ಆಟೋ ಚಾಲಕರ ಸೇವೆ ಅಪಾರ: ಎಂ.ಎಸ್.ಮಹದೇವ್

ಪಟ್ಟಣದ ತಾಲ್ಲೂಕು ಪಂಚಾಯಿತಿ ಮುಂಭಾಗ ಶಂಕರ್ ನಾಗ್ ಆಟೋ ಚಾಲಕರ ಸಂಘದ ಸರ್.ಎಂ.ವಿಶ್ವೇಶ್ವರಯ್ಯ ಆಟೋ ನಿಲ್ದಾಣವನ್ನು ಉದ್ಘಾಟಿಸಿ, ನಟ ದಿ.ಅಂಬರೀಷ್‌ ಅವರ ಜನ್ಮದಿನಾಚರಣೆಯಲ್ಲಿ ಭಾಗಿಯಾಗಿ ಅವರು ಮಾತನಾಡಿದರು.

ಪ್ರಾಮಾಣಿಕ ಸೇವಾ ಮನೋಭಾವದಿಂದ ಕೆಲಸ ಮಾಡುವ ಪ್ರತಿಯೊಬ್ಬರ ಜೀವನ ಸುಂದರವಾಗಿರುತ್ತದೆ. ಆಟೋ ನಿಲ್ದಾಣದ ನಿರ್ಮಾಣಕ್ಕೆ ಜಾಗ ನೀಡಲಾಗಿದೆ.  ಅವರ ಸೇವೆಗೆ ಬೆಲೆ ಕಟ್ಟಲು ಆಗುವುದಿಲ್ಲ ಎಂದು ಹೇಳಿದರು.

ಮುಖಂಡ ಪೊತ್ತಂಡೆ ನಾಗರಾಜು ಮಾತನಾಡಿ, ಈ ಆಟೋ ನಿಲ್ದಾಣವನ್ನು ಪುರಸಭೆಯಲ್ಲಿ ಅನುಮೋದಿಸುವ ನಿಟ್ಟಿನಲ್ಲಿ  ಸದಸ್ಯರೊಂದಿಗೆ ಮಾತುಕತೆ ನಡೆಸಲಾಗುವುದು.  ದಿ.ಅಂಬರೀಶ್ ಅವರು ಜನಮನದಲ್ಲಿ ಅಮರ ಎಂದು ಬಣ್ಣಿಸಿದರು.

ಪುರಸಭೆ ಸದಸ್ಯರಾದ ಪುಟ್ಟಸ್ವಾಮಿ, ಎಂ.ಎನ್.ಕೃಷ್ಣ, ಮುಖಂಡ ಅಂಕನಾಥ್, ಆಟೋ ಚಾಲಕರ ಸಂಘದ ಪದಾಧಿಕಾರಿಗಳು ಇದ್ದರು.