ಶಕ್ತಿನಗರ | ಕೋಳಿ ಸಾಕಾಣಿಕೆಗೆ ನರೇಗಾ ನೆರವು: ಉತ್ತಮ ಆದಾಯ ಪಡೆಯುತ್ತಿರುವ ವೀರೇಶ

ವೀರೇಶ ಅವರು ಕೋಳಿ ಸಾಕಾಣಿಕೆಯನ್ನೂ ಮಾಡುತ್ತಿದ್ದಾರೆ. ಕುಟುಂಬದೊಂದಿಗೆ ಕೆಲಸಕ್ಕೆ ಹೋದಾಗ ಕೋಳಿಗಳ ರಕ್ಷಣೆ ಹಾಗೂ ನಿರ್ವಹಣೆ ಸಮಸ್ಯೆಯಾಗುತ್ತಿತ್ತು. ನರೇಗಾ ಯೋಜನೆಯ ವೈಯಕ್ತಿಕ ಕಾಮಗಾರಿಯಡಿ ಕೋಳಿ ಸಾಕಾಣಿಕೆ ಶೆಡ್ ನಿರ್ಮಿಸಿಕೊಂಡಿದ್ದಾರೆ.

ಗ್ರಾಮ ಪಂಚಾಯಿತಿಯವರು 2022-23ನೇ ಸಾಲಿನಲ್ಲಿ ಅಂದಾಜು ₹62,000 ಸಾವಿರ ಮೊತ್ತದಲ್ಲಿ ಕೋಳಿ ಶೆಡ್ ನಿರ್ಮಿಸಿಕೊಟ್ಟಿದ್ದಾರೆ. ಕೂಲಿಗಾಗಿ ₹19 ಸಾವಿರ, ಸಾಮಗ್ರಿಗೆ ₹32,334 ಸಾವಿರ ವೆಚ್ಚ ಮಾಡಲಾಗಿದೆ. 62 ಮಾನವ ದಿನಗಳನ್ನು ಸೃಜಿಸಲಾಗಿದೆ.

3.75 X 2.06 ಮೀ ಅಳತೆಯ ಕೋಳಿ ಶೆಡ್‌ನಲ್ಲಿ ಭೀಮಾವರಂ ತಳಿಯ 8 ಕೋಳಿ, 8 ಹುಂಜ ಹಾಗೂ 15 ನಾಟಿ ಕೋಳಿಗಳನ್ನು ಸಾಕಿದ್ದಾರೆ. ಭೀಮಾವರಂ ತಳಿಯ ಹುಂಜಕ್ಕೆ ₹2,000, ಕೋಳಿಗೆ ₹1,500 ಬೆಲೆ ಇದೆ ಎಂದು ವೀರೇಶ ತಿಳಿಸಿದರು.