ನಿತ್ಯ ಏರುತ್ತಲೇ ಇದೆ ತರಕಾರಿಗಳ ಬೆಲೆ: ಗ್ರಾಹಕರಿಗೆ ಹೊರೆ, ವ್ಯಾಪಾರಿಗಳಿಗೂ ಬರೆ

ಕೊಪ್ಪಳ: ವಾತಾವರಣದ ಏರಿಳಿತ ಮತ್ತು ಮಾರುಕಟ್ಟೆಯಲ್ಲಿ ಫಸಲು ಕಡಿಮೆಯಾದ ಪರಿಣಾಮ ತರಕಾರಿ ಬೆಲೆ ಹಲವು ದಿನಗಳಿಂದ ನಿತ್ಯ ಏರಿಕೆಯಾಗುತ್ತಲೇ ಇದ್ದು, ಇದರಿಂದ ಗ್ರಾಹಕರಿಗೆ ಹೊರೆಯಾಗುತ್ತಿದೆ. ವ್ಯಾಪಾರಿಗಳಿಗೂ ಇದರ ಬಿಸಿ ತಟ್ಟುತ್ತಿದೆ.

. ನಿತ್ಯ ಆಹಾರ ತಯಾರಿಕೆಯಲ್ಲಿ ಉಳ್ಳಾಗಡ್ಡಿ, ಟೊಮೆಟೊ, ಹಸಿಮೆಣಸಿನಕಾಯಿ ಬಳಕೆ ಸಾಮಾನ್ಯವಾಗಿದ್ದು, ಟೊಮೆಟೊ ಈಗ ಒಂದು ಕೆ.ಜಿಗೆ. ₹100 ಆಗಿದೆ. ಹಿಂದಿನ 20 ದಿನಗಳ ಹಿಂದೆ ₹40ರಿಂದ ₹50 ಆಸುಪಾಸಿನಲ್ಲಿದ್ದ ಟೊಮೆಟೊ ಬೆಲೆ ಹಂತಹಂತವಾಗಿ ಏರಿಕೆಯಾಗಿದ್ದು ಈಗ ಶತಕ ಬಾರಿಸಿದೆ. ಹಸಿ ಮೆಣಸಿನಕಾಯಿಯ ದಪ್ಪನೆಯ ಕಾಯಿಗೆ ಪ್ರತಿ ಕೆ.ಜಿ.ಗೆ ₹80 ಇದ್ದರೆ, ಗಿಡ್ಡಕಾಯಿ ಬೆಲೆ ₹120ಕ್ಕೆ ಏರಿಕೆಯಾಗಿದೆ. ಈ ಎರಡೂ ತರಕಾರಿಗೆ ಹೋಲಿಸಿದರೆ ಉಳ್ಳಾಗಡ್ಡಿ (ಪ್ರತಿ ಕೆ.ಜಿ.ಗೆ ₹50) ಬೆಲೆಯೇ ಕಡಿಮೆ.

. ಹಲವು ತಿಂಗಳುಗಳಿಂದ ಏರಿಕೆಯ ಹಾದಿಯಲ್ಲಿಯೇ ಸಾಗಿರುವ ಬೀನ್ಸ್ ಈಗ ದ್ವಿಶತಕ ಬಾರಿಸಿದ್ದು ಒಂದು ಕೆ.ಜಿಗೆ. ₹200 ಆಗಿದೆ. ನಿತ್ಯದ ಅಗತ್ಯ ವಸ್ತುಗಳ ಸಾಲಿನಲ್ಲಿ ಬೀನ್ಸ್ ಇಲ್ಲದ ಕಾರಣ ಗ್ರಾಹಕರಿಂದಲೂ ಖರೀದಿ ಕಡಿಮೆಯಾಗಿದೆ. ವ್ಯಾಪಾರಿಗಳೂ ಸಗಟು ಮಾರುಕಟ್ಟೆಯಲ್ಲಿ ತರುವುದನ್ನು ಕಡಿಮೆ ಮಾಡಿದ್ದಾರೆ.

. ವಾರದ ಹಿಂದೆ ಜಿಲ್ಲೆ ಹಾಗೂ ರಾಜ್ಯದ ವಿವಿಧ ಭಾಗಗಳಲ್ಲಿ ಉತ್ತಮ ಮಳೆಯಾಗಿದೆ. ಈ ವಾರ ಜಿಲ್ಲೆಯಲ್ಲಿ ಬಿಸಿಲು, ಮೋಡಕವಿದ ವಾತಾವರಣ. ಹವಾಮಾನದ ಏರಿಳಿತ ತರಕಾರಿಗಳ ಮೇಲೂ ಆಗಿ ಫಸಲು ಕಡಿಮೆಯಾಗುತ್ತಿದೆ. ವಿಜಯಪುರ, ಬೆಳಗಾವಿಯಿಂದ ಇಲ್ಲಿನ ಮಾರುಕಟ್ಟೆಗೆ ಹೆಚ್ಚು ತರಕಾರಿ ಬರುತ್ತಿದ್ದರೆ, ಜಿಲ್ಲೆಯ ರೈತರು ಇಲ್ಲಿನ ಎಪಿಎಂಸಿಯಲ್ಲಿನ ಅವ್ಯವಸ್ಥೆ ರೋಸಿ ಹೊರಜಿಲ್ಲೆಗಳಿಗೆ ವ್ಯಾಪಾರಕ್ಕೆ ತೆರಳುತ್ತಿದ್ದಾರೆ.

. ಪ್ರಸ್ತುತ ಮಾರುಕಟ್ಟೆಯಲ್ಲಿ ಒಂದು ಕೆ.ಜಿ.ಹಿರೇಕಾಯಿ ₹120, ಬೆಂಡೆಕಾಯಿ ₹80, ಸೌತೇಕಾಯಿ ₹80, ಚವಳೆಕಾಯಿ ₹80, ದೊಣ್ಣ ಮೆಣಸಿನಕಾಯಿ ₹120 ಇದೆ.

. ‘ಒಂದು ಬಾಕ್ಸ್ನಲ್ಲಿ ಸಾಮಾನ್ಯವಾಗಿ 18ರಿಂದ 20 ಕೆ.ಜಿ. ಟೊಮೆಟೊ ಇರುತ್ತದೆ. ಹಲವು ದಿನಗಳ ಹಿಂದೆಯಷ್ಟೇ ನಿತ್ಯ 30 ಬಾಕ್ಸ್ ಮಾರಾಟ ಮಾಡುತ್ತಿದ್ದೆವು. ಒಂದು ಬಾಕ್ಸ್ಗೆ ₹500ರಿಂದ ₹600 ಇದ್ದ ಬೆಲೆ ಈಗ ₹1800ಕ್ಕೆ ಏರಿಕೆಯಾಗಿದೆ. ಇದರಲ್ಲಿ ಒಂದಷ್ಟು ಕೊಳೆತಿದ್ದರೂ ಬೆಲೆ ಕಡಿಮೆಯಿದ್ದ ಕಾರಣ ದೊಡ್ಡ ನಷ್ಟವಾಗುತ್ತಿರಲಿಲ್ಲ. ಈಗ ವಾತಾವರಣದ ಏರಿಳಿತದಿಂದಲೂ ಸ್ವಲ್ಪ ಟೊಮೆಟೊ ಕೆಟ್ಟು ಹೋದರೂ ಸಾಕಷ್ಟು ನಷ್ಟವಾಗುತ್ತಿದೆ’ ಎಂದು ಇಲ್ಲಿನ ಲೇಬರ್ ಸರ್ಕಲ್ ಬಳಿ ತರಕಾರಿ ವ್ಯಾಪಾರಿ ಮಾಡುತ್ತಿದ್ದ ರತ್ನಾ ದೊಡ್ಡಮನಿ ಹೇಳಿದರು.

. ’ಅತ್ಯಂತ ಅವ್ಯವಸ್ಥೆಯಿರುವ ಇಲ್ಲಿನ ಎಪಿಎಂಸಿ ಮಾರುಕಟ್ಟೆಗೆ ಹೋಗಿ ಸಗಟು ಮಾರುಕಟ್ಟೆಯಲ್ಲಿ ತರುವುದೇ ಸವಾಲು. ಬೆಳಗಿನ ಜಾವ ನಾಲ್ಕು ಗಂಟೆಗೆ ಎದ್ದು ತರಕಾರಿ ತಂದು ದಿನಪೂರ್ತಿ ಮಾರಾಟ ಮಾಡಿದರೂ ಈಗ ಅಷ್ಟೊಂದು ವ್ಯಾಪಾರವಾಗುತ್ತಿಲ್ಲ. ಮೊದಲು ನಿತ್ಯ ₹20 ಸಾವಿರ ಆಗುತ್ತಿದ್ದ ವ್ಯಾಪಾರ ಈಗ ₹10 ಸಾವಿರಕ್ಕೆ ಇಳಿದಿದೆ’ ಎಂದು ತರಕಾರಿ ವ್ಯಾಪಾರಿ ಮಂಜುನಾಥ ಬೇಸರ ವ್ಯಕ್ತಪಡಿಸಿದರು.

. ಎಲ್ಲ ತರಕಾರಿಗಳ ಬೆಲೆ ಏರಿಕೆಯಾಗಿದ್ದರೂ ಅಗತ್ಯವಿದ್ದಷ್ಟು ಖರೀದಿ ಮಾಡುವುದು ಅನಿವಾರ್ಯ. ಕನಿಷ್ಠ ಉಳ್ಳಾಗಡ್ಡಿ ಟೊಮೆಟೊ ಆದರೂ ಬೇಕೇ ಬೇಕು ರಾಧಿಕಾ ಎಂ. ಗೃಹಿಣಿ ಕೊಪ್ಪಳ . ಬೆಲೆ ಕಡಿಮೆಯಿದ್ದಾಗ ಒಂದು ಕೆ.ಜಿ.ಯಷ್ಟು ಖರೀದಿ ಮಾಡುತ್ತಿದ್ದ ಟೊಮೆಟೊ ಹಸಿಮೆಣಸಿನಕಾಯಿ ಈಗ ಪಾವ್ ಕೆ.ಜಿ.ಯಷ್ಟು ಮಾತ್ರ ಖರೀದಿ ಮಾಡುತ್ತಿದ್ದೇನೆ ನಾಗರಾಜ ನಾಯಕ ಕೊಪ್ಪಳ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿತ್ಯ ಏರುತ್ತಲೇ ಇದೆ ತರಕಾರಿಗಳ ಬೆಲೆ: ಗ್ರಾಹಕರಿಗೆ ಹೊರೆ, ವ್ಯಾಪಾರಿಗಳಿಗೂ ಬರೆ

ಚಿನಕುರುಳಿ | ಮಂಗಳವಾರ, 22 ಅಕ್ಟೋಬರ್ 2024

ಚುರುಮುರಿ | ಕುಸಿತದ್ದೇ ಕಥೆ

ದಿನ ಭವಿಷ್ಯ: ಮನಸ್ಸು ಉಲ್ಲಾಸಿತವಾಗಿರುವುದು

ಚನ್ನ‍ಪಟ್ಟಣ ಉಪಚುನಾವಣೆ | ಜೆಡಿಎಸ್‌–ಯೋಗೇಶ್ವರ್‌ ಕಿತ್ತಾಟ

ರಣಜಿ | ಫಿಟ್‌ನೆಸ್ ಕೊರತೆ, ಅಶಿಸ್ತು: ಮುಂಬೈ ತಂಡದಿಂದ ಪೃಥ್ವಿ ಶಾಗೆ ಕೊಕ್

BAN vs SA ಮೊದಲ ಟೆಸ್ಟ್: ಸೋಲು ತಪ್ಪಿಸಲು ಬಾಂಗ್ಲಾ ಹೋರಾಟ

26ರ ಕಾಮನ್‌ವೆಲ್ತ್ ಗೇಮ್ಸ್: ಬ್ಯಾಡ್ಮಿಂಟನ್, ಶೂಟಿಂಗ್, ಹಾಕಿ, ಕ್ರಿಕೆಟ್‌ಗೆ ಕೊಕ್

ಭಾರತ ವಿರುದ್ಧದ 2ನೇ ಟೆಸ್ಟ್‌ಗೂ ನ್ಯೂಜಿಲೆಂಡ್ ಬ್ಯಾಟರ್ ಕೇನ್ ವಿಲಿಯಮ್ಸನ್ ಅಲಭ್ಯ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಒಳನೋಟ: ಕೆಲಸದ ಹೊರೆ; ಬದುಕಿಗೆ ಬರೆ

ಚಿನಕುರುಳಿ | ಮಂಗಳವಾರ, 22 ಅಕ್ಟೋಬರ್ 2024

ಚುರುಮುರಿ | ಕುಸಿತದ್ದೇ ಕಥೆ

ದಿನ ಭವಿಷ್ಯ: ಮನಸ್ಸು ಉಲ್ಲಾಸಿತವಾಗಿರುವುದು

ಚನ್ನ‍ಪಟ್ಟಣ ಉಪಚುನಾವಣೆ | ಜೆಡಿಎಸ್‌–ಯೋಗೇಶ್ವರ್‌ ಕಿತ್ತಾಟ