ಹುಣಸೂರು |ಜಿಂಕೆ ಭೇಟೆ: ಇಬ್ಬರ ಬಂಧನ

ಘಟನೆ ವಿವರ: ಮೇ 1ರ ಬುಧವಾರ ಮಧ್ಯಾಹ್ನ ಆರ್.ಎಫ್.ಒ ಪ್ರಮೋದ್ ಮತ್ತು ಸಿಬ್ಬಂದಿ ಗಸ್ತಿನಲ್ಲಿ ಇದ್ದಾಗ 5 ಆರೋಪಿಗಳ ತಂಡವೊಂದು ಅರಣ್ಯದಲ್ಲಿ ಅಕ್ರಮವಾಗಿ ಭೇಟೆ ಮಾಡಿದ ಜಿಂಕೆ ಮಾಂಸದೊಂದಿಗೆ ತೆರಳುತ್ತಿದ್ದರು. ಇದನ್ನು ಗಮನಿಸಿದ ಸಿಬ್ಬಂದಿ ಆರೋಪಿಗಳನ್ನು ವಶಕ್ಕೆ ಪಡೆಯುವ ಪ್ರಯತ್ನ ನಡೆಸಿದೆ. ಐವರು ಆರೋಪಿಗಳಲ್ಲಿ ಇಬ್ಬರು ವಶಕ್ಕೆ ಸಿಕ್ಕಿದ್ದು, ಮೂವರು ತಪ್ಪಿಸಿಕೊಂಡಿದ್ದಾರೆ’ ಎಂದು ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಆರೋಪಿಗಳು ಹುಣಸೂರು ತಾಲ್ಲೂಕಿನ ಕೊಳವಿಗೆ ಹಾಡಿಯ ದಿನೇಶ್, ಬಿಲ್ಲೇನಹೊಸಹಳ್ಳಿ ಹಾಡಿಯ ರಾಮು ಎಂದು ತಿಳಿದು ಬಂದಿದೆ. ಉಳಿದ ಮೂವರು ಆರೋಪಿಗಳಾದ ಗಣೇಶ, ವಿಶ್ವ ಮತ್ತು ಕುಮಾರ ಎಂಬುವವರ ಪತ್ತೆಗೆ ಇಲಾಖೆ ಕಾರ್ಯಾಚರಣೆ ನಡೆಸಿದೆ.

ಆರೋಪಿಗಳಿಂದ 40 ಕೆ.ಜಿ ಮಾಂಸ ಮತ್ತು ಮಾರಕಾಸ್ತ್ರ ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ ಎಂದು ತಿಳಿಸಿದ್ದಾರೆ.