ಕೋಟೆ ರಾಮೇಶ್ವರ ರಥೋತ್ಸವ

ರಥೋತ್ಸವದ ಅಂಗವಾಗಿ ಕೋಟೆ ರಾಮೇಶ್ವರ ಮೂರ್ತಿಗೆ ಬೆಳಗ್ಗೆಯಿಂದ ಪಂಚಾಮೃತ ಅಭಿಷೇಕ ಹೂವಿನ ಅಲಂಕಾರ ಏರ್ಪಡಿಸಲಾಗಿತ್ತು, ಉತ್ಸವ ಮೂರ್ತಿಗಳಿಗೆ ವಿಶೇಷ ಪೂಜೆ ಸಲ್ಲಿಸಿ ರಥದಲ್ಲಿ ಕೂರಿಸಲಾಯಿತು. ದೇವಸ್ಥಾನದ ಸುತ್ತ ಚಿಕ್ಕ ರಥದಲ್ಲಿ ಮೂರು ಸುತ್ತು ಎಳೆಯುವ ಮೂಲಕ ಬ್ರಹ್ಮರಥೋತ್ಸವಕ್ಕೆ ಅದ್ದೂರಿಯಾಗಿ ಚಾಲನೆ ನೀಡಲಾಯಿತು. ರಥೋತ್ಸವದ ಅಂಗವಾಗಿ ಭಕ್ತರಿಗೆ ಪಾನಕ, ಕೋಸಂಬರಿ, ಅನ್ನ ಸಂತರ್ಪಣೆ ಏರ್ಪಡಿಸಲಾಗಿತ್ತು.‌

ಇಮ್ಮಡಿ ಕೆಂಪೇಗೌಡರ ತಾಯಿ ಚಿಕ್ಕಮ್ಮಾಜಿ ಗಂಡು ಸಂತಾನವಾದಲ್ಲಿ ದಕ್ಷಿಣದಲ್ಲಿನ ರಾಮೇಶ್ವರನಿಗೆ ಪೂರಿ ಸಲ್ಲಿಸಿ ಕಾಣಿಸುವುದಾಗಿ ಹರಕೆ ಹೊತ್ತಿದಳು. ಇಮ್ಮಡಿ ಕೆಂಪೇಗೌಡರ ಜನನದ ನಂತರ ನಡೆದ ಕದನಗಳ ಕಾರಣ ಚಿಕ್ಕಮ್ಮಾಜಿ ಅವರಿಗೆ ಮೇಶ್ವರನಿಗೆ ಹರಕೆ ಸಲ್ಲಿಸಲು ಆಗಲಿಲ್ಲ. ತಾಯಿಯ ಆಸೆಯ ನೆರವೇರಿಸಲು ಇಮ್ಮಡಿ ಕೆಂಪೇಗೌಡ ಮಾಗಡಿ ಕೋಟೆಯ ದೇವಮೂಲೆಯಲ್ಲಿ ಕ್ರಿ.ಶ. 1628ರಲ್ಲಿ ಕೋಟೆ ರಾಮೇಶ್ವರ ದೇವಾಲಯವನ್ನು ನಿರ್ಮಿಸಿದರು. ಇದರ ಬಗ್ಗೆ ಇತಿಹಾಸದ ದಾಖಲೆಗಳಿವೆ.