ಮಳೆ: 6 ಮನೆಗಳು ಕುಸಿತ

ಶಿವಮೊಗ್ಗ: ನಗರದ ಸವರ್‌ಲೈನ್‌ ರಸ್ತೆ ಬಳಿ ಈಚೆಗೆ ಸುರಿದ ಮಳೆಯಿಂದಾಗಿ ತೇವವಾಗಿದ್ದ 6 ಮನೆಗಳು ಶನಿವಾರ ಕುಸಿದು ಬಿದ್ದಿವೆ.

ಹೂ ಮಾರಾಟಗಾರರಾದ ರಾಧಾ, ಭಾಗ್ಯಮ್ಮ, ಭಾಗ್ಯಲಕ್ಷ್ಮಿ, ನಾಗಮ್ಮ, ರಂಗಮ್ಮ, ಗಾಯತ್ರಮ್ಮ ಎಂಬುವರ ಮನೆಗಳು ಬಿದ್ದಿವೆ. ಮಕ್ಕಳು ಹೊರಗಡೆ ಹೋಗಿದ್ದರಿಂದ ಯಾವುದೇ ಪ್ರಾಣಹಾನಿಯಾಗಿಲ್ಲ.

ಮಹಾನಗರ ಪಾಲಿಕೆ ಮೇಯರ್ ಸುನೀತಾ ಅಣ್ಣಪ್ಪ, ಉಪ ಮೇಯರ್ ಶಂಕರ್ ಗನ್ನಿ, ಪಾಲಿಕೆಯ ಸದಸ್ಯರು ಸ್ಥಳಕ್ಕೆ ಭೇಟಿ ನೀಡಿ ಹಾನಿಗೊಳಗಾದ ಮನೆಗಳನ್ನು ಪರಿಶೀಲಿಸಿದರು. ಮನೆ ಮಾಲೀಕರಿಗೆ ಸಾಂತ್ವನ ಹೇಳಿ ಕೂಡಲೇ ಪರಿಹಾರ ನೀಡುವುದಾಗಿ ಭರವಸೆ ನೀಡಿದರು.