<p>ಮಂಡ್ಯ: ನಗರಸಭೆಗೆ ಹೊಂದಿಕೊಂಡಂತಿರುವ, ಮಹಾವೀರ ವೃತ್ತದಲ್ಲಿ ಸಮರ್ಪಕ ಒಳಚರಂಡಿ ವ್ಯವಸ್ಥೆಯಿಲ್ಲದೆ ಇರುವುದರಿಂದ ಮಳೆ ಬಿದ್ದಾಗ ಇಲ್ಲಿನ ಸ್ಥಳ ಜಲಾವೃತ್ತವಾಗಿ ಈಜುಕೊಳದಂತೆ ಬದಲಾಗುತ್ತದೆ.<br /> <br /> ಇದು, ಇತ್ತೀಚಿನ ಸಮಸ್ಯೆಯಲ್ಲ. ಬಹಳಷ್ಟು ವರ್ಷಗಳಿಂದ ಪರಿಹಾರ ಕಾಣದೇ ಉಳಿದಿರುವ ಹಳೆಯ ಸಮಸ್ಯೆ. ಮಳೆ ಬಿದ್ದರೆ, ಇಲ್ಲಿನ ರಸ್ತೆ ನೀರಿನಲ್ಲಿ ಮುಳುಗುತ್ತದೆ. ನೀರಿನ ರಭಸ ಹೆಚ್ಚಾದರೆ, ಅಂಗಡಿಗಳಿಗೂ ನುಗ್ಗುತ್ತದೆ.<br /> <br /> ಮಳೆ ನೀರು ಸುಲಭವಾಗಿ ಹರಿದುಹೋಗಲು ಸೂಕ್ತ ವ್ಯವಸ್ಥೆ ಇಲ್ಲದೇ ಇರುವುದರಿಂದ ಈ ಭಾಗದ ಸುಮಾರು 100 ಮೀ. ವರೆಗಿನ ರಸ್ತೆ ನೀರಿನಲ್ಲಿ ಮುಳುಗುತ್ತದೆ. ರಸ್ತೆಯ ಮೇಲೆ ಸುಮಾರು ಮೂರ್ನಾಲ್ಕು ಅಡಿಗಳವರೆಗೆ ನೀರು ನಿಲ್ಲುತ್ತದೆ. ಪರಿಣಾಮ, ಸಂಚಾರದಲ್ಲಿ ವ್ಯತ್ಯಯ. ವ್ಯಾಪಾರಸ್ಥರಲ್ಲಿ ನಡುಕವೂ ಶುರುವಾಗುತ್ತದೆ.<br /> <br /> ವಿಶ್ವೇಶ್ವರಯ್ಯ ರಸ್ತೆ ಮೂಲಕ ಮೈಸೂರು– ಬೆಂಗಳೂರು ಹೆದ್ದಾರಿಗೆ ಸಂಪರ್ಕ ಕಲ್ಪಿಸುವ ಮಹಾವೀರ ವೃತ್ತದಲ್ಲಿ ಸಾಮಾನ್ಯವಾಗಿ ಸಂಚಾರದ ಒತ್ತಡ ಹೆಚ್ಚಿರುತ್ತದೆ. ವಾಹನಗಳು ನೀರಿನಲ್ಲಿ ಮುಳುಗುವುದರಿಂದ ವಾಹನ ಸವಾರರು, ಸುತ್ತಿಬಳಸಿ ಹೋಗಬೇಕಿರುವುದು ಅನಿವಾರ್ಯವಾಗಿದೆ.<br /> <br /> ರಸ್ತೆಯ ಮಟ್ಟಕ್ಕಿಂತಲೂ ಚರಂಡಿ ಮಟ್ಟ ಸ್ವಲ್ಪ ಮೇಲಿರುವುದರಿಂದ ಮಳೆಯ ನೀರು ಸುಲಭವಾಗಿ ಮುಂದೆ ಹರಿದುಹೋಗುತ್ತಿಲ್ಲ. ಜೊತೆಗೆ, ಚರಂಡಿಯಲ್ಲಿ ತುಂಬಿರುವ ತ್ಯಾಜ್ಯವನ್ನು ತೆರವು ಮಾಡದಿರುವುದರಿಂದ ಮಳೆ ನೀರು ಒಂದೆಡೆಯೇ ಸಂಗ್ರಹವಾಗುತ್ತಿದೆ.<br /> <br /> ಮಳೆ ಬಿದ್ದರೆ, ಅಂಚೆ ಕಚೇರಿ ಮುಂದಿನ ಚರಂಡಿ ಉಕ್ಕಿಹರಿಯುತ್ತದೆ. ಈ ಕೊಳಚೆ ನೀರೂ, ರಸ್ತೆಗೆ ಇಳಿಯುತ್ತದೆ. ಸುತ್ತಲು ಕೆಟ್ಟವಾಸನೆ ಹರಡುತ್ತದೆ. ನಿಂತುಕೊಳ್ಳಲು ಆಗದ ಸ್ಥಿತಿ ನಿರ್ಮಾಣವಾಗುತ್ತದೆ.<br /> <br /> ಇಲ್ಲಿನ ಪರಿಸ್ಥಿತಿ ಕುರಿತು ವ್ಯಾಪಾರಸ್ಥರನ್ನು ಪ್ರಶ್ನಿಸಿದರೇ, ನಗರಸಭೆ ಆಡಳಿತ, ಸದಸ್ಯರ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತಪಡಿಸುತ್ತಾರೆ. ಅಧಿಕಾರಿಗಳು ಮತ್ತು ಸದಸ್ಯರ ಕಣ್ಣುಗಳು ಕರುಡಾಗಿದೆ ಎಂದು ಕಿಡಿಕಾರುತ್ತಾರೆ.<br /> <br /> ‘ನಗರಸಭೆಗೆ ಹೊಂದಿಕೊಂಡಿರೇ ಸ್ಥಳದಲ್ಲಿನ ಸಮಸ್ಯೆ ಬಗೆಹರಿಸಲಾಗದವರು ಇನ್ನೂ ನಗರದಲ್ಲಿನ ಸಮಸ್ಯೆಗಳಿಗೆ ಹೇಗೆ ಪರಿಹಾರ ಹುಡುಕುತ್ತಾರೆ. ಎಲ್ಲದ್ರೂ ಹೆಚ್ಚಿನ ಹಣ ಬರೋದಾದ್ರೇ ಹೇಳಿ, ಕಾಮಗಾರಿ ಮಾಡಿಸ್ತಾರೆ. ಇಲ್ಲೇಕೆ ಮಾಡಿಸ್ತಾರೆ ಸಾರ್. ಈ ಸಮಸ್ಯೆಯನ್ನು ನಗರಸಭೆ ಗಮನಕ್ಕೆ ತಂದು ನಮ್ಗೂ ಸಾಕಾಗಿದೆ’ ಎಂದು ಮಂಜುನಾಥ್, ರವಿ, ಮನುಕುಮಾರ್ ತೀವ್ರ ಅಸಮಾಧಾನ ವ್ಯಕ್ತಪಡಿಸುತ್ತಾರೆ.<br /> <br /> ಆಕಾಶದಲ್ಲಿ ಕಪ್ಪು ಮೋಡ ಕಟ್ಟಿದರೆ, ಇಲ್ಲಿನ ವ್ಯಾಪಾರಸ್ಥರ ಮನದಲ್ಲಿ ಆತಂಕದ ಕಾರ್ಮೋಡ ಕಟ್ಟುತ್ತದೆ. ಈಗ ಮಳೆಗಾಲ, ಮಳೆ ಸುರಿಯುವುದು ಸಾಮಾನ್ಯ. ಆತಂಕದ ಕಾರ್ಮೋಡವನ್ನು ತಿಳಿಗೊಳಿಸುವ ಕೆಲಸ ನಗರಸಭೆಯಿಂದ ಜರೂರಾಗಿ ಆಗಬೇಕು ಎನ್ನುವುದು ನಾಗರಿಕ ಒತ್ತಾಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮಂಡ್ಯ: ನಗರಸಭೆಗೆ ಹೊಂದಿಕೊಂಡಂತಿರುವ, ಮಹಾವೀರ ವೃತ್ತದಲ್ಲಿ ಸಮರ್ಪಕ ಒಳಚರಂಡಿ ವ್ಯವಸ್ಥೆಯಿಲ್ಲದೆ ಇರುವುದರಿಂದ ಮಳೆ ಬಿದ್ದಾಗ ಇಲ್ಲಿನ ಸ್ಥಳ ಜಲಾವೃತ್ತವಾಗಿ ಈಜುಕೊಳದಂತೆ ಬದಲಾಗುತ್ತದೆ.<br /> <br /> ಇದು, ಇತ್ತೀಚಿನ ಸಮಸ್ಯೆಯಲ್ಲ. ಬಹಳಷ್ಟು ವರ್ಷಗಳಿಂದ ಪರಿಹಾರ ಕಾಣದೇ ಉಳಿದಿರುವ ಹಳೆಯ ಸಮಸ್ಯೆ. ಮಳೆ ಬಿದ್ದರೆ, ಇಲ್ಲಿನ ರಸ್ತೆ ನೀರಿನಲ್ಲಿ ಮುಳುಗುತ್ತದೆ. ನೀರಿನ ರಭಸ ಹೆಚ್ಚಾದರೆ, ಅಂಗಡಿಗಳಿಗೂ ನುಗ್ಗುತ್ತದೆ.<br /> <br /> ಮಳೆ ನೀರು ಸುಲಭವಾಗಿ ಹರಿದುಹೋಗಲು ಸೂಕ್ತ ವ್ಯವಸ್ಥೆ ಇಲ್ಲದೇ ಇರುವುದರಿಂದ ಈ ಭಾಗದ ಸುಮಾರು 100 ಮೀ. ವರೆಗಿನ ರಸ್ತೆ ನೀರಿನಲ್ಲಿ ಮುಳುಗುತ್ತದೆ. ರಸ್ತೆಯ ಮೇಲೆ ಸುಮಾರು ಮೂರ್ನಾಲ್ಕು ಅಡಿಗಳವರೆಗೆ ನೀರು ನಿಲ್ಲುತ್ತದೆ. ಪರಿಣಾಮ, ಸಂಚಾರದಲ್ಲಿ ವ್ಯತ್ಯಯ. ವ್ಯಾಪಾರಸ್ಥರಲ್ಲಿ ನಡುಕವೂ ಶುರುವಾಗುತ್ತದೆ.<br /> <br /> ವಿಶ್ವೇಶ್ವರಯ್ಯ ರಸ್ತೆ ಮೂಲಕ ಮೈಸೂರು– ಬೆಂಗಳೂರು ಹೆದ್ದಾರಿಗೆ ಸಂಪರ್ಕ ಕಲ್ಪಿಸುವ ಮಹಾವೀರ ವೃತ್ತದಲ್ಲಿ ಸಾಮಾನ್ಯವಾಗಿ ಸಂಚಾರದ ಒತ್ತಡ ಹೆಚ್ಚಿರುತ್ತದೆ. ವಾಹನಗಳು ನೀರಿನಲ್ಲಿ ಮುಳುಗುವುದರಿಂದ ವಾಹನ ಸವಾರರು, ಸುತ್ತಿಬಳಸಿ ಹೋಗಬೇಕಿರುವುದು ಅನಿವಾರ್ಯವಾಗಿದೆ.<br /> <br /> ರಸ್ತೆಯ ಮಟ್ಟಕ್ಕಿಂತಲೂ ಚರಂಡಿ ಮಟ್ಟ ಸ್ವಲ್ಪ ಮೇಲಿರುವುದರಿಂದ ಮಳೆಯ ನೀರು ಸುಲಭವಾಗಿ ಮುಂದೆ ಹರಿದುಹೋಗುತ್ತಿಲ್ಲ. ಜೊತೆಗೆ, ಚರಂಡಿಯಲ್ಲಿ ತುಂಬಿರುವ ತ್ಯಾಜ್ಯವನ್ನು ತೆರವು ಮಾಡದಿರುವುದರಿಂದ ಮಳೆ ನೀರು ಒಂದೆಡೆಯೇ ಸಂಗ್ರಹವಾಗುತ್ತಿದೆ.<br /> <br /> ಮಳೆ ಬಿದ್ದರೆ, ಅಂಚೆ ಕಚೇರಿ ಮುಂದಿನ ಚರಂಡಿ ಉಕ್ಕಿಹರಿಯುತ್ತದೆ. ಈ ಕೊಳಚೆ ನೀರೂ, ರಸ್ತೆಗೆ ಇಳಿಯುತ್ತದೆ. ಸುತ್ತಲು ಕೆಟ್ಟವಾಸನೆ ಹರಡುತ್ತದೆ. ನಿಂತುಕೊಳ್ಳಲು ಆಗದ ಸ್ಥಿತಿ ನಿರ್ಮಾಣವಾಗುತ್ತದೆ.<br /> <br /> ಇಲ್ಲಿನ ಪರಿಸ್ಥಿತಿ ಕುರಿತು ವ್ಯಾಪಾರಸ್ಥರನ್ನು ಪ್ರಶ್ನಿಸಿದರೇ, ನಗರಸಭೆ ಆಡಳಿತ, ಸದಸ್ಯರ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತಪಡಿಸುತ್ತಾರೆ. ಅಧಿಕಾರಿಗಳು ಮತ್ತು ಸದಸ್ಯರ ಕಣ್ಣುಗಳು ಕರುಡಾಗಿದೆ ಎಂದು ಕಿಡಿಕಾರುತ್ತಾರೆ.<br /> <br /> ‘ನಗರಸಭೆಗೆ ಹೊಂದಿಕೊಂಡಿರೇ ಸ್ಥಳದಲ್ಲಿನ ಸಮಸ್ಯೆ ಬಗೆಹರಿಸಲಾಗದವರು ಇನ್ನೂ ನಗರದಲ್ಲಿನ ಸಮಸ್ಯೆಗಳಿಗೆ ಹೇಗೆ ಪರಿಹಾರ ಹುಡುಕುತ್ತಾರೆ. ಎಲ್ಲದ್ರೂ ಹೆಚ್ಚಿನ ಹಣ ಬರೋದಾದ್ರೇ ಹೇಳಿ, ಕಾಮಗಾರಿ ಮಾಡಿಸ್ತಾರೆ. ಇಲ್ಲೇಕೆ ಮಾಡಿಸ್ತಾರೆ ಸಾರ್. ಈ ಸಮಸ್ಯೆಯನ್ನು ನಗರಸಭೆ ಗಮನಕ್ಕೆ ತಂದು ನಮ್ಗೂ ಸಾಕಾಗಿದೆ’ ಎಂದು ಮಂಜುನಾಥ್, ರವಿ, ಮನುಕುಮಾರ್ ತೀವ್ರ ಅಸಮಾಧಾನ ವ್ಯಕ್ತಪಡಿಸುತ್ತಾರೆ.<br /> <br /> ಆಕಾಶದಲ್ಲಿ ಕಪ್ಪು ಮೋಡ ಕಟ್ಟಿದರೆ, ಇಲ್ಲಿನ ವ್ಯಾಪಾರಸ್ಥರ ಮನದಲ್ಲಿ ಆತಂಕದ ಕಾರ್ಮೋಡ ಕಟ್ಟುತ್ತದೆ. ಈಗ ಮಳೆಗಾಲ, ಮಳೆ ಸುರಿಯುವುದು ಸಾಮಾನ್ಯ. ಆತಂಕದ ಕಾರ್ಮೋಡವನ್ನು ತಿಳಿಗೊಳಿಸುವ ಕೆಲಸ ನಗರಸಭೆಯಿಂದ ಜರೂರಾಗಿ ಆಗಬೇಕು ಎನ್ನುವುದು ನಾಗರಿಕ ಒತ್ತಾಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
