂಡು, ಭಕ್ತಿಭಾವದಿಂದ ಹರಕೆ ತೀರಿಸಿ ವಿನೀತರಾಗಿ<br>ತೆರಳುತ್ತಾರೆ.</p> .<blockquote>ದೇವಸ್ಥಾನದಲ್ಲಿಲ್ಲ ಗದ್ದಲ, ಶಬ್ದಮಾಲಿನ್ಯ ಪ್ರಶಾಂತ ಪರಿಸರದಲ್ಲಿ ಪ್ರಾರ್ಥನೆಗೆ ಹೇಳಿ ಮಾಡಿಸಿದ ಸ್ಥಳ ಶಾಂತಿಯೇ ಇಲ್ಲಿನ ಉಸಿರು</blockquote>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗೋಣಿಕೊಪ್ಪಲು</strong>: ಕಾಫಿ ತೋಟದ ನಡುವೆ ಸುಣ್ಣ ಬಣ್ಣಗಳಿಂದ ಅಲಂಕೃತ ಗೊಂಡು ಭಕ್ತರನ್ನು ಭಾವಪೂರ್ಣವಾಗಿ ಆಕರ್ಷಿಸುವ ಸುಂದರ ಆಲಯಗಳಲ್ಲಿ ಬೆಸಗೂರಿನ ಮಹದೇವರ ದೇವಸ್ಥಾನವೂ ಒಂದು.</p><p>ಸುತ್ತಲೂ ಇರುವ ಹಚ್ಚಹಸುರಿನ ವನಸಿರಿಯ ನಡುವೆ 700 ವರ್ಷಗಳ ಇತಿಹಾಸ ಹೊಂದಿರುವ ಮಹದೇವರ ದೇವಾಲಯ ಕಣ್ಮನ ಸೆಳೆಯುತ್ತಿದೆ. ಇಲ್ಲಿ ಮಹದೇವರ ಗುಡಿಯ ಜತೆಗೆ ಗಣತಿ, ದುರ್ಗಿ, ಭದ್ರಕಾಳಿ, ಬಾಲಕೃಷ್ಣನ ಗುಡಿಗಳಿವೆ. ಇವುಗಳೆಲ್ಲೆಲ್ಲ ಮಹದೇವರ ಗುಡಿಯೇ ಪ್ರಧಾನವಾದದು.</p><p>ಪ್ರತಿ ವರ್ಷ ಮೇ 8ರಂದು ಈ ದೇವಸ್ಥಾನದ ವಾರ್ಷಿಕೋತ್ಸವ ನಡೆಯುತ್ತದೆ. ದೀಪಾವಳಿ ಮುಗಿದ ಮೇಲೆ ಒಂದು ತಿಂಗಳ ಕಾಲ ಪ್ರತಿ ಸೋಮವಾರ ಕಾರ್ತಿಕ ಪೂಜೆಯೂ ನಡೆಯುತ್ತದೆ. ಈ ಸಂದರ್ಭದಲ್ಲಿ ಸುತ್ತಮುತ್ತಲಿನ ಊರುಗಳಾದ ನಲ್ಲೂರು, ಕಿರುಗೂರು, ಪೊನ್ನಪ್ಪಸಂತೆ, ಕಾನೂರು, ಬೆಕ್ಕೆಸೊಡ್ಲೂರು, ಬಾಳೆಲೆ, ಕೋಣನಕಟ್ಟೆ ಮತ್ತೂರು ಮೊದಲಾದ ಗ್ರಾಮಗಳ ಭಕ್ತರು ಪಾಲ್ಗೊಳ್ಳುತ್ತಾರೆ.</p><p>ಇಲ್ಲಿನ ಗುಡಿಗೋಪುರಗಳು ಸಾಮಾನ್ಯ ಕಟ್ಟಡದಿಂದ ಕೂಡಿದ್ದು ಸರಳವಾಗಿ, ಸುಂದರವಾಗಿವೆ. ದೇವಸ್ಥಾನದ ಆವರಣದೊಳಗೆ ಬೇವು, ನೆಲ್ಲಿ, ಸಂಪಿಗೆ, ಮಾವು ಬಿಲ್ವಪತ್ರೆ ಮೊದಲಾದ ಹಲವು ಜಾತಿಯ ಮರಗಳಿವೆ. ಗುಡಿಗಳ ಅಕ್ಕಪಕ್ಕ ವಿವಿಧ ಜಾತಿಯ ಹೂ ಗಿಡಗಳು ಮತ್ತು ಅಲಂಕಾರಿಕಾ ಸಸ್ಯಗಳನ್ನು ಅಚ್ಚುಕಟ್ಟಾಗಿ ಬೆಳೆಸಲಾಗಿದೆ.</p><p>ಆಯಾ ದೇವರಗುಡಿಗಳ ಮುಂಭಾಗದಲ್ಲಿ ಕಮಾನುಗಳನ್ನು ನಿರ್ಮಿಸಲಾಗಿದೆ. ನೀರಿಗಾಗಿ ತೆರೆದ ಬಾವಿ ನಿರ್ಮಿಸಲಾಗಿದೆ. ಈ ಬಾವಿ ಕಟ್ಟಡಕ್ಕೆ ಸುಣ್ಣ ಬಣ್ಣ ಹಚ್ಚಿ ಸುಂದರಗೊಳಿಸಲಾಗಿದೆ. ದೇವಸ್ಥಾನ ಕಟ್ಟಡ ಮತ್ತು ಕಾಂಪೌಂಡ್ಗೆ ಕೇವಲ ಬಿಳಿ ಬಣ್ಣ ಮತ್ತು ನೀಲಿ ಬಣ್ಣ ಬಳೆಯಲಾಗಿದೆ.</p><p>ಪ್ರತಿ ದಿನ ಬೆಳಿಗ್ಗೆ 6.30ರಿಂದಪೂಜೆ ನಡೆಯುತ್ತಿದೆ. ಈ ಸಂದರ್ಭದಲ್ಲಿ ಭಕ್ತರ ಸಂಖ್ಯೆ ಹೆಚ್ಚಿದ್ದರೆ ಈ ಸಮಯವನ್ನು ವಿಸ್ತರಿಸಲಾಗುತ್ತದೆ ಎನ್ನುತ್ತಾರೆ ದೇವಸ್ಥಾನದ ಪುರೋಹಿತರಾದ ಜಗನ್ನಾಥ್ ಭಟ್.</p><p>ಈ ದೇವಸ್ಥಾನಕ್ಕೆ ಸ್ಥಳೀಯಭಕ್ತರಿಗಿಂತ ಹೊರಗಿನವರೇ ಹೆಚ್ಚು. ದೇವಸ್ಥಾನದಲ್ಲಿ ಮೈಕ್ ಹಾಗೂ<br>ಗಂಟೆ ಜಾಗಟೆಗಳ ಗದ್ದಲವಿಲ್ಲ.ಪ್ರಶಾಂತವಾದ ವಾತಾವರಣದಲ್ಲಿ ಭಕ್ತರು ತಮ್ಮ ಕಷ್ಟ ಸುಖಗಳನ್ನು ನಿವೇದಿಸಿಕೊಂಡು, ಭಕ್ತಿಭಾವದಿಂದ ಹರಕೆ ತೀರಿಸಿ ವಿನೀತರಾಗಿ<br>ತೆರಳುತ್ತಾರೆ.</p> .<blockquote>ದೇವಸ್ಥಾನದಲ್ಲಿಲ್ಲ ಗದ್ದಲ, ಶಬ್ದಮಾಲಿನ್ಯ ಪ್ರಶಾಂತ ಪರಿಸರದಲ್ಲಿ ಪ್ರಾರ್ಥನೆಗೆ ಹೇಳಿ ಮಾಡಿಸಿದ ಸ್ಥಳ ಶಾಂತಿಯೇ ಇಲ್ಲಿನ ಉಸಿರು</blockquote>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
