<p><strong>ಕವಿತಾಳ:</strong> ಶೇಂಗಾ ಬಿತ್ತನೆ ಬೀಜ ವಿತರಣೆಯಲ್ಲಿ ಕೃಷಿ ಅಧಿಕಾರಿಗಳು ತಾರತಮ್ಯ ಮಾಡುತ್ತಿದ್ದಾರೆ. ದೊಡ್ಡ ರೈತರಿಗೆ ರಾತ್ರೋರಾತ್ರಿ ಬಿತ್ತನೆ ಬೀಜ ವಿತರಿಸುವ ಅಧಿಕಾರಿಗಳು ಸಣ್ಣ ರೈತರನ್ನು ಕಡೆಗಣಿಸುತ್ತಿದ್ದಾರೆ ಎನ್ನುವ ಆರೋಪ ಕೇಳಿ ಬಂದಿದೆ.</p>.<p>ಸಮೀಪದ ಪಾಮನಕಲ್ಲೂರು ರೈತ ಸಂಪರ್ಕ ಕೇಂದ್ರಕ್ಕೆ ಮಂಗಳವಾರ ಶೇಂಗಾ ಬಿತ್ತನೆ ಬೀಜ ಖರೀದಿಗೆ ಆಗಮಿಸಿದ್ದ ರೈತರು ಮಧ್ಯಾಹ್ನ 1ಗಂಟೆಯಾದರೂ ಕೇಂದ್ರದ ಬಾಗಿಲು ತೆಗೆಯದ ಕಾರಣ ಪ್ರತಿಭಟನೆ ನಡೆಸಿ ಅಧಿಕಾರಿಗಳ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದರು.</p>.<p>ಪಾಮನಕಲ್ಲೂರು, ಕೊಟೇಕಲ್, ಅಮೀನಗಡ, ಹರ್ವಾಪುರ, ಬೆಂಚಮರಡಿ, ತುಪ್ಪದೂರು, ಆನಂದಗಲ್, ಯತಗಲ್ ಮತ್ತು ಗುಡಿಹಾಳ ಗ್ರಾಮಗಳಿಂದ ರೈತರು ಆಗಮಿಸಿದ್ದರು.</p>.<p>‘ಸೋಮವಾರ ಸಂಜೆವರೆಗೆ ಕಾದು ಕುಳಿತರೂ ಬಿತ್ತನೆ ಬೀಜ ವಿತರಣೆ ಮಾಡಲಿಲ್ಲ. ರಾತ್ರಿ 8 ಗಂಟೆ ನಂತರ ಕೆಲವು ದೊಡ್ಡ ರೈತರಿಗೆ ಕರೆ ಮಾಡಿದ ಅಧಿಕಾರಿಗಳು ಅವರಿಗೆ ಬೀಜ ವಿತರಿಸಿದ್ದಾರೆ. ಈಗ ಬೆಳಿಗ್ಗೆ 7 ಗಂಟೆಯಿಂದ ಕಾದು ಕುಳಿತಿದ್ದೇವೆ ಮಧ್ಯಾಹ್ನ 1 ಗಂಟೆಯಾದರೂ ಅಧಿಕಾರಿಗಳು ಇತ್ತ ಸುಳಿದಿಲ್ಲ. ಹೊಲ ಮನೆ ಕೆಲಸ ಬಿಟ್ಟು ಎರಡು ದಿನಗಳಿಂದ ಶೇಂಗಾ ಬಿತ್ತನೆ ಬೀಜಕ್ಕಾಗಿ ಕಾಯುವಂತಾಗಿದೆ’ ಎಂದು ರೈತರಾದ ಮಲ್ಲಿಕಾರ್ಜುನ, ಸೈಯದ್ ಅಜ್ಮೀರ್, ರಶೀದ್ ಬಂಕದ, ಮಲ್ಲಪ್ಪ, ದಾವಲಸಾಬ್, ಅಮರಣ್ಣ, ಬಸಲಿಂಗಮ್ಮ, ಅನಸೂಯಮ್ಮ, ಯಲ್ಲಮ್ಮ, ಬಸಮ್ಮ, ಮತ್ತಿತರರು ದೂರಿದರು.</p>.<p>‘ಕೃಷಿ ಅಧಿಕಾರಿಗೆ ಮೊಬೈಲ್ ಕರೆ ಮಾಡಿದರೆ ಮೀಟಿಂಗ್ನಲ್ಲಿದ್ದೇನೆ ಎಂದು ಕರೆ ಕಡಿತ ಮಾಡಿದರು. ಕೇಂದ್ರದ ಬಾಗಿಲು ತೆರೆಯುತ್ತಿಲ್ಲ. ಕಾದು ಕಾದು ರೈತರು ವಾಪಸ್ ತೆರಳಿದ ನಂತರ ಆಗಮಿಸುವ ಅಧಿಕಾರಿಗಳು ತಮಗೆ ಬೇಕಿದ್ದ ರೈತರಿಗೆ ಕರೆಯಿಸಿಕೊಂಡು ಅವರಿಗೆ ಬೀಜ ವಿತರಣೆ ಮಾಡುತ್ತಾರೆ. ಈ ಬಗ್ಗೆ ಹಿರಿಯ ಅಧಿಕಾರಿಗಳು ಕಾಳಜಿ ವಹಿಸದಿದ್ದರೆ ಪ್ರತಿಭಟನೆ ನಡೆಸಲಾಗುವುದು’ ಎಂದು ರೈತರಾದ ಇಮಾಂಹುಸೇನ್, ಅಂಬಣ್ಣ, ಈರಪ್ಪ, ಶಿವಮ್ಮ, ಬಸಲಿಂಗಮ್ಮ ಎಚ್ಚರಿಸಿದರು.</p>.<div><blockquote>ಶೇಂಗಾ ಬೀಜ ವಿತರಣೆ ಅವಧಿ ಮುಗಿದು ತಿಂಗಳಾಗಿದೆ ಅರ್ಜಿ ಸಲ್ಲಿಸಿದ ಆಯ್ದ ರೈತರಿಗೆ ಮಾತ್ರ ಈಗ ‘ಡೆಮೊ’ ಬೀಜ ವಿತರಣೆ ಮಾಡಲಾಗುತ್ತಿದೆ ತಪ್ಪು ಮಾಹಿತಿಯಿಂದ ರೈತರು ಜಮಾಯಿಸಿದ್ದಾರೆ </blockquote><span class="attribution">ಗುರುನಾಥ ಸಹಾಯಕ ಕೃಷಿ ನಿರ್ದೇಶಕ ಮಾನ್ವಿ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕವಿತಾಳ:</strong> ಶೇಂಗಾ ಬಿತ್ತನೆ ಬೀಜ ವಿತರಣೆಯಲ್ಲಿ ಕೃಷಿ ಅಧಿಕಾರಿಗಳು ತಾರತಮ್ಯ ಮಾಡುತ್ತಿದ್ದಾರೆ. ದೊಡ್ಡ ರೈತರಿಗೆ ರಾತ್ರೋರಾತ್ರಿ ಬಿತ್ತನೆ ಬೀಜ ವಿತರಿಸುವ ಅಧಿಕಾರಿಗಳು ಸಣ್ಣ ರೈತರನ್ನು ಕಡೆಗಣಿಸುತ್ತಿದ್ದಾರೆ ಎನ್ನುವ ಆರೋಪ ಕೇಳಿ ಬಂದಿದೆ.</p>.<p>ಸಮೀಪದ ಪಾಮನಕಲ್ಲೂರು ರೈತ ಸಂಪರ್ಕ ಕೇಂದ್ರಕ್ಕೆ ಮಂಗಳವಾರ ಶೇಂಗಾ ಬಿತ್ತನೆ ಬೀಜ ಖರೀದಿಗೆ ಆಗಮಿಸಿದ್ದ ರೈತರು ಮಧ್ಯಾಹ್ನ 1ಗಂಟೆಯಾದರೂ ಕೇಂದ್ರದ ಬಾಗಿಲು ತೆಗೆಯದ ಕಾರಣ ಪ್ರತಿಭಟನೆ ನಡೆಸಿ ಅಧಿಕಾರಿಗಳ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದರು.</p>.<p>ಪಾಮನಕಲ್ಲೂರು, ಕೊಟೇಕಲ್, ಅಮೀನಗಡ, ಹರ್ವಾಪುರ, ಬೆಂಚಮರಡಿ, ತುಪ್ಪದೂರು, ಆನಂದಗಲ್, ಯತಗಲ್ ಮತ್ತು ಗುಡಿಹಾಳ ಗ್ರಾಮಗಳಿಂದ ರೈತರು ಆಗಮಿಸಿದ್ದರು.</p>.<p>‘ಸೋಮವಾರ ಸಂಜೆವರೆಗೆ ಕಾದು ಕುಳಿತರೂ ಬಿತ್ತನೆ ಬೀಜ ವಿತರಣೆ ಮಾಡಲಿಲ್ಲ. ರಾತ್ರಿ 8 ಗಂಟೆ ನಂತರ ಕೆಲವು ದೊಡ್ಡ ರೈತರಿಗೆ ಕರೆ ಮಾಡಿದ ಅಧಿಕಾರಿಗಳು ಅವರಿಗೆ ಬೀಜ ವಿತರಿಸಿದ್ದಾರೆ. ಈಗ ಬೆಳಿಗ್ಗೆ 7 ಗಂಟೆಯಿಂದ ಕಾದು ಕುಳಿತಿದ್ದೇವೆ ಮಧ್ಯಾಹ್ನ 1 ಗಂಟೆಯಾದರೂ ಅಧಿಕಾರಿಗಳು ಇತ್ತ ಸುಳಿದಿಲ್ಲ. ಹೊಲ ಮನೆ ಕೆಲಸ ಬಿಟ್ಟು ಎರಡು ದಿನಗಳಿಂದ ಶೇಂಗಾ ಬಿತ್ತನೆ ಬೀಜಕ್ಕಾಗಿ ಕಾಯುವಂತಾಗಿದೆ’ ಎಂದು ರೈತರಾದ ಮಲ್ಲಿಕಾರ್ಜುನ, ಸೈಯದ್ ಅಜ್ಮೀರ್, ರಶೀದ್ ಬಂಕದ, ಮಲ್ಲಪ್ಪ, ದಾವಲಸಾಬ್, ಅಮರಣ್ಣ, ಬಸಲಿಂಗಮ್ಮ, ಅನಸೂಯಮ್ಮ, ಯಲ್ಲಮ್ಮ, ಬಸಮ್ಮ, ಮತ್ತಿತರರು ದೂರಿದರು.</p>.<p>‘ಕೃಷಿ ಅಧಿಕಾರಿಗೆ ಮೊಬೈಲ್ ಕರೆ ಮಾಡಿದರೆ ಮೀಟಿಂಗ್ನಲ್ಲಿದ್ದೇನೆ ಎಂದು ಕರೆ ಕಡಿತ ಮಾಡಿದರು. ಕೇಂದ್ರದ ಬಾಗಿಲು ತೆರೆಯುತ್ತಿಲ್ಲ. ಕಾದು ಕಾದು ರೈತರು ವಾಪಸ್ ತೆರಳಿದ ನಂತರ ಆಗಮಿಸುವ ಅಧಿಕಾರಿಗಳು ತಮಗೆ ಬೇಕಿದ್ದ ರೈತರಿಗೆ ಕರೆಯಿಸಿಕೊಂಡು ಅವರಿಗೆ ಬೀಜ ವಿತರಣೆ ಮಾಡುತ್ತಾರೆ. ಈ ಬಗ್ಗೆ ಹಿರಿಯ ಅಧಿಕಾರಿಗಳು ಕಾಳಜಿ ವಹಿಸದಿದ್ದರೆ ಪ್ರತಿಭಟನೆ ನಡೆಸಲಾಗುವುದು’ ಎಂದು ರೈತರಾದ ಇಮಾಂಹುಸೇನ್, ಅಂಬಣ್ಣ, ಈರಪ್ಪ, ಶಿವಮ್ಮ, ಬಸಲಿಂಗಮ್ಮ ಎಚ್ಚರಿಸಿದರು.</p>.<div><blockquote>ಶೇಂಗಾ ಬೀಜ ವಿತರಣೆ ಅವಧಿ ಮುಗಿದು ತಿಂಗಳಾಗಿದೆ ಅರ್ಜಿ ಸಲ್ಲಿಸಿದ ಆಯ್ದ ರೈತರಿಗೆ ಮಾತ್ರ ಈಗ ‘ಡೆಮೊ’ ಬೀಜ ವಿತರಣೆ ಮಾಡಲಾಗುತ್ತಿದೆ ತಪ್ಪು ಮಾಹಿತಿಯಿಂದ ರೈತರು ಜಮಾಯಿಸಿದ್ದಾರೆ </blockquote><span class="attribution">ಗುರುನಾಥ ಸಹಾಯಕ ಕೃಷಿ ನಿರ್ದೇಶಕ ಮಾನ್ವಿ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>