ಪ್ಲಾಸ್ಟಿಕ್‌ ವಸ್ತು ಬಳಸಿದರೆ ದಂಡ ವಿಧಿಸುತ್ತೇವೆ

ಗಾಂಧಿ ಜಯಂತಿ ಅಂಗವಾಗಿ ಗ್ರಾಮದಲ್ಲಿ ಮಂಗಳವಾರ ಹಮ್ಮಿಕೊಂಡಿದ್ದ ವಿಶೇಷ ಗ್ರಾಮ ಸಭೆಯಲ್ಲಿ ಮಾತನಾಡಿ, ‘ಗಾಂಧೀಜಿ ತಮಗಾಗಿ ಏನನ್ನೂ ಮಾಡಿಕೊಳ್ಳಲಿಲ್ಲ. ಬದುಕಿರುವವರೆಗೂ ದೇಶಕ್ಕಾಗಿ ದುಡಿದರು. ಎಲ್ಲರೂ ಅವರ ಶ್ರಮದಾನದ ಆದರ್ಶ ಪಾಲಿಸಬೇಕು’ ಎಂದು ಹೇಳಿದರು.

‘ಗ್ರಾಮಗಳನ್ನು ಸುಂದರವಾಗಿಸುವ ನಿಟ್ಟಿನಲ್ಲಿ ಪ್ಲಾಸ್ಟಿಕ್ ವಸ್ತುಗಳನ್ನು ಬಳದಿರುವ ಸಂಕಲ್ಪ ಮಾಡಬೇಕು. ಉತ್ತಮ ಪರಿಸರಕ್ಕಾಗಿ ಖಾಲಿ ಜಾಗಗಳಲ್ಲಿ ಸಸಿ ನೆಟ್ಟು ಬೆಳೆಸಬೇಕು. ಗಾಂಧೀಜಿಯ ಆದರ್ಶಗಳನ್ನು ಜೀವನ ಪರ್ಯಂತ ಅನುಸರಿಸಬೇಕು. ಒಂದು ದಿನಕ್ಕೆ ಅವರ ಜಯಂತಿ ಸೀಮಿತಗೊಳಿಸಿದರೆ ಪ್ರಯೋಜನವಿಲ್ಲ. ಪ್ರತಿನಿತ್ಯ ಗಾಂಧಿ ತತ್ವ ಅನುಸರಿಸಿದಾಗ ಮಾತ್ರ ಜಯಂತಿ ಆಚರಣೆಗೆ ಅರ್ಥ ಬರುತ್ತದೆ’ ಎಂದರು.

ಪ್ಲಾಸ್ಟಿಕ್‌ ಬಳಸಬಾರದು: ‘ಗಾಂಧೀಜಿಯ ಗ್ರಾಮ ಸ್ವರಾಜ್ಯದ ಕನಸು ನನಸಾಗಿಸಲು ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಪಂಚಾಯಿತಿಯನ್ನು ಈಗಾಗಲೇ ಬಯಲು ಬಹಿರ್ದೆಸೆ ಮುಕ್ತ ಪಂಚಾಯಿತಿಯಾಗಿ ಘೋಷಿಸಲಾಗಿದೆ. ಪರಿಸರಕ್ಕೆ ಮಾರಕವಾಗಿರುವ ಪ್ಲಾಸ್ಟಿಕ್‌ ವಸ್ತುಗಳನ್ನು ಸಾರ್ವಜನಿಕರು ಬಳಸಬಾರದು’ ಎಂದು ಗ್ರಾ.ಪಂ ಅಭಿವೃದ್ಧಿ ಅಧಿಕಾರಿ ಮುನಿರಾಜು ಮನವಿ ಮಾಡಿದರು.

‘ಗಾಂಧೀಜಿ ಅಹಿಂಸಾ ತತ್ವದ ಮೂಲಕ ದೇಶಕ್ಕೆ ಸ್ವಾತಂತ್ರ್ಯ ತಂದುಕೊಟ್ಟು ಮಹಾತ್ಮರಾದರು. ಅಹಿಂಸೆಯ ತತ್ವದ ಹಾದಿಯಲ್ಲೇ ಮುನ್ನಡೆಯಬೇಕು. ಸ್ವಚ್ಛ ಭಾರತ್ ಯೋಜನೆಯಡಿ ಗ್ರಾಮಗಳ ಅಭಿವೃದ್ಧಿಗೆ ಹಲವು ಕಾರ್ಯಕ್ರಮ ಜಾರಿಗೊಳಿಸಲಾಗಿದೆ. ಜನ ಈ ಕಾರ್ಯಕ್ರಮಗಳ ಪ್ರಯೋಜನ ಪಡೆಯಬೇಕು’ ಎಂದು ತಿಳಿಸಿದರು.

ಗ್ರಾ.ಪಂ ಉಪಾಧ್ಯಕ್ಷ ಎಂ.ಎನ್.ಕೃಷ್ಣಯ್ಯ, ಸದಸ್ಯರಾದ ಡಿ.ಶ್ರೀನಿವಾಸ್, ಪಾರ್ವತಮ್ಮ, ಬೈರಪ್ಪ, ಮುರಳಿಮೋಹನ್, ರಮೇಶ್, ವೆಂಕಟಾಚಲಪತಿ, ಸುದರ್ಶನ್, ಗಾಯಿತ್ರಮ್ಮ, ನಾಗರತ್ನಮ್ಮ, ಶಿವರಾಜ್, ಶಾಂತವೇಣಮ್ಮ ಪಾಲ್ಗೊಂಡಿದ್ದರು.