<p><strong>ಮೈಸೂರು: </strong>ಕೊರೊನಾ ವೈರಸ್ ಸೋಂಕು ತಗುಲಿರುವುದನ್ನು ಪತ್ತೆ ಹಚ್ಚಲಿಕ್ಕಾಗಿ ಆರೋಗ್ಯ ಇಲಾಖೆ ಜಿಲ್ಲೆಯಾದ್ಯಂತ ಉಚಿತವಾಗಿ ನಡೆಸುತ್ತಿದ್ದ ಆರ್ಟಿಪಿಸಿಆರ್ ಪರೀಕ್ಷೆಯನ್ನು ಕಡಿಮೆಗೊಳಿಸಿದೆ.</p>.<p>ಇದು ಕೋವಿಡ್ನ ಲಕ್ಷಣಗಳನ್ನೊಂದಿರುವವರಲ್ಲಿ ಆತಂಕ ಸೃಷ್ಟಿಸಿದೆ. ನಮಗೂ ವೈರಸ್ ತಗುಲಿದೆಯಾ? ಇಲ್ಲವಾ? ಎಂಬುದನ್ನು ಖಚಿತ ಪಡಿಸಿಕೊಳ್ಳಲಿಕ್ಕಾಗಿ, ಇದೀಗ ಹಲವರು ಸ್ವಯಂ ಪ್ರೇರಿತರಾಗಿ ಖಾಸಗಿ ಆಸ್ಪತ್ರೆಗಳ ಪ್ರಯೋಗಾಲಯಕ್ಕೆ ದುಂಬಾಲು ಬೀಳುತ್ತಿದ್ದಾರೆ.</p>.<p>ಕೆಲವು ಖಾಸಗಿ ಆಸ್ಪತ್ರೆಗಳು ಪರಿಸ್ಥಿತಿಯ ಲಾಭ ಮಾಡಿಕೊಳ್ಳಲು ಮುಂದಾಗಿದ್ದು, ಸರ್ಕಾರ ನಿಗದಿಪಡಿಸಿರುವ ತಪಾಸಣೆ ದರಕ್ಕಿಂತ ಹೆಚ್ಚಿಗೆ ಪಡೆಯುತ್ತಿವೆ ಎಂಬ ದೂರು ಜಿಲ್ಲೆಯ ವಿವಿಧೆಡೆಯಿಂದ ಕೇಳಿ ಬರುತ್ತಿದೆ.</p>.<p>ಆರ್ಟಿಪಿಸಿಆರ್ ಪರೀಕ್ಷೆಗೆ ಖಾಸಗಿ ಆಸ್ಪತ್ರೆ, ಪ್ರಯೋಗಾಲಯಗಳಲ್ಲಿ ಒಬ್ಬರಿಗೆ ₹ 800 ಶುಲ್ಕ ಪಡೆಯಬೇಕು ಎಂದು ರಾಜ್ಯ ಸರ್ಕಾರ ಆದೇಶಿಸಿದೆ. ಆದರೆ ಕೆಲವು ಆಸ್ಪತ್ರೆಗಳು ತಪಾಸಣೆಗೊಳಪಡುವವರಿಂದ ₹ 1100, ₹ 1200 ಪಡೆಯುತ್ತಿವೆ. ಇದು ಮಧ್ಯಮ ವರ್ಗದವರು, ಬಡವರ ಪಾಲಿಗೆ ಕೋವಿಡ್ನ ದುರಿತ ಕಾಲದಲ್ಲಿ ನುಂಗಲಾರದ ಬಿಸಿತುಪ್ಪವಾಗಿ ಪರಿಣಮಿಸಿದೆ ಎಂಬ ಆಕ್ರೋಶ ಹಲವರದ್ದು.</p>.<p>‘ಆರ್ಟಿಪಿಸಿಆರ್ ವರದಿ ಬರುವುದು ಕನಿಷ್ಠ ಮೂರು ದಿನಗಳಾಗುತ್ತಿದ್ದು, ತುರ್ತಿದ್ದವರು, ಸೋಂಕಿನ ಲಕ್ಷಣ ಹೆಚ್ಚಿದ್ದವರು ವೈದ್ಯರ ಶಿಫಾರಸಿನ ಮೇರೆಗೆ ಸಿಟಿ ಸ್ಕ್ಯಾನ್ ಮಾಡಿಸುತ್ತಿದ್ದಾರೆ. ಆದರೆ ಇಲ್ಲಿಯೂ ಸರ್ಕಾರ ನಿಗದಿ ಪಡಿಸಿದ ದರ ಪಡೆಯುತ್ತಿಲ್ಲ. ವರದಿಯ ನೆಗೆಟಿವ್ ಪ್ರತಿ ನೀಡಲು ₹ 4000 ಕೇಳುತ್ತಾರೆ. ಕೆಲವರ ಬಳಿ ₹ 7 ಸಾವಿರ ಪಡೆಯುತ್ತಿದ್ದಾರೆ. ನಮ್ಮಪ್ಪ ತಮ್ಮ ಪ್ರಭಾವ ಬಳಸಿದ್ದರಿಂದ ನಮಗೆ ಕಡಿಮೆ ಪಡೆದರು’ ಎಂದು ನಂಜನಗೂಡಿನ ನಿಶಾಂತ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ನನಗೆ ಹಾಗೂ ನನ್ನ ತಂದೆಗೆ ಎರಡ್ಮೂರು ದಿನದಿಂದ ಅನಾರೋಗ್ಯ ಕಾಡುತ್ತಿತ್ತು. ಸ್ಥಳೀಯವಾಗಿಯೇ ಚಿಕಿತ್ಸೆ ಪಡೆದವು. ವೈದ್ಯರ ಶಿಫಾರಸಿನ ಮೇರೆಗೆ ಆರ್ಟಿಪಿಸಿಆರ್ ಪರೀಕ್ಷೆಗಾಗಿ ಹೋದೆವು. ಅಲ್ಲಿ ತಲಾ ಒಬ್ಬರಿಗೆ ₹ 1200 ಶುಲ್ಕ ಕೇಳಿದರು. ಅಪ್ಪ ಪ್ರಶ್ನಿಸಿದ್ದಕ್ಕೆ ಎಲ್ಲರಿಗೂ ₹ 100 ಕಡಿಮೆ ಮಾಡಿದರು. ಕೇಳಿದ್ದಕ್ಕೆ ಸರ್ಕಾರದ ದರ ₹ 800. ಉಳಿದದ್ದು ನಮ್ಮ ಸೇವಾ ಶುಲ್ಕ ಎಂದರು. ಇದ್ಯಾವ ಲೆಕ್ಕ’ ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದರು.</p>.<p>‘ಆರ್ಟಿಪಿಸಿಆರ್ ಪರೀಕ್ಷೆಗೆ ಹಾಗೂ ಸಿಟಿ ಸ್ಕ್ಯಾನಿಂಗ್ಗಾಗಿ ಖಾಸಗಿ ಆಸ್ಪತ್ರೆಗಳಲ್ಲಿ ಹೆಚ್ಚು ದರ ಪಡೆಯುತ್ತಿರುವುದರ ಬಗ್ಗೆ ಜಿಲ್ಲಾ ಆರೋಗ್ಯಾಧಿಕಾರಿಗೆ ದೂರು ನೀಡಲಿಕ್ಕಾಗಿ ಮೊಬೈಲ್ ಕರೆ ಮಾಡಿದರೆ, ಅವರು ಸ್ವೀಕರಿಸಲೇ ಇಲ್ಲ. ಹಿಂಗಾದರೆ ನಮ್ಮ ಸಮಸ್ಯೆಯನ್ನು ಯಾರ ಬಳಿ ಹೇಳಬೇಕು’ ಎಂದು ನಿಶಾಂತ್ ಪ್ರಶ್ನಿಸಿದರು.</p>.<p class="Briefhead"><strong>ಕೋವಿಡ್ ಪರೀಕ್ಷೆಗೆ ಸರ್ಕಾರಿ ಶುಲ್ಕ ₹ 800</strong></p>.<p>‘ಮೈಸೂರು ನಗರದ 14 ಕಡೆ, ಜಿಲ್ಲೆಯ ತಾಲ್ಲೂಕು ಕೇಂದ್ರ ಸೇರಿದಂತೆ ಪ್ರಮುಖ 10 ಸ್ಥಳಗಳಲ್ಲಿ ನಿತ್ಯವೂ ಕೋವಿಡ್ ತಪಾಸಣೆ ನಡೆದಿದೆ. ಈ ಮೊದಲು ದಿನವೂ 10 ಸಾವಿರದ ಆಸುಪಾಸು ತಪಾಸಣೆ ನಡೆಸುತ್ತಿದ್ದೆವು. ಇದೀಗ 3,500 ಜನರನ್ನು ಮಾತ್ರ ತಪಾಸಣೆಗೊಳಪಡಿಸುತ್ತಿದ್ದೇವೆ’ ಎಂದು ಜಿಲ್ಲಾ ಆರೋಗ್ಯ ಇಲಾಖೆಯ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.</p>.<p>‘ಮೈಸೂರು ನಗರದಲ್ಲಿ 1 ಸಾವಿರ ಜನರನ್ನು ತಪಾಸಣೆಗೊಳಪಡಿಸಿದರೆ, ಜಿಲ್ಲೆಯಾದ್ಯಂತ 2.5 ಸಾವಿರ ಜನರನ್ನು ತಪಾಸಣೆಗೊಳಪಡಿಸುತ್ತಿದ್ದೇವೆ. ಪಾಸಿಟಿವ್ ಪ್ರಕರಣ ಹಿಂದಿನಷ್ಟೇ ಬರುತ್ತಿವೆ’ ಎಂದು ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಕೆಲವರು ಅನಗತ್ಯವಾಗಿ ತಪಾಸಣೆಗೊಳಪಡುತ್ತಿದ್ದಾರೆ. ಒಮ್ಮೆ ಪಾಸಿಟಿವ್ ಆದವರು, ನೆಗೆಟಿವ್ಗಾಗಿ ಪರೀಕ್ಷೆಗೊಳಪಡುತ್ತಾರೆ. ಕಚೇರಿಯೊಂದರಲ್ಲಿ ಒಬ್ಬರು ಪಾಸಿಟಿವ್ ಆದರೆ; ಇಡೀ ಕಚೇರಿ ಸಿಬ್ಬಂದಿಯೇ ತಪಾಸಣೆಗೊಳಗಾಗುತ್ತಿದೆ. ಇಂತಹದ್ದಕ್ಕೆ ಕಡಿವಾಣ ಹಾಕಲು ತಪಾಸಣೆಯನ್ನು ಸರ್ಕಾರವೇ ಕಡಿಮೆಗೊಳಿಸಿದೆ’ ಎಂದು ಅವರು ಮಾಹಿತಿ ನೀಡಿದರು.</p>.<p>‘ಖಾಸಗಿ ಆಸ್ಪತ್ರೆಗಳಲ್ಲಿ ಆರ್ಟಿಪಿಸಿಆರ್ ಪರೀಕ್ಷೆಗೆ ₹ 800 ಮಾತ್ರ ಶುಲ್ಕವಾಗಿ ಪಡೆಯಬೇಕು. ಹೆಚ್ಚಿಗೆ ಪಡೆದರೆ ಜಿಲ್ಲಾ ಆರೋಗ್ಯಾಧಿಕಾರಿಗೆ ದೂರು ನೀಡಿ. ಅವರು ಕ್ರಮ ಜರುಗಿಸಲಿದ್ದಾರೆ’ ಎಂದು ಹೆಸರು ಬಹಿರಂಗಪಡಿಸಲಿಚ್ಚಿಸದ ಅಧಿಕಾರಿಯೊಬ್ಬರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು: </strong>ಕೊರೊನಾ ವೈರಸ್ ಸೋಂಕು ತಗುಲಿರುವುದನ್ನು ಪತ್ತೆ ಹಚ್ಚಲಿಕ್ಕಾಗಿ ಆರೋಗ್ಯ ಇಲಾಖೆ ಜಿಲ್ಲೆಯಾದ್ಯಂತ ಉಚಿತವಾಗಿ ನಡೆಸುತ್ತಿದ್ದ ಆರ್ಟಿಪಿಸಿಆರ್ ಪರೀಕ್ಷೆಯನ್ನು ಕಡಿಮೆಗೊಳಿಸಿದೆ.</p>.<p>ಇದು ಕೋವಿಡ್ನ ಲಕ್ಷಣಗಳನ್ನೊಂದಿರುವವರಲ್ಲಿ ಆತಂಕ ಸೃಷ್ಟಿಸಿದೆ. ನಮಗೂ ವೈರಸ್ ತಗುಲಿದೆಯಾ? ಇಲ್ಲವಾ? ಎಂಬುದನ್ನು ಖಚಿತ ಪಡಿಸಿಕೊಳ್ಳಲಿಕ್ಕಾಗಿ, ಇದೀಗ ಹಲವರು ಸ್ವಯಂ ಪ್ರೇರಿತರಾಗಿ ಖಾಸಗಿ ಆಸ್ಪತ್ರೆಗಳ ಪ್ರಯೋಗಾಲಯಕ್ಕೆ ದುಂಬಾಲು ಬೀಳುತ್ತಿದ್ದಾರೆ.</p>.<p>ಕೆಲವು ಖಾಸಗಿ ಆಸ್ಪತ್ರೆಗಳು ಪರಿಸ್ಥಿತಿಯ ಲಾಭ ಮಾಡಿಕೊಳ್ಳಲು ಮುಂದಾಗಿದ್ದು, ಸರ್ಕಾರ ನಿಗದಿಪಡಿಸಿರುವ ತಪಾಸಣೆ ದರಕ್ಕಿಂತ ಹೆಚ್ಚಿಗೆ ಪಡೆಯುತ್ತಿವೆ ಎಂಬ ದೂರು ಜಿಲ್ಲೆಯ ವಿವಿಧೆಡೆಯಿಂದ ಕೇಳಿ ಬರುತ್ತಿದೆ.</p>.<p>ಆರ್ಟಿಪಿಸಿಆರ್ ಪರೀಕ್ಷೆಗೆ ಖಾಸಗಿ ಆಸ್ಪತ್ರೆ, ಪ್ರಯೋಗಾಲಯಗಳಲ್ಲಿ ಒಬ್ಬರಿಗೆ ₹ 800 ಶುಲ್ಕ ಪಡೆಯಬೇಕು ಎಂದು ರಾಜ್ಯ ಸರ್ಕಾರ ಆದೇಶಿಸಿದೆ. ಆದರೆ ಕೆಲವು ಆಸ್ಪತ್ರೆಗಳು ತಪಾಸಣೆಗೊಳಪಡುವವರಿಂದ ₹ 1100, ₹ 1200 ಪಡೆಯುತ್ತಿವೆ. ಇದು ಮಧ್ಯಮ ವರ್ಗದವರು, ಬಡವರ ಪಾಲಿಗೆ ಕೋವಿಡ್ನ ದುರಿತ ಕಾಲದಲ್ಲಿ ನುಂಗಲಾರದ ಬಿಸಿತುಪ್ಪವಾಗಿ ಪರಿಣಮಿಸಿದೆ ಎಂಬ ಆಕ್ರೋಶ ಹಲವರದ್ದು.</p>.<p>‘ಆರ್ಟಿಪಿಸಿಆರ್ ವರದಿ ಬರುವುದು ಕನಿಷ್ಠ ಮೂರು ದಿನಗಳಾಗುತ್ತಿದ್ದು, ತುರ್ತಿದ್ದವರು, ಸೋಂಕಿನ ಲಕ್ಷಣ ಹೆಚ್ಚಿದ್ದವರು ವೈದ್ಯರ ಶಿಫಾರಸಿನ ಮೇರೆಗೆ ಸಿಟಿ ಸ್ಕ್ಯಾನ್ ಮಾಡಿಸುತ್ತಿದ್ದಾರೆ. ಆದರೆ ಇಲ್ಲಿಯೂ ಸರ್ಕಾರ ನಿಗದಿ ಪಡಿಸಿದ ದರ ಪಡೆಯುತ್ತಿಲ್ಲ. ವರದಿಯ ನೆಗೆಟಿವ್ ಪ್ರತಿ ನೀಡಲು ₹ 4000 ಕೇಳುತ್ತಾರೆ. ಕೆಲವರ ಬಳಿ ₹ 7 ಸಾವಿರ ಪಡೆಯುತ್ತಿದ್ದಾರೆ. ನಮ್ಮಪ್ಪ ತಮ್ಮ ಪ್ರಭಾವ ಬಳಸಿದ್ದರಿಂದ ನಮಗೆ ಕಡಿಮೆ ಪಡೆದರು’ ಎಂದು ನಂಜನಗೂಡಿನ ನಿಶಾಂತ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ನನಗೆ ಹಾಗೂ ನನ್ನ ತಂದೆಗೆ ಎರಡ್ಮೂರು ದಿನದಿಂದ ಅನಾರೋಗ್ಯ ಕಾಡುತ್ತಿತ್ತು. ಸ್ಥಳೀಯವಾಗಿಯೇ ಚಿಕಿತ್ಸೆ ಪಡೆದವು. ವೈದ್ಯರ ಶಿಫಾರಸಿನ ಮೇರೆಗೆ ಆರ್ಟಿಪಿಸಿಆರ್ ಪರೀಕ್ಷೆಗಾಗಿ ಹೋದೆವು. ಅಲ್ಲಿ ತಲಾ ಒಬ್ಬರಿಗೆ ₹ 1200 ಶುಲ್ಕ ಕೇಳಿದರು. ಅಪ್ಪ ಪ್ರಶ್ನಿಸಿದ್ದಕ್ಕೆ ಎಲ್ಲರಿಗೂ ₹ 100 ಕಡಿಮೆ ಮಾಡಿದರು. ಕೇಳಿದ್ದಕ್ಕೆ ಸರ್ಕಾರದ ದರ ₹ 800. ಉಳಿದದ್ದು ನಮ್ಮ ಸೇವಾ ಶುಲ್ಕ ಎಂದರು. ಇದ್ಯಾವ ಲೆಕ್ಕ’ ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದರು.</p>.<p>‘ಆರ್ಟಿಪಿಸಿಆರ್ ಪರೀಕ್ಷೆಗೆ ಹಾಗೂ ಸಿಟಿ ಸ್ಕ್ಯಾನಿಂಗ್ಗಾಗಿ ಖಾಸಗಿ ಆಸ್ಪತ್ರೆಗಳಲ್ಲಿ ಹೆಚ್ಚು ದರ ಪಡೆಯುತ್ತಿರುವುದರ ಬಗ್ಗೆ ಜಿಲ್ಲಾ ಆರೋಗ್ಯಾಧಿಕಾರಿಗೆ ದೂರು ನೀಡಲಿಕ್ಕಾಗಿ ಮೊಬೈಲ್ ಕರೆ ಮಾಡಿದರೆ, ಅವರು ಸ್ವೀಕರಿಸಲೇ ಇಲ್ಲ. ಹಿಂಗಾದರೆ ನಮ್ಮ ಸಮಸ್ಯೆಯನ್ನು ಯಾರ ಬಳಿ ಹೇಳಬೇಕು’ ಎಂದು ನಿಶಾಂತ್ ಪ್ರಶ್ನಿಸಿದರು.</p>.<p class="Briefhead"><strong>ಕೋವಿಡ್ ಪರೀಕ್ಷೆಗೆ ಸರ್ಕಾರಿ ಶುಲ್ಕ ₹ 800</strong></p>.<p>‘ಮೈಸೂರು ನಗರದ 14 ಕಡೆ, ಜಿಲ್ಲೆಯ ತಾಲ್ಲೂಕು ಕೇಂದ್ರ ಸೇರಿದಂತೆ ಪ್ರಮುಖ 10 ಸ್ಥಳಗಳಲ್ಲಿ ನಿತ್ಯವೂ ಕೋವಿಡ್ ತಪಾಸಣೆ ನಡೆದಿದೆ. ಈ ಮೊದಲು ದಿನವೂ 10 ಸಾವಿರದ ಆಸುಪಾಸು ತಪಾಸಣೆ ನಡೆಸುತ್ತಿದ್ದೆವು. ಇದೀಗ 3,500 ಜನರನ್ನು ಮಾತ್ರ ತಪಾಸಣೆಗೊಳಪಡಿಸುತ್ತಿದ್ದೇವೆ’ ಎಂದು ಜಿಲ್ಲಾ ಆರೋಗ್ಯ ಇಲಾಖೆಯ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.</p>.<p>‘ಮೈಸೂರು ನಗರದಲ್ಲಿ 1 ಸಾವಿರ ಜನರನ್ನು ತಪಾಸಣೆಗೊಳಪಡಿಸಿದರೆ, ಜಿಲ್ಲೆಯಾದ್ಯಂತ 2.5 ಸಾವಿರ ಜನರನ್ನು ತಪಾಸಣೆಗೊಳಪಡಿಸುತ್ತಿದ್ದೇವೆ. ಪಾಸಿಟಿವ್ ಪ್ರಕರಣ ಹಿಂದಿನಷ್ಟೇ ಬರುತ್ತಿವೆ’ ಎಂದು ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಕೆಲವರು ಅನಗತ್ಯವಾಗಿ ತಪಾಸಣೆಗೊಳಪಡುತ್ತಿದ್ದಾರೆ. ಒಮ್ಮೆ ಪಾಸಿಟಿವ್ ಆದವರು, ನೆಗೆಟಿವ್ಗಾಗಿ ಪರೀಕ್ಷೆಗೊಳಪಡುತ್ತಾರೆ. ಕಚೇರಿಯೊಂದರಲ್ಲಿ ಒಬ್ಬರು ಪಾಸಿಟಿವ್ ಆದರೆ; ಇಡೀ ಕಚೇರಿ ಸಿಬ್ಬಂದಿಯೇ ತಪಾಸಣೆಗೊಳಗಾಗುತ್ತಿದೆ. ಇಂತಹದ್ದಕ್ಕೆ ಕಡಿವಾಣ ಹಾಕಲು ತಪಾಸಣೆಯನ್ನು ಸರ್ಕಾರವೇ ಕಡಿಮೆಗೊಳಿಸಿದೆ’ ಎಂದು ಅವರು ಮಾಹಿತಿ ನೀಡಿದರು.</p>.<p>‘ಖಾಸಗಿ ಆಸ್ಪತ್ರೆಗಳಲ್ಲಿ ಆರ್ಟಿಪಿಸಿಆರ್ ಪರೀಕ್ಷೆಗೆ ₹ 800 ಮಾತ್ರ ಶುಲ್ಕವಾಗಿ ಪಡೆಯಬೇಕು. ಹೆಚ್ಚಿಗೆ ಪಡೆದರೆ ಜಿಲ್ಲಾ ಆರೋಗ್ಯಾಧಿಕಾರಿಗೆ ದೂರು ನೀಡಿ. ಅವರು ಕ್ರಮ ಜರುಗಿಸಲಿದ್ದಾರೆ’ ಎಂದು ಹೆಸರು ಬಹಿರಂಗಪಡಿಸಲಿಚ್ಚಿಸದ ಅಧಿಕಾರಿಯೊಬ್ಬರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
