ಮಾಲೂರು | 65 ಅಡಿ ಎತ್ತರದ ಧ್ವಜಸ್ತಂಭ ಉದ್ಘಾಟನೆ

ಪಟ್ಟಣದ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಕ್ರೀಡಾಂಗಣದಲ್ಲಿ ನಡೆದ ಸ್ವಾತಂತ್ರ್ಯ ದಿನಾಚರಣೆಯಲ್ಲಿ ತಾಲ್ಲೂಕು ಆಡಳಿತ ದಾನಿಗಳ ಸಹಕಾರದಿಂದ ನಿರ್ಮಿಸಿರುವ 65 ಅಡಿ ಎತ್ತರದ ಧ್ವಜಸ್ತಂಭ ಉದ್ಘಾಟಿಸಿ ಮಾತನಾಡಿದರು.

ಸರ್ಕಾರಿ ಶಾಲಾ ಮಕ್ಕಳಿಗೆ ಶಿಸ್ತು ಹಾಗೂ ಉತ್ತಮ ಗುಣಮಟ್ಟದ ಶಿಕ್ಷಣ ನೀಡಲು ಜನಪ್ರತಿನಿಧಿಗಳು ಶಿಕ್ಷಣ ಇಲಾಖೆ ಮುಂದಾಗಬೇಕು.
ದೇಶ ಕಟ್ಟುವ ಹೊಣೆ ನಮ್ಮದು. ಸ್ವಾತಂತ್ರ್ಯ ಹೋರಾಟಗಾರರ ಆದರ್ಶ ಅಳವಡಿಸಿ ದೇಶ ಕಟ್ಟುವ ಕೆಲಸ ಮಾಡಬೇಕು ಎಂದರು.

ಸಾವಿರ ಕೋಟಿ ವೆಚ್ಚದಲ್ಲಿ ದೇವನಹಳ್ಳಿಯಿಂದ ಸಂಪಂಗೆರೆ ಗಡಿಯವರಿಗೆ, ಮಾಲೂರು ಪಟ್ಟಣದಿಂದ ಹೊಸಕೋಟೆವರೆಗೆ ಒಟ್ಟು 123 ಕಿಲೋಮೀಟರ್ ರಸ್ತೆಗೆ ಬಜೆಟ್‌ನಲ್ಲಿ ಹಣ ನಿಗದಿಪಡಿಸಿ ಡಿಪಿಆರ್ ಸಿದ್ಧವಾಗುತ್ತಿದೆ ಎಂದರು.

ತಹಶೀಲ್ದಾರ್ ಕೆ.ರಮೇಶ, ಗ್ರೇಡ್ 2 ತಹಶೀಲ್ದಾರ್ ಹರಿಪ್ರಸಾದ್, ಸರ್ಕಾರಿ ನೌಕರ ಸಂಘದ ಅಧ್ಯಕ್ಷ ವಿ.ಮುನೇಗೌಡ, ಬಿಇಒ ಚಂದ್ರಕಲಾ, ರತ್ನಮ್ಮ ನಂಜೇಗೌಡ, ಆರ್.ವೆಂಕಟೇಶ, ಜಾಕೀರ್ ಖಾನ್, ಇಂತಿಯಾಜ್ ಖಾನ್, ಎ.ರಾಜಪ್ಪ, ಪರಮೇಶ್, ವಿಜಯಲಕ್ಷ್ಮಿ, ಮದುಸೂಧನ್, ವಿಜಯ ನರಸಿಂಹ, ಎಂ.ವಿ ಹನುಮಂತಯ್ಯ, ಚೈತ್ರ, ಹೇಮಾ, ಕೋಮಲ, ಧನಲಕ್ಷ್ಮಿ ಇದ್ದರು.