ನಾಯಿ ಕಚ್ಚಿದರೆ ಚುಚ್ಚುಮದ್ದು ಎಲ್ಲಿ?

ಬುಧವಾರ, ಜೂನ್ 26, 2019
22 °C

ನಾಯಿ ಕಚ್ಚಿದರೆ ಚುಚ್ಚುಮದ್ದು ಎಲ್ಲಿ?

Published:
Updated:
Prajavani

ಮೈಸೂರು: ಒಂದು ವೇಳೆ ನಾಯಿ ಕಚ್ಚಿದರೆ ನಿರ್ಲಕ್ಷಿಸದೇ ಕಡ್ಡಾಯವಾಗಿ ರೇಬಿಸ್ ರೋಗ ನಿರೋಧಕ ಚುಚ್ಚುಮದ್ದನ್ನು ತೆಗೆದುಕೊಳ್ಳಲೇಬೇಕು. ಕಚ್ಚಿದ ನಾಯಿಗೆ ರೇಬಿಸ್ ಸೋಂಕಿದ್ದರೆ ರೇಬಿಸ್ ರೋಗ ಬರುವುದು ಖಚಿತ.

ಒಮ್ಮೆ ರೇಬಿಸ್ ರೋಗ ಬಂದಿತೆಂದರೆ ಬದುಕುಳಿಯುವುದು ಸಾಧ್ಯವೇ ಇಲ್ಲ. ಇದುವರೆಗೆ ಪ್ರಪಂಚದಲ್ಲಿ ಕೇವಲ ಇಬ್ಬರಷ್ಟೇ ಬದುಕುಳಿದಿದ್ದಾರೆ. ಸೋಂಕು ತಗುಲಿದ ಹತ್ತೇ ದಿನಗಳಲ್ಲಿ ರೇಬಿಸ್ ಕಾಯಿಲೆ ಬರುತ್ತದೆ.

ಬೀದಿ ನಾಯಿ ಕಚ್ಚಿದ ತಕ್ಷಣ ಡಿಟರ್ಜೆಂಟ್ ಸೋಪಿನಲ್ಲಿ ಗಾಯವನ್ನು ಚೆನ್ನಾಗಿ ತೊಳೆಯಬೇಕು. ನಂತರ, ಆಸ್ಪತ್ರೆಗೆ ಹೋಗಿ ವೈದ್ಯರು ಹೇಳಿದ ರೀತಿ ಚುಚ್ಚುಮದ್ದನ್ನು ಹಾಕಿಸಲೇಬೇಕು.

ಎರಡು ಬಗೆಯ ಚುಚ್ಚುಮದ್ದು:

ನಾಯಿ ಕಡಿತಕ್ಕೆ ಒಳಗಾದರೆ ಒಟ್ಟು 2 ಬಗೆಯ ಚುಚ್ಚುಮದ್ದುಗಳಿವೆ. ಸಾಕಿದ ನಾಯಿ ಅಥವಾ ಈಗಾಗಲೇ ರೇಬಿಸ್ ನಿರೋಧಕ ಲಸಿಕೆ ಹಾಕಿಸಿಕೊಂಡ ನಾಯಿಗಳು ಕಾಲಿಗೆ ಕಚ್ಚಿದರೆ ‘ಆ್ಯಂಟಿ ರೇಬಿಸ್ ವ್ಯಾಕ್ಸಿನ್’ ಸಾಕು ಎಂದು ವೈದ್ಯರು ಹೇಳುತ್ತಾರೆ. ಆದರೆ, ಸಾಕಿರದ ಯಾವುದೇ ನಾಯಿ ಕಚ್ಚಿದರೆ, ಕುತ್ತಿಗೆ, ಮುಖ, ತೋಳು, ಕೈ ಹೀಗೆ ಮಿದುಳಿಗೆ ಹತ್ತಿರ ಇರುವ ಜಾಗಗಳಿಗೆ ಕಚ್ಚಿದರೆ ‘ಹಿಮೊನೊಗ್ಲೋಬಿನ್’ ಚುಚ್ಚುಮದ್ದೇ ಬೇಕು ಎಂದು ಸಲಹೆ ನೀಡುತ್ತಾರೆ.

‘ಕೆ.ಆರ್.ಆಸ್ಪತ್ರೆಯಲ್ಲಿ ಈ ಬಗೆಯ ಚುಚ್ಚುಮದ್ದು ಖಾಲಿಯಾಗಿದೆ. ಕೆಆರ್‌ಎಸ್‌ ರಸ್ತೆಯಲ್ಲಿ ಸಾಂಕ್ರಾಮಿಕ ರೋಗಗಳ ಆಸ್ಪತ್ರೆ (ಇ.ಡಿ ಆಸ್ಪತ್ರೆ)ಯಲ್ಲಿ ಚುಚ್ಚುಮದ್ದು ಲಭ್ಯವಿದೆ. ಬಿಪಿಎಲ್ ಪಡಿತರ ಚೀಟಿ ಇದ್ದರೆ ಉಚಿತ, ಎಪಿಎಲ್ ಪಡಿತರ ಚೀಟಿ ಇದ್ದರೆ ₹ 100ನ್ನು ನೀಡಬೇಕಾಗುತ್ತದೆ’ ಎಂದು ಕೆ.ಆರ್.ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕ ಡಾ.ರಾಜೇಶ್ ಹೇಳುತ್ತಾರೆ.

‘₹ 40 ಸಾವಿರದಷ್ಟು ಮೌಲ್ಯದ ಚುಚ್ಚುಮದ್ದು ಒಂದು ವಾರದಲ್ಲಿ ಮುಗಿದು ಹೋಗುತ್ತದೆ. ಹೊಸದಾಗಿ ತರಿಸಲು ಕೆ.ಆರ್.ಆಸ್ಪತ್ರೆಯಿಂದ ಟೆಂಡರ್ ಕರೆಯಲಾಗಿದೆ’ ಎಂದು ಅವರು ತಿಳಿಸುತ್ತಾರೆ. ಉಳಿದಂತೆ, ಖಾಸಗಿ ಆಸ್ಪತ್ರೆ ಹಾಗೂ ಕ್ಲಿನಿಕ್‌ಗಳಲ್ಲಿ ಚುಚ್ಚುಮದ್ದುಗಳು ಲಭ್ಯವಿವೆಯಾದರೂ ಅವುಗಳಿಗೆ ಹಣ ತೆರಬೇಕಿದೆ.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !