ಪುರಂದರದಾಸರ ಸಾಹಿತ್ಯ ಸಂಶೋಧನೆ ಆಗಲಿ: ವಿದ್ಯಾಶ್ರೀಶತೀರ್ಥ ಒತ್ತಾಯ

ಇಲ್ಲಿಯ ಅಡವಿರಾಯ ದೇವಸ್ಥಾನದ ಸನ್ನಿಧಾನದಲ್ಲಿ ಭಾನುವಾರ ಬೆಂಗಳೂರಿನ ನಿನ್ನ ಒಲುಮೆಯಿಂದ ಪ್ರತಿಷ್ಠಾನಂ ವತಿಯಿಂದ ನಡೆಯುತ್ತಿರುವ ನಾಲ್ಕನೇ ದಿನದ ಶ್ರೀಮಧ್ವ-ಪುರಂದರೋತ್ಸವದ ಮಂಗಳೋತ್ಸವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ವಿಜಯನಗರದ ಕೊನೆಯ ಕಾಲದಲ್ಲಿ ದೊಡ್ಡ ಯುದ್ಧಗಳಾದವು. ಆ ಸಂದರ್ಭದಲ್ಲಿ ಹಂಪೆಯಲ್ಲದೇ ಸುತ್ತಮುತ್ತಲಿನ ಪ್ರದೇಶದಲ್ಲಿ ಯಾವ ಯಾವ ರೀತಿಯ ಅನಾಹುತಗಳಾಗಿದ್ದವು ಎಂಬುದು ಗೊತ್ತಿಲ್ಲ. ಎಷ್ಟೋ ಜನ ಮನೆ ತ್ಯಜಿಸಿದರು ಎಂಬುದು ಗೊತ್ತಿಲ್ಲ. ಅಂಥಹ ಸಂದರ್ಭದಲ್ಲಿ ಎಷ್ಟೋ ದೇವನಾಮಗಳಿರುವ ಪುರಂದರದಾಸರ ಸಾಹಿತ್ಯ ಕಳೆದುಹೋಗಿವೆ. ದಾಸರ ಕಾಲದಲ್ಲಿಯೂ ಬಗೆ ಬಗೆಯ ಸಾಹಿತ್ಯಗಳಿದ್ದವು, ಇವೂ ಕೂಡಾ ಉಳಿದಿಲ್ಲ ಎಂದರು.

ಹೆಣ್ಣುಮಕ್ಕಳು ಎಷ್ಟು ಮನೆ ಮನೆಯಲ್ಲಿ ಉಳಿಸಿಕೊಂಡು ಬಂದರೋ ಅಲ್ಲಲ್ಲಿ ಬರೆದಿಟ್ಟ ಓಲೆಗರಿಗಳೆಷ್ಟು ಇತ್ತೊ ಅಷ್ಟೆ ನಮಗೆ ಉಳಿದಿದೆ. 1850ರಲ್ಲಿ ಮಂಗಳೂರಿನಲ್ಲಿ ಮೊದಲನೇ ಬಾರಿ ಪುರಂದರದಾಸರು ಸುಮಾರು 250 ಪದಗಳ ಒಂದು ಸಂಕಲನ ಪ್ರಕಟ ಮಾಡಿದರು. 20 ವರ್ಷಗಳ ಬಳಿಕ ಬ್ರಿಟಿಷ್ ಆಡಳಿತದಲ್ಲಿ ಇದ್ದ ಮೈಸೂರು ರಾಜ್ಯದಲ್ಲಿ ಒಬ್ಬ ಆಂಗ್ಲ ಅಧಿಕಾರಿ ದಾಸ ಸಾಹಿತ್ಯದ ಬಗ್ಗೆ ಸ್ವಲ್ಪ ಆಸಕ್ತಿ ತೋರಿ ಕನ್ನಡ ಪಂಡೀತರೊಬ್ಬರಿಂದ ಸಂಶೋಧನೆ ಮಾಡಿಸಿ, ಸಂಕಲನವನ್ನು ಪುನಃ ಮುದ್ರಣ ಮಾಡಿಸಿದರು ಎಂದರು.

ನಂತರ ಆ ಶತಮಾನದ ಕೊನೆ ಭಾಗದಲ್ಲಿ ಅಂದಿನ ಮದ್ರಾಸಿನಲ್ಲಿ ತೆಲುಗಿನ ಒಬ್ಬ ವ್ಯಕ್ತಿ ತೆಲುಗು ಲಿಪಿಯಲ್ಲಿ ಪುರಂದರದಾಸ ದೇವರ ನಾಮಗಳನ್ನ ಮುದ್ರಣ ಮಾಡುತ್ತಾರೆ. ಅದಾದ ಮೇಲೆ ಉಡುಪಿಯ ತಾವುಂಜೆ ಗುರುರಾಯರು ಇನ್ನು ಕೆಲವರು ಪುರಂದರದಾಸರ ದೇವರನಾಮಗಳನ್ನ ಬೇರೆದಾಸರ ದೇವರನಾಮಗಳನ್ನು ಹೊರಗಡೆ ತಂದರು. ಅವು ಸುಮಾರು 750 ದಾಸರ ದೇವನಾಮಗಳು ಎಂದು ಹೇಳುತ್ತಾರೆ. ನಂತರ ಸಂಘಸಂಸ್ಥೆಗಳು ಮಾಡಿದ ಕೆಲಸವನ್ನು ಪುರಂದರದಾಸರ ಚತುರ್ಥ ಶತಮಾನೋತ್ಸವ ನಡೆದಾಗ ದುರ್ಲಿ ಬಿಂದಮಾದವಾಚಾರ್ಯರ ಅಧ್ಯಕ್ಷತೆಯಲ್ಲಿ ಒಂದು ಸಂಘಟನೆಯಾಯಿತು. ಬೆಟಗೇರಿ ಕೃಷ್ಣ ಪ್ರಹ್ಲಾದರು,ಹಿರಿಯ ಸಾಹಿತಿಗಳು ಎಲ್ಲ ಸೇರಿ ನಾಲ್ಕು ಸಂಪುಟಗಳಿಂದ ಪುರಂದರದಾಸರ ಎಲ್ಲ ರಚನೆಗಳನ್ನು ಸಂಗ್ರಹ ಮಾಡಿದರು ಎಂದರು.

ಮುಂದಿನ ಪೀಳಿಗೆಗೆ ದಾಸ ಸಾಹಿತ್ಯ ಪರಂಪರೆ ಪರಿಚಯಿಸಿ, ಉಳಿಸಿ, ಬೆಳೆಸಲು ಸಾಧ್ಯವಾಗುತ್ತದೆ. ಹೀಗಾಗಿ ನಿನ್ನಾ ಒಲುಮೆಯಿಂದ ಪ್ರತಿಷ್ಠಾನದ ಮೈಸೂರಿನ ರಾಮಚಂದ್ರಾಚಾರ್ ಅವರು ದಾಸ ಸಾಹಿತ್ಯ ಸಂಗ್ರಹಣೆಯ ಸಂಶೋಧನಾ ಸಂಸ್ಥೆ ಮೀತಿ ರಚಿಸಲಿ. ಭಕ್ತರು ಆ ಸಂಸ್ಥೆಗೆ ಧನಸಹಾಯ ಮಾಡಬೇಕು. ಪ್ರತಿ ವರ್ಷ ಆ ಸಂಸ್ಥೆಗೆ ನಮ್ಮ ಮಠದಿಂದ $ 1 ಲಕ್ಷ ಕೊಡುತ್ತೇನೆ ಎಂದು ಅವರಿ ಭರವಸೆ ನೀಡಿದರು.