ಮತದಾನಕ್ಕೆ ನಾಗರಿಕರ ನಿರಾಸಕ್ತಿ:ಪಾಲಿಕೆ ವ್ಯಾಪ್ತಿಯ 35 ವಾರ್ಡ್ಗಳಲ್ಲಿ 2,73,792 ಮತದಾರರು ಇದ್ದರೂ ಮತಗಟ್ಟೆಗೆ ಬಂದು ಮತಚಲಾಯಿಸಿದ್ದು ಶೇ 59.24 ಮತದಾರರು. ಮತದಾನ ಕುರಿತು ನಗರದ ನಾಗರಿಕರ ನಿರಾಸಕ್ತಿಗೆ ಈ ಚುನಾವಣೆ ಸಾಕ್ಷಿಯಾಯಿತು. 2013ರಲ್ಲಿ ನಡೆದಿದ್ದ ಅಂದಿನ ನಗರಸಭೆ ಚುನಾವಣೆಯಲ್ಲಿ ಶೇ 62ರಷ್ಟು ಮತದಾನವಾಗಿತ್ತು. ಈ ಬಾರಿ 53 ಸಾವಿರ ಹೊಸ ಮತದಾರರ ಸೇರ್ಪಡೆಯಾಗಿತ್ತು. ಹಾಗಾಗಿ,ಮತದಾನದಲ್ಲಿ ಹೆಚ್ಚಳ ನಿರೀಕ್ಷಿಸಲಾಗಿತ್ತು. ಆದರೆ, ಕಳೆದ ಬಾರಿಗಿಂತ ಕಡಿಮೆ ಮತದಾನವಾಗಿದೆ. ವಿದ್ಯಾವಂತರು, ನೌಕರರ ವರ್ಗ ಹೆಚ್ಚಾಗಿ ಇರುವ ಬಡಾವಣೆಗಳಲ್ಲೇ ಅತಿ ಕಡಿಮೆ ಮತದಾನವಾಗಿದೆ.