ಗುರುವಾರ , ಜೂನ್ 24, 2021
28 °C

ಮುಳಬಾಗಿಲು: ನಾಟಿ ಕೋಳಿಗಳಿಗೆ ಹೆಚ್ಚಿದ ಬೇಡಿಕೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಮುಳಬಾಗಿಲು: ಕೊರೊನಾ ಸೋಂಕಿತರು ಹಾಗೂ ಮುನ್ನೆಚ್ಚರಿಕೆ ಕ್ರಮವಾಗಿ ಜನರು ನಾಟಿ ಕೋಳಿ ಮಾಂಸ ಹಾಗೂ ಮೊಟ್ಟೆ ಸೇವಿಸಿದರೆ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ ಎಂದು ಕೆಲವು ವೈದ್ಯರು ಸಲಹೆ ನೀಡಿರುವ ಹಿನ್ನೆಲೆಯಲ್ಲಿ ನಾಟಿಕೋಳಿಗಳಿಗೆ ಬೇಡಿಕೆ ಹೆಚ್ಚಾಗಿದ್ದು, ಜತೆಗೆ ಬೆಲೆಯೂ ಗಗನಕ್ಕೆ ಏರಿದೆ.

ಕರ್ಫ್ಯೂ ಸಮಯದಲ್ಲೂ ನಗರಕ್ಕೆ ನಾಟಿ ಕೋಳಿಗಳನ್ನು ಮಾರಾಟ ಮಾಡಲು ಗ್ರಾಮಾಂತರ ಪ್ರದೇಶದಿಂದ ಬೆಳ್ಳಂಬೆಳಗ್ಗೆ ಬರುತ್ತಿರುವುದು ಸಾಮಾನ್ಯ ದೃಶ್ಯವಾಗಿತ್ತು. ನಾಟಿ ಕೋಳಿ ಮಾಂಸದಲ್ಲಿ ಪ್ರೊಟೀನ್‌ ಹಾಗೂ ವಿಟಮಿನ್ ಅಂಶಗಳು ಹೆಚ್ಚಾಗಿರುವುದರಿಂದ ದೇಹಕ್ಕೆ ಬರುತ್ತದೆ ಹಾಗೂ ಮಾಂಸ ಖಂಡಗಳು ಗಟ್ಟಿಯಾಗುವುದರೊಂದಿಗೆ ರೋಗನಿರೋಧಕ ಶಕ್ತಿ ಹೆಚ್ಚಾಗಲು ಕಾರಣವಾಗುತ್ತದೆ. ಜತೆಗೆ ದೇಹ ಉಷ್ಣತೆಯಿಂದ ಇರಲು ಸಾಧ್ಯವಾಗುತ್ತದೆ ಎಂಬ ಹಿನ್ನೆಲೆಯಲ್ಲಿ ಕೋಳಿ ಮಾಂಸ ಮತ್ತು ಮೊಟ್ಟೆಗೆ ಬೇಡಿಕೆ ಹೆಚ್ಚಾಗಿದೆ.

ಕಳೆದ ವರ್ಷ ಒಂದು ಕೆಜಿ ಜೀವಂತ ಕೋಳಿಗೆ ₹250 ಬೆಲೆ ಇದ್ದು ಅದೇ ತೂಕ ಈಗ ₹400 ಗಡಿ ದಾಟಿದೆ. ಜೀವಂತ ಕೋಳಿ ಕೊಯ್ದು ಸ್ವಚ್ಛಗೊಳಿಸಿದರೆ 750 ಗ್ರಾಂ ಮಾಂಸ ಸಿಗುತ್ತದೆ. ಈಗ ದುಬಾರಿ ಬೆಲೆ ನೀಡಿ ಕೋಳಿ ಖರೀದಿ ಮಾಡುವವರ ಸಂಖ್ಯೆ ಏರಿದೆ.

‘ನಾಟಿ ಕೋಳಿ ಮಾಂಸ ಅತ್ಯಂತ ರುಚಿಕರವಾಗಿರುವ ಕಾರಣ ಮಾಂಸ ಪ್ರಿಯರು ತುಂಬ ಇಷ್ಟಪಡುತ್ತಾರೆ. ಕೋಳಿ ಮೊಟ್ಟೆ ಸಹ ಆರೋಗ್ಯಕ್ಕೆ ಒಳ್ಳೆಯದು ಎಂಬ ಅಭಿಪ್ರಾಯದ ಹಿನ್ನೆಲೆ ಕೋಳಿ ಮೊಟ್ಟೆ ಒಂದಕ್ಕೆ ₹6ರಿಂದ ₹10ಗಳಿದ್ದರೂ ಬೇಡಿಕೆ ಇದೆ’ ಎನ್ನುತ್ತಾರೆ ಮಾಂಸಪ್ರಿಯರಾದ ವಕೀಲ ಪಿ.ಎಂ.ಸದಾಶಿವಯ್ಯ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು