ಕೆ.ಆರ್.ನಗರ | ರೈಲು ನಿಲ್ದಾಣ: ಲಿಫ್ಟ್, ಪಾರ್ಕಿಂಗ್ ಸಮಸ್ಯೆ

‘ಈ ಹಿಂದೆ ಇಲ್ಲಿ ಪಾರ್ಕಿಂಗ್ ವ್ಯವಸ್ಥೆ ಮಾಡಲಾಗಿತ್ತು ಕೆಲ ವರ್ಷಗಳ ಹಿಂದೆ ರದ್ದು ಪಡಿಸಿದ್ದಾರೆ. ರೈಲು ನಿಲ್ದಾಣಕ್ಕೆ ಬರುವ ಬಹುತೇಕರು ದ್ವಿಚಕ್ರ ವಾಹನದಲ್ಲಿಯೇ ಬರುತ್ತಾರೆ. ಮತ್ತೆ ಪಾರ್ಕಿಂಗ್‌ ವ್ಯವಸ್ಥೆ ಆರಂಭಿಸಬೇಕು’ ಎಂದು ರೈಲು ನಿಲ್ದಾಣ ಬಳಿಯ ಅಂಗಡಿ ಮಾಲೀಕ ಉದಯಕುಮಾರ್ ಒತ್ತಾಯಿಸಿದರು. ‘ಪ್ರಯಾಣಿಕರು ವಾಹನ ನಿಲ್ಲಿಸುವುದು ಕಷ್ಟವಾಗಿದೆ. ಅವರ ಕಷ್ಟ ನೋಡಿಲಿಕ್ಕೆ ಆಗದೇ ಮಾನವೀಯ ದೃಷ್ಟಿಯಿಂದ ಸಂಜೆ ತೆಗೆದುಕೊಂಡು ಹೋಗುವವರಿದ್ದರೆ ಕೆಲವರ ವಾಹನವನ್ನು ನನ್ನ ಚಿಕ್ಕ ಅಂಗಡಿ ಮುಂದೆ ನಿಲ್ಲಿಸಿಕೊಳ್ಳುತ್ತೇನೆ’ ಎಂದರು.