ಬಟ್ಟೆ ಹೊಲಿದು ಕುಟುಂಬ ಸಾಕುತ್ತಿದ್ದ ತಾಯಿಯ ಭಾರ ಕಡಿಮೆ ಮಾಡಲು ಉನ್ನತವ್ಯಾಸಂಗ ಮಾಡಿ ಉದ್ಯೋಗ ಪಡೆಯುವ ಏಕಮೇಯ ಕಾರಣಕ್ಕೆ ಕಷ್ಟಪಟ್ಟು ಓದಿ ತಾಯಿಯ ಆರೈಕೆಯ ಜೊತೆ ತಮ್ಮನನ್ನೂ ಎಂಜಿನಿಯರಿಂಗ್ ಪದವಿ ಮಾಡಿಸಿದ ಉಷಾ, ಎಲ್ಲರಿಗೂ ಸ್ಫೂರ್ತಿಯಾಗಿದ್ದಾರೆ. ಬದುಕಲೇ ಬೇಕೆಂಬ ಛಲ, ನಿರ್ದಿಷ್ಟ ಗುರಿ ಇದ್ದರೆ ಯಶಸ್ಸು ಖಂಡಿತ ಎಂದು ಹೇಳುವ ಅವರು ‘ತಂದೆಯ ಆದರ್ಶ, ತಾಯಿಯ ಪ್ರೀತಿ ನನ್ನನ್ನು ಈ ಮಟ್ಟಕ್ಕೆ ತಂದಿದೆ’ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಾರೆ. ಇಬ್ಬರು ಯುವತಿಯರ ತಾಯಂದಿರು ಕಷ್ಟಪಟ್ಟು ಮಕ್ಕಳನ್ನು ಓದಿಸಿದ ಕಾರಣಕ್ಕೆ ಇಂದು ಯುವತಿಯರು ಉದ್ಯೋಗ ಮಾಡುತ್ತ ಕುಟುಂಬ ನಿರ್ವಹಣೆಗೆ ಮುಂದಾಗಿದ್ದಾರೆ.