ಶುಕ್ರವಾರ, ಏಪ್ರಿಲ್ 10, 2020
19 °C
ದಸರೆ: ವಿಂಟೇಜ್ ಕಾರುಗಳ ಆಕರ್ಷಣೆ

ಮೈಸೂರು: ನಾಳೆಯಿಂದ ಗಾಳಿ‍ಪಟ ಉತ್ಸವ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Deccan Herald

ಮೈಸೂರು: ನಾಡಹಬ್ಬ ದಸರಾ ಅಂಗವಾಗಿ ಲಲಿತಮಹಲ್‌ ಹೆಲಿಪ್ಯಾಡ್ ಮೈದಾನದಲ್ಲಿ ಸೆ. 29, 30ರಂದು ಗಾಳಿಪಟ ಉತ್ಸವವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಜಿಲ್ಲಾಧಿಕಾರಿ ಅಭಿರಾಮ್‌ ಜಿ.ಶಂಕರ್‌ ತಿಳಿಸಿದರು.

ದಸರೆಗೆ ಮುಂಚೆಯೇ ನಡೆಯುವ ಈ ಕಾರ್ಯಕ್ರಮದಲ್ಲಿ ದೇಶದ ವಿವಿಧ ಭಾಗಗಳಿಂದ ಗಾಳಿಪಟ ತಜ್ಞರು ಹಾಗೂ ತಂಡಗಳು ಭಾಗವಹಿಸುತ್ತಿವೆ. ಮುಂಬೈ, ಅಹಮದಾಬಾದ್, ಸೂರತ್‌, ಹೈದರಾಬಾದ್, ಮಂಗಳೂರು ಸೇರಿದಂತೆ ಹತ್ತಾರು ತಂಡಗಳು ತರಹೇವಾರಿ ಗಾಳಿಪಟಗಳನ್ನು ಹಾರಿಸಲಿವೆ ಎಂದು ಅವರು ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಸೆ. 29ರಂದು ಸಂಜೆ 4ಕ್ಕೆ ಈ ಕಾರ್ಯಕ್ರಮ ಆರಂಭಿಸಲಿದ್ದು, ಮಂಗಳೂರಿನ ಹವ್ಯಾಸಿ ಗಾಳಿಪಟ ತಂಡವು ಸುಮಾರು 25ಕ್ಕೂ ಹೆಚ್ಚು ವಿಧಗಳ ಗಾಳಿಪಟಗಳನ್ನು ಹಾರಿಸಲಿದೆ. 36 ಅಡಿ ಅಗಲ, 10 ಅಡಿ ಎತ್ತರದ ಈ ಗಾಳಿಪಟವು ಕಥಕಳಿ ಶೈಲಿಯಲ್ಲಿದೆ. ಇದೇ ಗಾಳಿಪಟವು ಲಿಮ್ಕಾ ದಾಖಲೆಯನ್ನೂ ಮಾಡಿದೆ ಎಂದು ಮಾಹಿತಿ ನೀಡಿದರು.

ಗಾಳಿಪಟ ಉತ್ಸವವನ್ನು ಹಮ್ಮಿಕೊಳ್ಳುವ ಮುನ್ನ ಕರ್ನಾಟಕ ರಾಜ್ಯ ನೈಸರ್ಗಿಕ ವಿಪತ್ತು ನಿರ್ವಹಣೆ ಕೇಂದ್ರ (ಕೆಎಸ್‌ಎನ್‌ಎಂಸಿ) ದಿಂದ ಸಲಹೆ ಪಡೆಯಲಾಗಿದೆ. ಅಕ್ಟೋಬರ್‌ ಕೊನೆಯವರೆಗೂ ಒಳ್ಳೆಯ ಗಾಳಿ ಬೀಸುವ ಮುನ್ಸೂಚನೆ ಸಿಕ್ಕಿದ್ದು, ಗಾಳಿಪಟಗಳು ಚನ್ನಾಗಿ ಹಾರುತ್ತವೆ. ಹಾಗಾಗಿ, ಇದು ಕೇವಲ ಪ್ರದರ್ಶನಕ್ಕಾಗಿನ ಉತ್ಸವವಲ್ಲ ಎಂದರು.

ಮಂಗಳೂರಿನ ಹವ್ಯಾಸಿ ಗಾಳಿಪಟ ತಂಡದ ಮುಖ್ಯಸ್ಥ ಸರ್ವೇಶ್ ರಾವ್ ಮಾತನಾಡಿ, ಇದೇ ಉತ್ಸವದಲ್ಲಿ ಮಕ್ಕಳಿಗಾಗಿ ಗಾಳಿ‍ಪಟ ತಯಾರಿಕಾ ಕಾರ್ಯಾಗಾರವೂ ನಡೆಯಲಿದೆ. ಚೌಕಾಕಾರದ ಗಾಳಿಪಟಗಳ ತಯಾರಿ, ಸೂತ್ರ ಕಟ್ಟುವುದು ಸೇರಿದಂತೆ ಮೂಲಭೂತ ವಿಚಾರಗಳನ್ನು ಕಲಿಸಲಾಗುವುದು ಎಂದು ತಿಳಿಸಿದರು.

ರಾತ್ರಿಯೂ ಪ್ರದರ್ಶನ:

ಈ ಬಾರಿ ರಾತ್ರಿ ವೇಳೆಯೂ ಪ್ರದರ್ಶನ ನಡೆಯಲಿದೆ. ಇದಕ್ಕಾಗಿ ಗಾಳಿಪಟಗಳಲ್ಲಿ ಎಲ್‌ಇಡಿ ದೀಪಗಳ ಬಳಕೆ ಇರಲಿದೆ. ಜತೆಗೆ, ಫೋಕಸ್‌ ದೀಪಗಳನ್ನೂ ಬಳಸಿಕೊಳ್ಳಲಾಗುತ್ತಿದೆ. ಈ ಉತ್ಸವದಲ್ಲಿ ಭಾಗಿಯಾಗಲು ನಗರದ ಶಾಲಾ, ಕಾಲೇಜುಗಳಿಗೆ ಕೋರಲಾಗಿದೆ ಎಂದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು