ದಿನಸಿ ಅಂಗಡಿಗಳು, ಹಾಲು, ಮಾಂಸ ಮಾರಾಟ, ಮೆಡಿಕಲ್ ಸ್ಟೋರ್ಗಳು ಮಧ್ಯಾಹ್ನ 2ರವರೆಗೆ ತೆರೆಯಬಹುದು. ಮದ್ಯ ಮಾರಾಟಕ್ಕೂ ಈ ಅವಧಿಯಲ್ಲಿ ಅವಕಾಶ ಇದೆ. ಈ ಬಾರಿ ಇವುಗಳ ಜೊತೆಗೆ ಕನ್ನಡಕ ಮಾರಾಟಕ್ಕೂ ಅವಕಾಶ ಕಲ್ಪಿಸಲಾಗಿದೆ. ಉಳಿದಂತೆ ಜವಳಿ ಅಂಗಡಿ, ಆಭರಣ ಮಳಿಗೆ, ಪೀಠೋಕರಣ ಮೊದಲಾದ ಮಳಿಗೆಗಳಲ್ಲಿನ ವ್ಯಾಪಾರಕ್ಕೆ ನಿರ್ಬಂಧ ಮುಂದುವರಿದಿದೆ. ಆಟೊ, ಕ್ಯಾಬ್ಗಳ ಓಡಾಟಕ್ಕೆ ಸರ್ಕಾರ ಅವಕಾಶ ನೀಡಿದೆ. ಆದರೆ, ವಾಹನದಲ್ಲಿ ಇಬ್ಬರು ಪ್ರಯಾಣಿಕರು ಮಾತ್ರ ಸಂಚರಿಸಬಹುದು ಎಂಬ ಷರತ್ತು ಹಾಕಲಾಗಿದೆ.