ಬಿತ್ತನೆ ಬೀಜ ವಿತರಣೆ ವಿಳಂಬ: ರೈತರ ಆಕ್ರೋಶ

ಕೇಂದ್ರದಲ್ಲಿ ಇಲಾಖೆ ಸಿಬ್ಬಂದಿ ರೈತರ ದಾಖಲಾತಿ ಪಡೆಯುತ್ತಾರೆ. ಆದರೆ ಬೇಗ ಬಿತ್ತನೆ ಬೀಜ ನೀಡುವುದಿಲ್ಲ. ಎರಡು ಮೂರು ದಿನ ಸಾಲಲ್ಲಿ ನಿಂತರೂ ಬೀಜ ದೊರೆಯುತ್ತಿಲ್ಲ. ಇದರಿಂದ ತೊಂದರೆ ಅನುಭವಿಸುತ್ತಿದ್ದೇವೆ ಎಂದು ರೈತ ರುದ್ರಪ್ಪ ಅಕ್ಕಿ ಹೇಳಿದರು.

ಈ ವ್ಯವಸ್ಥೆಯಿಂದ ದೂರದ ಗ್ರಾಮಗಳಿಂದ ಬರುವ ರೈತರು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ಕೇಂದ್ರದಲ್ಲಿ ಸಮರ್ಪಕ ಸಿಬ್ಬಂದಿ ಮತ್ತು ರೈತರಿಗೆ ಅನುಕೂಲವಾಗುವಂತೆ ಸಾಲಾಗಿ ನಿಲ್ಲಲು ನೆರಳಿನ ವ್ಯವಸ್ಥೆ ಇಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.