ಆಲಗೂಡು ಗ್ರಾಮದ ಸಾರ್ವಜನಿಕ ರಸ್ತೆಯ ಪಕ್ಕದಲ್ಲಿ ₹5 ಲಕ್ಷಕ್ಕೂ ಹೆಚ್ಚು ವೆಚ್ಚದಲ್ಲಿ ಈ ನೀರಿನ ಘಟಕವನ್ನು ಸ್ಥಾಪಿಸಲಾಗಿದೆ. ಅಗತ್ಯ ಯಂತ್ರೋಪಕರಣಗಳ ಜೋಡಣೆ ಕೆಲಸವೂ ಮುಗಿದಿದೆ. ಆದರೂ ಇದು ಜನರ ಸೇವೆಗೆ ಲಭ್ಯವಾಗಿಲ್ಲ. ಜನರು ಇದರಿಂದ ಒಂದು ಬಿಂದಿಗೆ ನೀರನ್ನೂ ಪಡೆದಿಲ್ಲ. ಬಹಳ ದಿನಗಳಿಂದ ಬಳಕೆ ಆಗದ ಕಾರಣ ಯಂತ್ರಗಳು ತುಕ್ಕು ಹಿಡಿಯುತ್ತಿವೆ. ಗಾಜುಗಳು ಕೂಡ ಒಡೆದಿವೆ. ಈ ಘಟಕದ ಒಳಗೆ ಜೂಜಾಟ, ಮದ್ಯ ಸೇವನೆಯಂತಹ ಅನೈತಿಕ ಚಟುವಟಿಕೆಗಳು ನಡೆಯುತ್ತಿವೆ.