ಶನಿವಾರ, ಡಿಸೆಂಬರ್ 3, 2022
26 °C

ಗುಂಪು ಘರ್ಷಣೆ: ಸಹಜಸ್ಥಿತಿಯತ್ತ ಹಾರೋಬೆನವಳ್ಳಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಹೊಳೆಹೊನ್ನೂರು: ಸಮೀಪದ ಹಾರೋಬೆನವಳ್ಳಿ ಗ್ರಾಮದಲ್ಲಿ ಶುಕ್ರವಾರ ರಾತ್ರಿ ನಿವೇಶನ ವಿಚಾರಕ್ಕೆ ಎರಡು ಗುಂಪುಗಳ ಮಧ್ಯೆ ನಡೆದ ಘರ್ಷಣೆ ಸಂಬಂಧ ಪೊಲೀಸರು 8 ಮಂದಿಯನ್ನು ವಶಕ್ಕೆ ಪಡೆದಿದ್ದಾರೆ. ಗ್ರಾಮ ಸಹಜ ಸ್ಥಿತಿಗೆ ಮರಳಿದೆ.

ನಿವೇಶನ ಹಂಚಿಕೆ ಸಂಬಂಧ ರಸೂಲ್ ಹಾಗೂ ರಾಕೇಶ್‌ ಎಂಬುವವರು ಮಧ್ಯೆ ಜಗಳವಿತ್ತು. ಈ ವಿಚಾರ ಸಂಬಂಧ ರಸೂಲ್‌ ಗುಂಪಿನೊಂದಿಗೆ ಬಂದು ಹಲ್ಲೆ ನಡೆಸಿದ್ದ ಎಂದು ದೂರು ದಾಖಲಾಗಿತ್ತು. 

‘ನನ್ನ ನಿವೇಶನದಲ್ಲಿ ರಸೂಲ್‌ ಎರಡು ತಿಂಗಳಿಂದ ಶೆಡ್ ನಿರ್ಮಿಸಿದ್ದ. ಇದನ್ನು ತೆರವು ಮಾಡುವಂತೆ ಹಲವು ಬಾರಿ ತಿಳಿಸಿದ್ದರೂ ತೆರವು ಮಾಡಿರಲಿಲ್ಲ. ಶುಕ್ರವಾರ ಶೆಡ್‌ ಒಂದು ಕಂಬ ತೆಗೆದಿದ್ದೆ. ಸಂಜೆ 8 ರಿಂದ 10 ಯುವಕರ ಗುಂಪಿನೊಂದಿಗೆ ಬಂದ ರಸೂಲ್ ಹಲ್ಲೆ ನಡೆಸಿದ್ದ’ ಎಂದು ರಾಕೇಶ್‌ ದೂರು ನೀಡಿದ್ದರು.

ರಾಕೇಶ್‌ ಕೂಡ ಗುಂಪಿನೊಂದಿಗೆ ಬಂದು ರಸೂಲ್‌ ಮೇಲೆ ಹಲ್ಲೆಗೆ ಮುಂದಾಗಿದ್ದ. ಗುಂಪುಗಳ ನಡುವೆ ಘರ್ಷಣೆ ನಡೆದಿತ್ತು.

ಸಿಪಿಐ ಲಕ್ಷ್ಮೀಪತಿ ನೇತೃತ್ವದ ತಂಡ 8 ಜನರನ್ನು ವಶಕ್ಕೆ ಪಡೆದಿತ್ತು.

ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಮಿಥನ್ ಕುಮಾರ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದರು. ಗ್ರಾಮದಲ್ಲಿ ಪೊಲೀಸರು ಮೊಕ್ಕಾಂ ಹೂಡಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.