ಮೃಗಾಲಯದಲ್ಲಿ ವಿಶ್ವ ಜಿರಾಫೆ ದಿನಾಚರಣೆ

ಗುರುವಾರ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಜಿರಾಫೆ ಕುರಿತು ಸಾರ್ವಜನಿಕರಿಗೆ ಮಾಹಿತಿ ನೀಡಲಾಯಿತು. ಪೋಸ್ಟರ್‌ಗಳ ಮೂಲಕ ಅರಿವು ಮೂಡಿಸಲಾಯಿತು.

‘ದೇಶದ ವಿವಿಧ ಮೃಗಾಲಯಗಳಲ್ಲಿ ಸುಮಾರು 30 ಜಿರಾಫೆಗಳು ಇವೆ. ಈ ಪ‍್ರಾಣಿಗಳು ದೇಶದಲ್ಲಿ ಅವನತಿ ಅಂಚಿನಲ್ಲಿವೆ. ವಿಶ್ವದಲ್ಲಿ ಕಳೆದ 30 ವರ್ಷಗಳಲ್ಲಿ ಶೇ 40ರಷ್ಟು ಕಡಿಮೆ ಆಗಿವೆ. ಹೀಗಾಗಿ, ಈ ಪ್ರಾಣಿ ಸಂತತಿಯನ್ನು ಸಂರಕ್ಷಿಸುವುದು ಅತ್ಯಗತ್ಯವಾಗಿದೆ’ ಎಂದು ಮೃಗಾಲಯದ ಕಾರ್ಯನಿರ್ವಾಹಕ ನಿರ್ದೇಶಕ ಸಿದ್ದರಾಮಪ್ಪ ತಿಳಿಸಿದರು.

‘ಜೂನ್‌ 21 ಸುದೀರ್ಘ ದಿನ. ಜಿರಾಫೆ ಅತಿ ಎತ್ತರದ ಪ್ರಾಣಿ. ಹೀಗಾಗಿ, ಈ ದಿನವನ್ನು ಜಿರಾಫೆ ದಿನವನ್ನಾಗಿ ಆಚರಿಸಲಾಗುತ್ತಿದೆ. ಈ ಮೃಗಾಲಯದಲ್ಲಿ ಏಳು ಜಿರಾಫೆಗಳು ಇರುವುದು ವಿಶೇಷ. ಜೊತೆಗೆ ಸಂತಾನೋತ್ಪತ್ತಿ ಕೇಂದ್ರವೂ ಇಲ್ಲಿದೆ’ ಎಂದರು.